¹ Lugwalo ulwangu lwakutaanguna, Theophilus, ndakaamba zhyaoonse Jeso chyaakakanka kucita akuyiihya, ² kuhiikila buzuba mbwaakatolwa kujulu naakamana kupa malailile kwiinda mu moza uusweesha kubatumwa mbaka salile. ³ Naakamana kupenga, wakali yubulula lwakwe mwini kapona kuli mbabo abumboni bwakubazula bunji. Kwamazuba aali makumi one wakali bonya kuli mbabo, akukanana kukwatikizhya bulelo bwa Leza. ⁴ Naakali ku swaangana ambabo, wakabalailila kwaamba batahvwi mu Jelusalema, pele balindile cihyomyo ca bauhi, cikwatikihya mbwaakamba kuti, ''Mwakanhwa kuli ndime ⁵ kuti mahimpe Johwani wakamubbizhya aameenzhyi, pele mulabbizhyiwa a moza uusweesha mumazuba mahyoonto.'' ⁶ Nobakabungene antoomwe bakamubuzhya, ''Mwami, hena cino nceeciindi nco tibukuluhye bulelo bwa Israel?'' ⁷ Wakabaambila kuti, ''Tacili cenu kuzhyiba zhyiindi na zhyiindi zhyalo Taata zhyayalile mu nsana zhyakwe mwini. ⁸ Pele mulakatambula insana walo moza ulusweesha wahika alindimwe, alimwi muyakuba bakamboni bangu moonse mu Jelusalema a mu Judea moonse a Samaliya, akuhiimpila nyika.'' ⁹ Elyo Mwami Jeso nakamana kuzhyamba zhyintu eezhyi, kabacilanga muzeulu, wakasumpulwa mujulu, ayi kumbi lyamuhisa kuhvwa ku meso aabo. ¹⁰ Nobakacili kutwiimana kulanga kujulu naakali kuya, ndiyona, balombwana bolile bakaima munhimunhi lyabo muzhyisani zhyituba. ¹¹ Bakaamba, ''Mwe nobalambwana ba Galilaya, ninzhyi ncomwiinhvwi aano kulanga kujulu? ooyu Jeso wasumpulwa kuhvwa kulindimwe kuya kujulu, ulakaboola mbubona mbumwamubona kaunka kujulu.'' ¹² Mpoona bakapiluka ku Jelusalema ku hvwa kumulundu uutewa Oliva, uuli munhi-munhi ku Jelusalema, kahinzo kamubuzuba bwa nsabata. ¹³ Nobakahika, bakaunka mung'anda yamuzeulu, mwalo mubakali kukkala. Bakali ba Petulo, Johvwani, Jemusi, Andulo, Philip, Tomaasi, Bartholomew, Matayo, Jemusi mwana waa Alphaeus, Simoni hiluse, a Judasi mwana a Jemusi. ¹⁴ Boonse bakalisungula mumuzeezo omwe kukupaila, antoomwe abamakaintu, a Maliya banyina Jeso, ababunyina basankwa. ¹⁵ Mumazuba aayo Petulo wakayimikila akati k abanyina, mazhyina aahika ku mwaanda a makumi obile, a kwaamba, ¹⁶ ''Nobakwesu, cakeelela kuti mangwalo a zuzhyike, ngakanana moza usweesha kumulomo wa Dahvwida kukwatikizhya Judasi, iwaka sololela bahikumukwata Jeso. ¹⁷ Walo wakali umwi wesu alimwi waka tambula cibeela ca mulimo ooyu.'' ¹⁸ (Ono uyu mulombwana wakaula muunda kubelehya nchaakayana kububyaabi bwakwe, alimwi nguuya wakawa kutaanguna mutwe, awalo mubili wakwe wakabboloka, abwalo bula bwakwe bwaka doomoka. ¹⁹ Boonse bakkala mu Jelusalema bakanhvwa kukwatikizhya yaaya, cakuti bakawulika muunda ooyo mucihyobo caba ''Akeldama,'' nkukuti, ''Muunda wa bulowa.'') ²⁰ ''Nkaambo kulilembelwe mwibbuku lya ntembauzyo, 'Amuleke muunda wakwe utalimwa, alimwi kubule uukkala akuya'; 'Amuleke uumbi muntu abubweze busena bwakwe busololi.' ²¹ Cileelela, aboobo, kuti umwi wa balombwana bakali kutusangana zhyiindi zhyoonse Mwami Jeso naakali kunjilauka akati kesu, ²² kutalikila kukubbizhyiwa kwaa Joni kuhikila kubuzuba mbwaakatolwa muzeulu kuhvwa kuli ndiswe, abe kamboni andiswe wa kubuka kwakwe.'' ²³ Bakaimika kumbele balombwana bobile, Josehwa uuitwa kuti Barsabbas, wakali kwiitwa kuti Justus, aMattiyasi. ²⁴ Bakapaila a kwaamba, ''Webo, Mwami, ulizhyi myoyo yabantu boonse, ono koyubulula nguni akati kabaaba bobile ngoosala ²⁵ kuti abweze busena mumulimo ooyu a butumya bwalo Judasi mbwakaleya kuya kucilawo cakwe mwini.'' ²⁶ Bakabaumina nsolo, eelyo cisodo ca nsolo cakawila ali Mattiyasi, alimwi wakabalwa akati kabali ikumi a womwe wabatumwa.