¹ Nokwakamana ceeci kwakali pobwe lya ma Jewish, alimwi Jeso wakaunka ku Jelusalema. ² Ono mu Jelusalema ambali lya mulongo wambelele kwakali kahiba, kalo muci Aramaic kaitwa kuti Betisida, alimwi kwaali tuhuka huka tuli tosanwe twakali kuhumbilwe. ³ Mweelwe mukando wa bantu baka cisilwe, boohwu,balema,na balebaukele bakali kulele okuya. ⁴ Mungele wamwami wakali kuseluka alimwi kuhvwundaula meenhi kacihvwundauka wakapona kuhwumbwa kubulwazhyi mbwakali kuciswa. ⁵ Mulombwana umwi wakaliko wakali kusata kumana kwa myaka ili makumi otatwe alusele. ⁶ Ono Jeso naka mubona kalele okuya, alimwi nakamana kuzhyiba kuti wakaliko kwaciindi cilanhu, wakamba kuli nguwe, "Hena ulayanda kupona?" ⁷ Mulombwana mulwazhyi wakahvwiila, "Mwami, hikwete naba omwe utindibike mukazhiba elyo meenhyi nacimvwundauka. Nindaboola, umwi ulanjila wandiindila." ⁸ Jeso wakaamba kuli nguwe, "Konyapuka, bweza bulo bwako, alimwi weende." ⁹ cakufwambaana mulombwana wakaponehewa, alimwi wakabweza bulo bwakwe a kweenda. Ono oobo buzuba bwakali bwa nsabata. ¹⁰ Mpoona bama Jews bakaamba kuli nguwe wakaponyehyewa, "Ni nsabata alimwi tohwumihyilwe kubweza munseme wako. ¹¹ Wakaingula, "ooyo wakandiponya waamba kuli ndime, "Bweza munseme wako alimwi weende," ¹² Baka mubuzhya, "Ngoni mulombwana wakaamba kuli ndiwe, 'Kobweza alimwi weende'?" ¹³ Nokuba boobo, oyo walo wakaponyehyewa kunyina nakazhyi mbocakabele nkaambo Jeso wakazhwa caka umuumu , mbokwali mabunga a bantu mu busena. ¹⁴ Nikwakamana, Jeso wakamuyana mu Tempele alimwi wakaamba kuli nguwe, "Bona, waba kabotu! Utakabinhyi limbi alimwi, kutewa kuti cimwi cibi ciindilila citakacitiki kuli nduwe." ¹⁵ Mulombwana oyu wakaunka alimwi akwaambila bama Jews kuti wakali Jeso wakamuponya. ¹⁶ Ono akaambo kazhyintu eehyi bama Jews baka penzha Jeso, nkaambo zhyintu eehyi wakahyi cita mu nsabata. ¹⁷ Jeso wakabahvwuwa, "Taata ulabeleka noliba ono, alimwi ambebo, mbubona, ndabeleka." ¹⁸ Nkaambo kaceeci, bama Jews bakayeeya kukando kuti bamuyaye nkaambo takatyola buyo nsabata, pele akwiita Leza kuti mbabauhi, akulibamba kuti ulelene a Leza. ¹⁹ Jeso wakaba hwiila, "Mahimpe, mahimpe, Mwana kunyina ncakonhya kuli kulicitila lwakwe alikke, pele buyo ceco ncabona bauhi ncoba cita, kuhumbwa bauhi ncoba cita, awalo Mwana ulacicita mbubona. ²⁰ Mukuti uuhi ulamuyanda Mwana alimwi ulamutondezhya zhyoonse walo lwakwe nzhyacita, alimwi uyakumutondenzhya milimo mikando kwiinda yeeyi kutewa kuti mukakatazhyiwe. ²¹ Mukuti Taata ulabuhya bahwile akupa buumi kuli mbabo, ono awalo Mwana ulapa buumi kuli umwi ngwayanda. ²² Mukuti Taata tabeteke naba omwe, pele wakapa lubeta lyoonse ku Mwana ²³ kutewa kuti uli oonse