¹ Jude, mutwaanga wa Jeso Klisto alimwi munyina Jakobe, kuli baabo baite, bayandwa muli Leza Taata, alimwi bayabwelwa Jeso Klisto. ² Luzyalo alimwi aluumuno alimwi aluyando luyungizhyiwe kuli ndiwe. ³ Nobayandwa, nindakali kucita bukonzhya boonse kuti ndembe kuli ndimwe kukwatikizhya luhutuko lwesu luubauba, ndakalemba kuli ndimwe kumaninizhya kuzumanana mukuyuma muluhomo olo lwakapewa lomwe kuli boonse bantu ba Leza basalala. ⁴ Mukuti bamwi bantu bawa cakulizikizhya akati kenu. Aba bantu bakalembwa kulu nyonyooko. Mbantu batali ba Leza iba cinca luselwa Leza wesu kuya mu nkwela, alimwi batama himalelo wesu omwe alimwi Mwami, Jesu Klisto. ⁵ Ono nyanda kumwiibaluhya mwebo- nakuba kuti limwi mwakalihyi kumaninina - kuti Mwami wakavwuna bantu kuvwa munyika ya Egypt, pesi munhyi lyakooko wakaba nyonyoona abo bataka hyoma. ⁶ Abalo, bangele batakabamba zhyiimo zhyabo zhyabweendelezhyi, pesi bakahiya cilawo cabo ciluleme cakukalila- Leza wababika munkentani zhyitamani. Mumuhinze uuhiihya, kulubeta mubuzuba bukando. ⁷ Abalo ba Sodom alimwi a Gomorrah alimwi aminzhyi yaka bazhyingulukile mbabakalipa ku nkwela mukutali kwata alimwi akuhyomya mumicito ya nkwela. Baba mukozhyano wabaabo bapenga kusubulwa kwa mulilo uutamani. ⁸ Kakuli muzhyila njiyona, bahimalota abalo basohwaazhya mibili yabo. Bakaka bweendelezhyi alimwi bacenga baluleme. ⁹ Pesi awalo Micheal mungele hilutwe, naakali kukazhyanya adyabooli alimwi akumusalinga walo kukwatikizhya mubili waka Muusa, kunyina nakayanda kumuletela lubeta lwabucengi, pesi wakati, "Mwami akulemanine webo!" ¹⁰ Pesi bantu ababalatukana kuhumbwa ncobatateeleli; alimwi anco bateelela mubulenga mbuli banyama batayeeyi, eezhyi zhyizhyo zhyintu zhyibznyonyoona. ¹¹ Maawe kuli mbabo! mukuti beenda muzhyila yaka Cain alimwi banjila mukulubizhya kwaka Balaam ku mpindu. Banyonyooka mubu zangi bwaka Korah . ¹² Aba mbantu babi bayabile kumapobwe ngomuyanda, balapobwela andimwe cakutayoowa- beembezhyi balisanina buyo lwabo. Makumbi aanyina mvwula aatolwa amuwo; zhyisamu zhya mweto, zhyinyina micelo- bahwile kobile, zhyazhyulwa. ¹³ Mayuwe aanyonganya mulwizhyi balimbila buusu bwabo; nkongwezhyi zhyiingaila, abo babambilwa muhinze uumaninine kukabe kutamani. ¹⁴ Enoch, waciloba kuvwa kuli Adam, wakabahinhiima, wati, "Langa! Mwami ulaboola azhyuulu alimwi azhyuulu zhyabasalali bakwe. ¹⁵ Ulaboola kubamba lubeta kuli oonse. Ulaboola kuzula boonse batali baka Leza amilimo yoonse njobacita munhyila ntali yabu Leza, alimwi amazwi alula oonse ababihyi batali ba Leza ngobakanana mukumukaka. ¹⁶ Aba mbaba hinjuka, batongooka, mukucilila kuyanda kwabo kubi. Milomo yabo ilaambihya mukutwanga, kucenga bamwi mumpindu. ¹⁷ Pesi mwebo, nobayandwa, muyeeye mazwi aka kananwa kaindi aba tumwa ba Mwami wesu Jeso Klisto. ¹⁸ Bakati kuli ndimwe, "Muhyiindi zhyamamanino kuya kuba bahikucapa baya kucilila kuyanda kwabo kutali kwabu Leza." ¹⁹ Mbabaabo baleta lwandano; mbanyika alimwi banyina Moza. ²⁰ Pesi mwebo, nobayandwa, amuliyake lwenu muluhomo lwenu lwini lusalala, alimwi amupaile mu Moza usalala. ²¹ Amuli bambe lwenu mu luyando lwa Leza, alimwi mulindile luzyalo lwa Mwami wesu Jeso Klisto lwalo lumuletela buumi butamani. ²² Amube aluzyalo kuli baabo badonaika. ²³ Muvwune bamwi muku bakwempa mumulilo kuli bamwi mutondezhye luzyalo akuyoowa, kusula azhyisani zyasohwazhyiwa abuyani ²⁴ Ono kuli yooyo ukozhya kumubamba mwebo kuvwa kukulihumpula alimwi aku cita ndimwe kuti mwiime kumbele bube bwakwe bululeme kakunyina butongo alimwi akukomana kukando, ²⁵ kuli Leza alike Muvwuni wesu kwiinda muli Jesu Klisto Mwami wesu, mube abulemu, buyumu, buleleli alimwi abweendelezhyi, kumbele aciindi coonse, ono, alimwi akutamani. Akubeboobo.