¹ Ono kwakali mu Pharisi wakali azhyina lya Nicodemus, musololi waci Jewish. ² Oyu mulombwana wakaboola kuli Jeso ciindi camahiku alimwi wakaamba kuli nguwe, "Mwiiyi, tulihyi kwaamba kuti uli mwiiyi ooyo uhvwa kuli Leza, kunyina naba omwe ukozhya kucita zhyitondezhyo zhyocita cita kali Leza uli anguwe. ³ Jeso wakahwiila kulinguwe, "Mahimpe, mahimpe, cita muntu wazhyalwa alimwi, takonhyi kubona bwami bwa Leza." ⁴ Nicodemus wakaamba kuli nguwe, "Mbobuti muntu mbwakozhya kuzhyalwa kali mukando kale? Takonhyi kunjila lwabili mwida lyaba banyina a kuzhyalwa, ulakonhya hena?" ⁵ Jeso wakahvwiila, "Mahimpe,mahimpe, cita kuti muntu azhyalwe kwiinda mumeenhyi alimwi akumoza, takonhyi kuya kujila mubwami bwa Leza. ⁶ Eeco cizhyalwa kumubili mubili, alimwi eeco cizhya lwa ku Moza moza. ⁷ Utakatahyiwi kuli ceeco ncitaambe kuli ndiwe, 'weelele kuzhyalwa alimwi.' ⁸ Luwo lulaunga kuhwumbwa nkoluyanda kungama; uhvwa buyo nkoluhwuuma, pele tonhi ankoluhvwa na nkolugama. Ono mbubona uli woonse uzhyalwa ku Moza." ⁹ Nicodemus wakahwiila wakaamba kuli nguwe, "Mbuboti eezhyinzhyintu mbozhyikozhya kuba?" ¹⁰ Jeso wakahwiila wakaamba kulinguwe, "Hena ndiwe mwiiyi wa Israel, alimwi kwamana tohyi teleli zhyintu eezhyi? ¹¹ Mahimpe, mahimpe, ndakwaambila, twaamba ceeco ncotuzhyi, alimwi tupa bumboni bwa ceeco ncotwaka bona. Nokuba tamubutambuli bukambonibwesu. ¹² Na indamwaambila makani azhyamunyika alimwi kunyina nomuhyoma, mbokuti mbomutihyome ndamwaambila makani azhyintu zhya kujulu. ¹³ Kunyina naba omwe wakatanta kuya kujulu kunze buyo lya yoyo wakaseluka kuhvwa kujulu - Mwana a Leza. ¹⁴ Mbobuna buyo Musa mbwakanyamuna inzoka munkanda, mbubona oba Mwana amuntu mbwaya kusumpulwa kuya kujulu, ¹⁵ kutewa kuti boonse ba hyoma mulinguwe bakabe abuumi butamani. ¹⁶ Mbobuya Leza mbwakaiyanda inyika, kuti wakaipa Mwana akwe alikke, kuti kuhwumbwa yooyo uti kahyome mulinguwe ata kahvwiindilili pele akabe abuumi butamani. ¹⁷ Leza walo kunyina nakatuma Mwana munyika kutewa kuti anze kwiibihye-bihye nyika, pele kutewa kuti anze kwiinumune nyika kwiinda muli nguwe. ¹⁸ Uli woonse uhyoma mulinguwe unyina mulandu, pele uli woonse utahyomi wabilyakale nkaambo tahyomene muzhina lya Mwana a Leza himuzhyalwa alike. ¹⁹ Nkankako kaambo waka aaka kalubeta: mumuni wahika munyika, alimwi bantu bayanda mumudima kwiinda mumuni nkaambo micito yabo yakali imbwaabi. ²⁰ Kuli woonse ucita bubwaabi tauyandi mumuni, alimwi tayandi kuboola kumumuni, kutewa kuti incito yakwe italibonyi. ²¹ Aboobo, kuli woonse ucita mahimpe ulaboola kumumuni kutewa kuti micito yakwe ilibonye akabanda kutondezhya kuti yakacitwa muli Leza." ²² Kwamana ceeci, Jeso alimwi abahiciiya bakaunka munyika ya Judea. Okuya wakakala ciindi cili mbocibele antoomwe ambabo alimwi akubbizhya. ²³ Awalo Johani kubbizhya mu Aenon munhyi munhyi a Salim nkaambo kwakali meenhyi manj kulya, bantu bakali kuboola kuli nguwe alimwi bakali kubbhiwa, ²⁴ Johani katana waalilwa kale muntolongo. ²⁵ Ono kwakaba kuteendelana akati kabahikwiiya bamwi ba Johani alimwi a mu Jew kumakani akusalazhya kanhiya nhiya kabo. ²⁶ Bakaunka kuli Johani alimwi bakaamba kulinguwe, "Bayii, umwi waali antoomwe ayebo kulubahvwu lwamu longa wa Jordani, ooyo ngo kalailila, langa, ulabbihya, alimwi boonse baunka kuli nguwe. ²⁷ Johani wakahvwiila, "muntu takonhyi kutambula cimwi cintu cita capewa kulinguwe kuhvwa kujulu. ²⁸ Nywebo lwenu mulakonhya kupabumboni oobo bwindakaamba, 'Nhyili Klisto,' pele buyo, 'ndakatumwa kumbele lyakwe; ²⁹ Himwiinga ngwana bwiinga. Ono mwenhyinyina wana bwiinga, wiimikila alimwi akuteelela nguwe, ula kkomaninha nkaambo kajwi lya na bwiinga. Eeci, ono, kukomana kwangu kwazhulila. ³⁰ Weelele kunyungihya, pele mebo njeteele kucina. ³¹ Uuli woonse uhvwa atala uli atala kuli zhyoonse. Uli woonse uhvwa anyika ngwaanyika alimwi ukanana zhyintu zhy munyika. Uli woonse uhvwa kuzeulu uli atala alizhyoonse. ³² Ulapa bukamboni kuli zhya kabona alimwi akuhvwa, pele kunyina utambula makani aakwe. ³³ Uli woonse wakatambula makani aakwe ulahvwa cakuhinhya kuti Leza ngwama himpe. ³⁴ Kuli yooyo Leza ngwakatuma wambaula makani a Leza. Nkaambo kunyina napa Moza kwiinda mukupima. ³⁵ Bauhyi balamuyanda Mwana alimwi wakapa zhyintu zhyoonse mutanhyi lwakwe. ³⁶ Uli woonse uhyoma Mwana ulikwete buumi butamani, pele kuli yooyo utahyomi Mwana taka buboni buumi, pele bukali bwa Leza buya kukkala alinguwe."