¹ Jakobe, mutwanga wa Leza a wa mwami Jesu Klistu, ku mikowa ili ikkumi a yobile imwaikile koonse: Ndamwaanha! ² Amuyeeye kuti cilakkomaniha, nobakwesu, nomunjila mumasukuho ahiyene. ³ Mulihi kuti masukuho aluhomo lwenu aleta lukakatilo. ⁴ Lukakatilo lukalondole mulimo oonse akuumaniinha, cakutabula cintu. ⁵ Pele naa kuti umwi wenu uyanda busongo, abulombe kuli Leza, walo upa calunhalo kakunyina kutongoka kuli baabo balomba, alimwi uyakucipa kuli nguwe. ⁶ Pele kalomba muluhomo, kakunyina kudonaika, nkaambo oyo udonaika uli mbuli mayuwa mulwihi atonkwa a luwo akuhunguluhiwa. ⁷ Muntu uli boobo atayeeyi kuti uya kupewa nociba comwe kuli Leza; ⁸ muntu ukwete mizeezo yobilo, utakkalikile munhila zyakwe zhyoonse. ⁹ oyo mukwesu ulitola ahi abotelwe mulimo mukando ngwapelwe, ¹⁰ elyo muhubi ku milimo yakwe mihoonto nkaambo uyakuloba mbuli iluba-luba lyamusokwe lili a bwizu. ¹¹ Izuba lilapasula kalikwete bbalabala lipya akuyumika bwizu. Maluba-luba alanhwa, abubotu bwangayo bulamana. Munhila njiyona, muhubi ulamana akati-kati mukweendo kwakwe. ¹² Walelekwa oyo muntu ukakatila mu masunko. Nkaambo waakukoma masunko, uyakutambula muhini wa buumi, walo wakahomenhewa kuli baabo bamuyanda Leza. ¹³ Naa muntu waba mumasukihi ataambi kuti, "Ndasunkwa a Leza," nkaambo Leza tasunkwi a mubi, alwake kunyina nasunka muntu naba omwe. ¹⁴ Pele muntu oonse ulatempaulwa mumizeezo yakwe, imuyunga akumoongelenhya. ¹⁵ Elyo mizeezo njamita, inhala cinyoonyono, cinyonyoono cahimpa kukomena, cinhala lufu. ¹⁶ Mutacengwi, nobakwesu bayandika. ¹⁷ Coonse cipego cibotu a coolwe cisalala cinhwa ku julu. Cilaboola anhi kunhwa kuli taata wa mimuni. Muli nguwe kunyina cicinca nouba muhule cakusanduka. ¹⁸ Leza wakatusala kuti luhalwe a jwi lya kahimpe, kutewa kuti tube micelo mitaahi yabulengwe bwakwe boonse. ¹⁹ Mulaahi aaya, nobakwesu nomuyandika: muntu oonse anhwambaane kunhwa, atabindi kukanana, atabindi kunyema. ²⁰ Nkaambo bukali bwa muntu tabuzuluhi bululemi bwa Leza. ²¹ Aboobo amusowe hinyonyono nhoonse zhisesemya amikuli yabubi, cakulitola anhi amutambule ijwi lyahangwa, ilikonha kuhutula mibili yenu. ²² Amube baabo bacita majwi mutabi buyo bahikwaaswiilila, akulicenga nobeni. ²³ Naa muntu umwi waba buyo hikuswiilila majwi pesi katali hikwaacita, uli mbuli muntu ulilanga ciwa cakwe mu cimboni-mboni. ²⁴ Ulalilanga pele waunka ulanhwambana kuluba mbwabele. ²⁵ Pele muntu ubamba mulawo ulondekele walwaanguluko, akuzamanana kucita boobo, kutali buyo hikuswiilila uluba, oyu muntu uyakulelekwa mu milimo yakwe ²⁶ Naa kuti kuli muntu uyeeya kuti mululami pele katakonhi kweendelenha mulaka wakwe, ulalicenga mumoyo wakwe abukombi bwakwe mbwabuyo. ²⁷ Bukombi busalala ibunyina kampenda kuli Leza a Taata wesu nkugwaha baabo banyina bamauhi abamukabanhu mumapenhi abo, akulitantamuna cakubula kampenda nokaba komwe munyika.