⁷ Ono Jesu nakabona mbuli baabo bakatambilwe mbobakali kulisalila zhyuuno zhyabulemu, wakaamba kaano, kati kuli mbabo, ⁸ "Ciindi nomutambwa a muntu kupobwe lya bwiinga, mutali kukali mumasena abikilwe zhyuuno zhyabulemu, nkaambo umwi muntu ulakonzhya kuti wakatamba walo ulemekwa kwiinda ndiwe. ⁹ Ono oyu muntu uwakamutamba nywebo noonse wahika, ulakati kuli ndiwe, 'Kopa muntu oyu busena bwako,' mpoona musoni akuusa ulakaunka kubusena buli aanhi cini cini. ¹⁰ Pele naa watambwa, koya alimwi ukakale abusena bulaanhi bunyina mpuwo, kutewa wahika oyo wakakutamba, ulakonzhya kwaamba kuli ndiwe, Mweenzuma, koya kuzhyuuno hisumpukile kumbele. Eelyo uya kulemekwa kubuhyu bwa baabo boonse mbomuya kukala limwi atahwule. ¹¹ Nkaambo kuhwumbwa ooyo ulisumpula lwakwe mwini uya kubombehyewa kuletwa anhi, eelyo ooyo ulibombya lwakwe mwini uyakusumpulwa.'' ¹² Jesu awalo wakaamba ku muntu oyo wakamutambile lwakwe, "Wakubamba cilyo cipati noliba ipobwe lyacilalilo, utakatambi ba longwe bako nobaba bana bakwenu basankwa nabasahinyoko nobaba bahwubile bahimukobo nyoko, mukuti inga kabaya kutamba mukupiluhya, aboobo kuya kukoya kukubbadela. ¹³ Pele mwakubamba pobwe, amukatambe bacete, bahwungene maulu, balema alimwi aboohwu, ¹⁴ aboobo muya kulelekwa, nkaambo banyina nobaya kumubbadela balo kwiinda mukumutamba. Eelyo aboobo muya kubbadelwa mububuke bwa baluleme.'' ¹⁵ Ono omwi wabaabo bakakele atahuule a Jesu nakanhwa zhyintu eezhyi, wakati kuli nguwe, ''Walelekwa oyo walo uya kulya cilyo mubulelo bwa Leza!'' ¹⁶ Pele Jesu wakaamba kuli nguwe, ''Muntu umwi wakabamba cilalilo cikando alimwi akutamba banji. ¹⁷ Muhwoola lya cilyo, wakatuma batwanga bakwe kuti baunke kuli babo bakatambwa, 'Kamuboola, nkaaambo zhyintu ono zhyoonse zhyalulama.' ¹⁸ ''Balo boonse mukukonzhyana bakalomba kukwatilwa. Mutaanzhi wakati kuli nguwe, 'Ndaula muunda, eelyo njelele kuunka alimwi akuya kubona. Akaka ndalomba amunkwatile.' ¹⁹ "Aumwi wakati, 'Ndaula zhyisani zhyosanwe zhya basune, ono njankuzhyisola. Akaka ndalomba amukwatile.' ²⁰ ''Alimwi aumwi muntu wakati, 'Ndacilwa akutwala mukaintu wangu, eelyo aboobo nhikonzya kuboola.' ²¹ ''Mutwanga wakapiluka alimwi akwaambila himalelo wakwe zhyintu ezhi. Mpoona aawa himalelo wang'anda wakalemana cini cini alimwi akwaambila mutwanga wakwe, 'Koya cakuhwambaana mumazhila alimwi amumigwagwa ya dolopo eelyo ukalete kuno bacete, bahwungene naulu, boohwu, alimwi a balema.' ²² "Mutwanga wakati, 'Ohimalelo, cacitwa ncotuma, pele kucili busena nokuba boobo mung'anda.' ²³ ''Himalelo wakati ku mutwanga wakwe, 'Koya mumazhila asumpukile alimwi amuminyinza mukabahinikizhye kuboola kuhi kunjila mukati, kutewa ing'anda yangu izule. ²⁴ Eelyo ndati kuli ndiwe, kunyina naba onmwe akati kabaabo bantu bakatambilwe uti kalabile cilyo cangu.''' ²⁵ Ono makamu makamu makando akali kuya bweenda anguwe, pele wakacebuka alimwi akuti kuli mbabo, ²⁶ ''Naa kuhwumbwa muntu uza kuli ndime alimwi katasulaiki nhi mwini, banyina, mwinakwe, bana bakwe, banyina basankwa alimwi abanyina bahimbi, alimwi nobaba lwakwe mwini, takozhye kuba hiciiya wangu. ²⁷ Kuhwumbwa oyo utabwezhi ciingano cakwe alimwi akuntobela takonzhyi kuba hiciiya wangu. ²⁸ Ino ngoni umwi wenu uyeeyela kuyaka bwaanda utakali anhi kutaanguna alimwi akulanga mali aanga alabelehewa walanga langa kuti ajane kuti hena ula konzhya kucimana ncayanda kucita? ²⁹ Mukubula coolwe, mbwati manine kuyaka ntalihyo mpoona cila mukakila kumaninzhya, eelyo boonse bati kabone balatalika ku mucapa, ³⁰ kabati, 'Oyu muntu wakatalika kuyaka mpoona camukakila kumaninzhya.' ³¹ Akaka mwami nzhi, uunka ku mwami nyinauumbi akutalika nkondo, hena tayelele kutaanguna kukala anhi alimwi akubamba kuyonhuwewa mumizeezo mukuti hena ulakonzhya abantu bali kumi lya zhyumulu kulwana umbi mwami walo uboola kuli nguwe amakumi obile azhyuulu zhya bantu? ³² Naa pee, cilya ciindi bahikahhimamba baumwi noba cisakene, watume nkamu alimwi akulomba inzhila zhya luumuno. ³³ Eelyo aboobo, kuhwumbwa omwe wenu uta konzhyi kupa lubono lwakwe boonse takonzhi kuba hiciiya wangu. ³⁴ Mwino mubotu, pele kuti mwino waleka kuba amucanka wawo, hena inga wacitwa buti kuti ube mwino alimwi? ³⁵ Tacicili cibelehya bulongo naa waba cihwi ca mbolezhi cilundikilwe. Cilasweewa buyo. Oyu ukwete matwi akunhwilyo anhiwe.''