alemeke Mwana mbubona mbobalemeka Taata. Oyo utalemeki Mwana talemeki Taata wakamutuma. ²⁴ Mahimpe, mahimpe,kuli yooyo uhvwa ijwi lyangu alimwi akumuhyoma wakandituma ulikwete buumi butakamani alimwi takatongookwi, pele wainda kuhvwa kuluhu kuya kubuumi. ²⁵ "Mahimpe, mahimpe, ndamwambila ciindi cilahika, alimwi ndiono, lyalo bahwile no bayakunhvwa ijwi lya Mwana a Leza, alimwi abo baya kuhvwa baya kupona. ²⁶ Mbubona buyo Taata mbwakwete buumi mulinguwe, abooba awalo Mwana wakamupa kutewa kuti abe a buumi muli nguwe, ²⁷ alimwi Taata wakapa Mwana insana izhya kweendelehya lubeta nkaambo Mwana amuntu. ²⁸ Mutankakamani kuli ceeci nkocili ciindi ciboola mwalo umo uli oonse uli muce muihvwene naya kuli teelela ijwi ²⁹ lyakwe alimwi uya kuhvwa: kulibaabo bakacita bubotu kububuke bwa buumi, alimwi kuli baabo bakacita bubi kububuke bwa lubeta. ³⁰ "kunyina nciinga ndalicitila ndimwini. Mbuli mbwihvwa, ndabeteka, alimwi kubeteka kwangu kuliluleme nkaambo hiboni kuyanda kwangu pele kuyanda kwakwe oyo wakandituma. ³¹ Na ndalilungulula lwangu ndimwini, bukamboni bwangu tabutibe bwamahimpe. ³² Nkwali aumbi undilungulula, alimwi ndihi kuti bukamboni mbwamupa akaambo mbwamahimpe. ³³ Mwakatuma kuli Johane, alimwi wakaamba mahimpe. ³⁴ Pele kwambilizhya nkwitambula takuhvwi kumuntu. ³⁵ Johane lyakali lambe lyakali kuyaka alimwi akumunika , alimwi mwakalikuyanda ku kkomana mumumuni wakwe kwakaindi kahyoonto. ³⁶ Kwamana bumboni mbinkwete mbukando kwiinda bwa Johane, ku milimo eeyo taata njakandipa kuti njimaniinhye, milimo njiyona njicita, ipa bumboni bwanga bwakuti taata wakandituma. ³⁷ Taata wakinduma wakapa kale bumboni bwangu. Mucimwi ciindi tamunalihvwa ijwi lyakwe nokuba kubona bube bwakwe aciindi cimwi. ³⁸ Tamukwete ijwi lyakwe liheele mulindinywe, kwiinda mukutahyoma nywebo muyooyo walo ngwaakatuma. ³⁹ Mukapaula mangwalo nkaambo muyeeya kuti mulingayo mulanjana buumi butamani, alimwi aaya mangwalo apa bumboni bwangu, ⁴⁰ alimwi tamuyandi kuboola kulindime kutewa kuti mukwate buumi. ⁴¹ Nhitambuli bulemu kuhvwa kumuntu, ⁴² pele ndilihyi kuti tamukwete luyando lwaleza mulindinywe. ⁴³ Ndaboola muzhyina lya Taata wangu, alimwi tamundi tambuli. Na umbi waboola muzhyina lyakwe mwini, mulamutambula. ⁴⁴ Mbubuti mbomunga mwahyoma, nywebo nomutambula bulemu kuhvwa kuli umwi a umwi pele tamuyandauli bulemu buhwa kuli Leza alikke? ⁴⁵ Mutayeeyi kuti mebo ulwangu ndamutamikizhya kumbele lya Taata. Walo ooyo uumutamikizhya ngu Moses, mulinguwe momukwete bulanginzhyi. ⁴⁶ Naa kuti mwakahyoma Moses, nomwandihyoma ambebo, nkaambo wakalemba kukwatikihya ndime. ⁴⁷ Naa kuti timwahyoma malembe aakwe, mbubuti mbomuya kuhyoma majwi aangu?"