¹ "Ndamwaambila zhintu eezhi kuli ndimwe kutewa mutawi. ² Balaka musowa kuhwa muma sinagogo. Pele iwoola lila hika lyalo boonse bamuyaya bala kayeeya kuti babeleka mulimo kuli Leza. ³ Balaka zhicita zhintu eezhyi nkaambo tabamuzhyi Taata niba ndime. ⁴ Ndazhyaamba zhintu eezhi kuli ndimwe kucita kuti iwoola lyahika, mulakayeeya kuti ndakamwaambila nzhizhyo. Nhyena hindakamwaambila zhintu eezhyi kumatalikilo, nkaambo ndakali amwebo. ⁵ Pele ono ndaunka kuli wakantuma nokuba boobo kunyina wambuzhya, 'Kuti ino uya kuli?' ⁶ Pele nkaambo ndazhyaamba eezhi zhintu kuli ndimwe, kuusa kwazuzhya myoyo wenu. ⁷ Pele kahimpe ndamwaambila, ncibotu kuli ndimwe kuti munhibe ngunke. Kuti intaunki, mumbulizhi tatiboole kuli ndimwe, pele kuti ndaunka, njakumutumina kuli ndimwe. ⁸ Walo wakuboola, muumbulizhi uyakwitondezhya inyika kubihya kwayo kukwatikizhya cibi, abululami, alimwi alubeta - ⁹ kukwatikizhya cibi, nkaambo banyina nobaka hyoma muli ndime; ¹⁰ kukwatikizhya bululami, nkaambo iyakuli ba Taata, alimwi munyina no muya kumbona alimwi; ¹¹ ono kukwatikizhya lubeta, nkaambo muleli wanyika eeyi wakabetekwa. ¹² Ndekwete zhyintu zhinji zhyakwaamba kuli ndimwe, pele tamukonzhya kutambula ono. ¹³ Pele waboola, Moza wa Kahimpe, waboola, uyakumusololela mukahimpe koonse, nkaambo takalyaambi lwakwe mwini. Pele uya kwaamba kuhwumbwa caya kunhwa, alimwi uya kumwaambila zhintu zhici boola. ¹⁴ Uya kundilemekezhya, nkaambo uya kubweza cinkwa kuli ndime alimwi uya kumwaambila ncinco. ¹⁵ Kuhwumbwa zhintu zhyoonse nzhyakwete Taata nzhinzhyangu. Aboobo, ndakaamba Moza uyakubweza kuhwa kuli ndime izhyangu zlimwi uyakumuhimwi na. ¹⁶ Muciindi cihyoonto tamucindi boni, alimwi kwamana cimwi ciindi cihyoonto mulakambona.'' ¹⁷ Mpoona bamwi bahiciiya bakwe bakaamba kuli umwi aumwi, ''Ino ncinzhi eeci ncaamba kuli ndiswe, ''kaindi kahyoonto tamucimboni, ¹⁸ 'Aboobo, 'Nkaambo nja kwa Taata'?" Aboobo bakati, "Ncinzhi eci ncaamba, 'Mukaindi kahyoonto'? Tatuhi anco amba.'' ¹⁹ Jesu wakabona kuti bayanda kumubuzhya, mpoona wakati kuli mbabo, ''Hena ninzhi eeci ncomubuhyanya, ncindapandulula, 'muciindi cihyoonto alimwi tamucindiboni, mpoona alimwi mukaindi kahyoonto muya kumbona? ²⁰ Kahimpe, kahimpe, ndaamba kulindimwe, muya kukwiila alimwi akongolola, pele inyika ila kakondwa. Mwebo muya kuusa cini cini, pele kuusa kwenu kuya kusandulwe muku kondwe. ²¹ Ciindi eciya mukaintu nayanda kutumbuka, inga uli mukuusa nkaambo iwoola lyakwe lyahika, pele wamana kutumbuka mwana, unyina nacicyeeya limbi mapenzhi nkaambo kakukondwa kuti muntu, wazhyalwa munyika. ²² Kayi mulikwete kuusa ono, pele njakumubona limbi, eelyo myoyo yenu iya kukondwa, alimwi kunyina naba omwe uya kucikonzhya kumunyanga kukondwa kwenu. ²³ Mubuzuba oobo tamuka ndibuzhi kuhwumbwa cintu. Kahimpe, kahimpe, ndaamba kuli ndimwe, kuti mwalomba kuhwumbwa cintu kuli Taata muhina lyangu, uya kumupa eeco nywebo. ²⁴ Kuhikila ono kunyina ncomwakalomba muhina lyangu. Amulombe muya kutambula, kutewa kuti kukondwa kwenu kuzuzikihyiwe. ²⁵ "Ndazhyaamba eezhi zhintu munyweelwe ya lyaambo, pele iwoola lilahika lyalo eelyo ninta kaambaule kuli ndimwe musayeelwe ya mwaambo, pele njaku mwaambila. Cantangalala kukwatikizhya ba Taata. ²⁶ Mubuzuba oobo muya kulomba muhina lyangu mpoona nhikaambi kuti njakumupaila kuli baTaata nywebo, ²⁷ nkaambo ba Taata ulwabo bala muyanda alimwi nkaambo anywebo mwakandiyanda alimwi akunhyoma kuti ndakahwa kuli Leza. ²⁸ Ndakahwa kwa Taata, alimwi ndakaboola munyika. Alimwi, ndiihya inyika alimwi akuunka kuli Taata.'' ²⁹ Bahiciiya bakaamba, ''Amubone, ono mulakamana cantangalala alimwi tamubelehi myeelwe ya lyaambo. ³⁰ Ono tulilhi kutimulizhizhi zhintu zhyonse, alimwi tamuyandiki umwi waku mubuzhya mibuzhyo. Nkaambo kaceeci, tuhyoma kuti mwakahwa kuli Leza.'' ³¹ Jesu wakaba hwuwa, "Hena mwahyoma ono? ³² Amubone, iwoola lilahika, inzhya, alimwi kahimpe lyahika, eelyo momuya kumwaihiwa, moonse kuya ku minhi yenu, alimwi mulakanhiya ndimwini. Nokuba boobo nhili ndimwini nkaambo ba taata bali andime. ³³ Ndazhyaamba zhyintu eezhi cakuti mube aluumuno muli ndime. Munyika mukwete mapyopyongano, pele amube aacamba, Ndaizunda inyika."