¹ Naakamana kuzhyalwa Jeso ku Betelehema mu cinhyi ca Judiya mu mazuna akali kulele mwami Helodi, bayiile balombwana kuhwa kwiwe bakahyika mu Jerusalem kabaamba kuti, ² "Uli kuli uyo wakazhyalwa mwami wa ba maa Juda? Twaibona intongwezhyi yakwe kwiwe aboobo twaboola kumu paila." ³ Nakateelela boobo mwami Herod, wakapenga, abamu Jerusalem boonse anguwe. ⁴ Herod wakababunganya boonse bakando-kando ba zhyikombelo aba lembi ba bantu, wakababuzhya, "Nkuli nkwayeyelwa kuti nkwakazhalilwa munanike wa Leza?" ⁵ Bakaamba kuti kuli nguwe, "Mu Bethlehem mucihyi ca Judea, nkambo mbwakalemba muhyinhyimi, ⁶ 'Pele ebo, Bethelehem, munyika ya Judah, toli muhyoonto akti kabaleli ba Judah, nkaambo kuhwa muli nduwe, kuya kuhwa muleli, uuya kweembela mbantu bangu ba israel.''' ⁷ Mpoona Herod kumbali wakabayita ubalombwana basongo kubabuzhya ciindi cini intongwezhyo noyakalibonya. ⁸ Wakabatuma ku Bethelehem, kaamba, ''Kamuya muka hwunyungule kabotu kabotu mwana muhyoonto oyu. Mwaakumujana, mundetele makani kutewa amebo ndiza nkaboole kumusekelele. ⁹ Nobakamana kumuteelela mwami, bakaunka muzhyila zhyabo, a yalo nyenyezhyi njobakabwene kujwe yakaunka ambabo kuhyikila yakaima kakunyina kuzhungaana alo aawa akli mwana muhyoonto. ¹⁰ Nobakaibona intongwezhyi, bakasekelela akukkomana kukando. ¹¹ Bakanjila mu ng'anda akumubona mwana muhyoonto aba banyina ba maliya.Bakawa anhyi alimwi akumupaila. Bakajula nkomo hyabo akupa zhyipego izhya golide, frankincense, tununkilizhyo alimwi a myrrh. ¹² Leza wakabacenjezhya muciloto kuti batakapiluki kuli herod, awa bakaandana kuya mu zhyihyi zhyabo bonse bakatola nzhyila nzhyabo. ¹³ Nobakamana kwaandaana, mungele wamwami wakalibonya muciloto kuli Joseph kamba kuti, '' Kobuka, kobwezha mwana mhyonto aba banyina, kamutiya kamuya k Egypt. Mukakkale ooko kuhyikila nkamwaambile, nkaambo Herod uyanda kumuyaya mwana.'' ¹⁴ Ngoona mahyiku ayo Joseph wakabwezha mwana muhyoonto aba banyina kuya ku Egypt. ¹⁵ Wakakkala kulya kuhyikila naa kahwa Herod. Eeci cakali kuzuzukizhya cakakananwa a leza kwiinda mumunhyinhyimi, wakaamba kuti, '' kohwa mu Egypt ndakwiita mwanaangu.'' ¹⁶ Ono herod naakabona kuti wacengwa abalombwana basongo, wakalemana maningi. Wakatuma akujaya bana basankwa boonse bakali mu bethelehem alimwi amucihyi coonse bakali amyaka yobile akubola anhyi, kweendelana aciindi naakateelela twaambo kuhwa ku balombwana basongo. ¹⁷ Eelyo cakazhuzhukizhyiwa cakaamba muhyinhyimi jelemiya, ikuti, '' ¹⁸ Ijwi lyakahwiwa mu Ramah, kulila akoongolola kupati, Rachel ulila bana bakwe, wakaka kuumbulihyiwa nkaambo boonse bahwa. ¹⁹ Herod naakahwa, mungele wa mwami wakalibonya kuli Joseph muciloto mu Egypt akwwamba kuti, '' ²⁰ Nyamuka ubwezhe mwana aba banyina uunke ku nyika ya Israel, nkaambo abo bakapaula buumi bwamwana bali hwile.'' ²¹ Joseph wakanyamuka, wakabwezha mwana aba banyina, akuhyika kunyika ya Israel. ²² Pele naakanhwa kuti Achelaus nguwakali kulela mu Judea mubusena bwa Herod uhi, wakayoowa kuunka okuya. Leza naakamana kumucenjezhya mu ciloto, wakaunka ku zhyihyi zhyaku Galilee ²³ wakaunka kuya ku kkala mucisi citewa Nazareth. Eeci cakazuzukihyiwa kwiinda muli cakaamba banhinhimi, kuti uya kwiitwa kuti mu Nazarene.