¹ Muciindi cilya, Herod mwami wakanhwa makani aamba Jeso. ² Wakaamba kubatwanga bakwe, '' Oyu ngo Johani mubihyi; wakabuka kuhwa kubahwu. Nkakako ezhyi nguzu zhyila beleka kuli nguwe.'' ³ Mbuli Herod mbwakakwata Johani aku mwaanga muntolongo nkaambo ka Herodias mukaintu wa munyina Philipo. ⁴ Nkaambo Johani wakaamba kuli, ''Tacili mumulawo webo kumubweza kuti abe mukaintu wako.'' ⁵ Herod nakamuyaya, pele wakayoowa bantu, nkaambo bakali kumulanga kuti munhyinhyimi. ⁶ Pele buzhuba bwakuzhyalwa kwakwe Herod nobwakahyika, mwana muhyimbi waka Herodias wakanhyana akati akumubotela Herod. ⁷ Mukwiingula, wakahyomezhya mukulumbya kuti ulamupa kuhwumbwa kwaamba kuti apewe. ⁸ Naakamana kulaililwa aba nyina, wakaamba, '' amumpe ano, acizhyanino, mutwe wa JOhani munhyinhyimi.'' ⁹ Mwami wakanyongana kuli ncaakalomba, pele nkambo kacilumbyo ababo bonse mboba kali limwi acisusulo, wakalailila kuti acicitwe. ¹⁰ Wakatuma akuya kumukosola mutwe Johani montolongo. ¹¹ Eelyo mutwe wakaletwa acihyanino akupewa kumuhyimbi akutola kuli banyina. ¹² Eelyo bahyiciiya bakwe bakaboola, bakaubweza mubili, akuhyikka. Nokwakamana eci, bakaunka akuya kumwaambila Jeso. ¹³ Ono Jeso wakateelela eci, wakahwa mubwato akuya kubusena buumwine. Eelyo mbunga noyakanhwa eci, bakamucilila amaulu kuhwa muma dolopo. ¹⁴ Eelyo Jeso wakaboola kuli mbabo akubona mbunga nkando.Wakaba aluzhyalo kuli mbabo akubaponya kumalwazhyi abo. ¹⁵ Eelyo nokwakaba mangolezhya, bahyiciiya bakaboola kuli nguwe akwaamba, ''Oobu mbusena bumwina, aiwoola lyaunka. Tanda imbunga, kutewa baunke muminhyi yabo baka lyulile nhyakulya.'' ¹⁶ Pele Jeso wakaamba kuli mbabo, ''Kunyina ncobanga baunkila. Amubape cakulya.'' ¹⁷ Bakaamba kuli nguwe, ''Ano tukwete buyo ma loofu osanwe acinkwa a nswi zhyobile.'' ¹⁸ Jeso wakati, ''Amuhyilete kuli ndime.'' ¹⁹ Mpoona Jeso wakalailila mbunga kuti ikkale anhyi abwihyu.Wakabwezha ma loofu osanwe ainswi zhyobile. Walungamana kujulu, wakaleleka akukomoona ma loofu akupa bahiciiya, elyo bahiciiya bakapa kumbungano. ²⁰ Bakalya boonse akukuta.kwamana bakabwezha zhyakahyaaka zhyakulya zhyakakomoonwa-hinzuma ikumi azhyobile zhyizwile. ²¹ Abo bakalya bakali zhyulu zhyosanwe zhyabalombwana kuleka bakaintu abana. ²² Kuhwambaaana wakabamba bahiciiya kuti banjile mubwato akumucilila kuti baye kulubahwu lumwi, naakacili kwaambila mbungano kuti iunke. ²³ Naakamana kwaambila mbungano kuti iunke, wakaunka amulundu alikke kuya kupaila.Mangolezhya nakahyika, wakali kokuya alikke. ²⁴ Pele bwato ono bwakali sakene kuhwa kunyika, kabuhuswe amayuwe, muwo wakali kuunga kulanga kuli mbabo. ²⁵ Mwiwooola lyomwe lyamahiku Jeso wakaboola kuli mbabo, kayenda alwihyi. ²⁶ Bahyiciiya nobakamubona kayenda a lwihyi, bakapengana akwaamba, ''Musangu,'' bakalila mukuyoowa. ²⁷ Pele Jeso wakaamba kuli mbabo mpoona akuti, ''Amube acamba! Ndime! mutayoowi.'' ²⁸ Petro wakamuhwuwa akwaaamba, ''Mwami, naa ndiwe, kondaambila mebo mboole kuli ndiwe ameenhyi.'' ²⁹ Jeso wakaamba, ''Koza.'' Aboobo Petro wakahwa mubwato akweenda ameenhyi kuti aunke kuli Jeso. ³⁰ Pele Petro nakabona muwo ulaanguzhu wakayoowa. Mbuli mbwakali kuya kubbila, wakalila akwaamba ''mwami kondihutula!'' ³¹ Jeso kuhwambaaana wakatandabika tanhyi lyakwe, akumukwata Petro, akwaamba kuli nguwe, ''Yebo ohyiluhyomo luhyoonto, nkaambo nhyi ncoyezhyeezhya?'' ³² Mpoona Jeso a Petro nobakaunka mu bwato, muwo wakaleka kuunga. ³³ Mpoona bahiciiya baka mukomba Jeso akwaamba, ''Kahimpe ndiwe mwana wa leza.'' ³⁴ Nobakalanduka, bakahika kunyika ya Gennesaret. ³⁵ Bamalombwana bamubusena obo jnobakamuhyiba Jeso, bakatuma mulumbe mumasena oonse azhyingulukile busena obo, elyo bakaleta kuli nguwe boonse abo bakacisilwe. ³⁶ Bakamulomba kuti ndiza bakwate buyo moombe acikobela cakwe, aboobo boonse bakacikwa baka ponehyewa.