¹ Bama Falisi abama Saduki baka boola akumusunka muku mwaambila kuti abatondehye cibonenhyo kuhvwa mujulu. ² Wakahvwuwa akwaamba kuli mbabo, ''Naali mangolezhya, mulaamba, 'buhiku buli kuli kabotu nkaambo julu lilabalangala; ³ Naali manhumonhumo, mulaamba, buzuba bulikuli amakumbi, nkaambo ijulu lila subila akuhiyahiya buzuba mbubyaabi.' Mulacikozhya kusandulula ijulu mbolilibonya, pele tamukonzhyi kusandulula hibonenhyo zhya hiindi. ⁴ Nomesela mubyaabi wa mamambe uyanda cibonenhyo, pele kunyina cibonenhyo citapewe kuli nguwe cita buyo cibonenhyo icaa Jonah.'' Mpona Jesu wakabahiya waunka. ⁵ Elyo bahiciiya noba kahika kwitala limwi, bakaluba kutolezhya cinkwa. ⁶ Jesu wakamba kuli mbabo, ''Amulange akucenjela abusena bwa ba Falisi aba Saduki.'' ⁷ Elyo bahiciiya bakahvwana muli lwabo beni akwaamba, ''Nkaambo tiitwaleta cinkwa.'' ⁸ Jesu wakalihyi eci elyo wakaamba, ''Mwebo nnobahyiluhyomo luhyoonto, nkaambo nzhyi ncomuuhvwana muli lwenu akwaamba kuti nkaambo tiimwaleta cinkwa? ⁹ Tamuteelile? Tamuyeeyi zhyinkwa zhyili musanu kubantu bali zhyuulu zhyo sanwe, alimwi zhyili zhyongaye zhyinzuma nhyomakazuhya? ¹⁰ Na zhyinkwa nhili musanu ahyobile kuzhyuulu zhyone, alimwi azhinzuma zhyongaye nzhomwaka zuzhya.? ¹¹ Cili buti kuti tamuteeleli nzhindaali kwaamba kuli ndimwe amakani acinkwa? Amulangihye akucenjela amimena bwaba Falisi aba Saduki. ¹² Ono bakateelela kuti takali kubambila kucenjela amimena bwa cinkwa, pele kucenjela anjiihyo izhya ba Falisi aba Saduki. ¹³ Ono Jesu nakahika kumasena a Caesarea Phillippi, waka babuzhya bahiciiya bakwe nkuti, ''Nguni ngobaamba bantu kuti ngo Mwana a Muntu?'' ¹⁴ Bakaamba, ''Bamwi bamba Johani mubbizhyi; bamwi, Elijah; bamwi Jeremiah, naa umwiwaba nhinhimi.'' ¹⁵ Wakamba kuli mbabo, ''Pele ino mwebo mwaamba kuti ndime ni?'' ¹⁶ Kuhvwiila, Simoni Petrol wakamba, ''Ndiwe Klisto, Mwana wa Leza upona.'' ¹⁷ Jesu wakahvwuwa akwaamba kuli nguwe, ''Walelekwa yebo, Simoni mwana wa Jonah, nkaambo inyama abulowa tizhya zubulilwa kuli ndiwe, pele Taata uli kujulu. ¹⁸ Ambebo ndaamba kuli ndiwe kuti ndiwe Petrol, elyo abwe awa njakuyaka cikombelo cangu. Milyango yazhyuumbwe taikaimi kulwana kuli njiyo. ¹⁹ Njakupa kuli ndimwe zhyisuhyo zhyabulelo bwa kujulu. Kuhumbwa ncomwaanga anhi cilaangwa akujulu, elyo kuhumbwa ncomwaangulula anhi akujulu cilaangululwa.'' ²⁰ Mpoona Jesu wakabalailila bahiciiya kuti batambili muntu naba omwe kuti ngo Klisto. ²¹ Kuhvwa ciindi eco Jesu wakatalika kubambila bahiciiya bakwe kuti njelele kuya ku Jelusalema, kupenga kunji mu zhyintu kumatanhi aaba kando kando aba paihyi bakando aba lembi, aku yaiwa, akubuhiwa alimwi ku buumi mubuzuba bwatatu. ²² Elyo Petrol wakamutola ambali akumukazhya akwaamba kuli nguwe, kuti, ''Eci acisakane kuhwa kuli ndiwe, Omwami! Eci cita citiki kuli ndiwe!'' ²³ Elyo Jesu wacenguluka akwaamba kuli Petrol, ''Koza kunze lyangu, Sataani! Uli cintu cihinkila kuli ndime, nkaambo toyeeyi zhyintu zhya Leza, pele zhya bantu.'' ²⁴ Mpoona Jesu wakaamba kuli bahiciiya bakwe, ''Kuti umwi kayanda kunditobela alyaabe mwini, abweze ciinkano cakwe, akuchilila. ²⁵ Nkaambo kuhumbwa oyo uyanda kunununa buumi bwakwe uya kubusweekelwa, elyo kuhumbwa oyo usweekelwa buumi bwakwe kwinda muli ndime uyaku buyana. ²⁶ Ino inga camugwahya nzhyi muntu kupewa nyika yoonse wamana wasweekelwa buumi bwakwe? Ninhyi muntu ncanga wapa kucincanya a buumi bwakwe? ²⁷ Nkaambo Mwana wa Muntu uyakuboola mu bulemu bwa ba Unhi abangelo bakwe. Wamana uya kupa bulumbu ku muntu omwe omwe kwendelalya amilimo yakwe. ²⁸ Kahimpe ndaamba kuli ndimwe, nkobali awa bainhvwi awa batakalulabili luhu kuhika bakamubone Mwana wa Muntu kaboola mubwami bwakwe.''