¹ Nobayandwa, eyi nigwadi yabili njinda mulembela, alimwi muli zhyoonse nhyiibaluhyo kuku buhya mizeezo yenu iizunyene ² kutewa mwiibaluke mazwi aakakananwa munhyi aba hinhyimi basalala akulailila kwa Mwami wesu amuhutuli wapewa kwiinda mubatumwa. ³ Amuzhyibe eci kutaanguna bahi kucapa baya kuboola mumazuba amamanino. Baya kucapa aku zumanana kweendelana akuyanda kwabo beni. ⁴ Baya kwaamba, "Cilikuli cihyomywa cakuboola kwakwe? Kuhwa bamatata noba koona, zhyintu zhyoonse zhyili mbubona, kuvwa kumalengelo." ⁵ Bakaluba akacami kalekale kuti keiinda mwizwi lya Leza majulu anyika zhyakaba kuzwa mumeenhyi alimwi kwiinda mumeenhyi, ⁶ kwiinda omo nyika muciindi eeco yakali nyonyookele, kuzula ameenhyi. ⁷ Azwi ndilyona majulu anyika zhyabambilwa mulilo, kubambilwa buzuba bwa lubeta alunyonyooko kubantu batasalali. ⁸ Tacelele kuhwa munhyibyo zhyenu, bayandwa, kuti kube buzuba ku Mwami buli mbuli cuulu camyaka, alimwi cuulu camyaka cili mbuli buzuba bomwe. ⁹ Mwami tamukile kweendelana acihyomyo cakwe. Mbuli bamwi mbobayeeya kuti wamuka. Ibuyo, ulabikilila kuli ndimwe. Tayandi kuti naba omwe aka nyonyooke, pesi oonse aboole kulwepe. ¹⁰ Nokuba boobo, buzuba bwa Mwami buya mbuli mubbi: Majulu aya kumana akoonzolola kukando. Zilengwa zhyiya kuyaka amulilo, alimwi inyika alimwi amicito yayo zhyiyz kunyonyoonwe. ¹¹ Mbokunga zhyintu ezhyi zhyoonse zhyiya kunyonyoonwa munhila eyi, mweelele kuba bantu bamuhyobo nhyi? Mweelele kupona mukusalala alimwi amaumi a bu Leza. ¹² Mweelele kulangila alimwi akubinzhya buzuba mbwa Leza buboola. Mubuzuba obo, majulu aya kunyonyoonwa amulilo, alimwi zhyilengwa zhya kweenzemuka mukupya kukando. ¹³ Pesi kweendelana acihyomo cakwe tulindila julu ipya alimwi anyika mpya, oko balulami nkobaya kukala. ¹⁴ Nkaambo kaako, nobayandwa, mbokunga mulangila zhyintu ezhyi, amucite mbomukonlya kuli mukajamwe munyina kabala alimwi bnyina butongo kuli nguwe, muluumuno. ¹⁵ Alimwi kamuyeeya bubikilizhyi bwa Mwami wesu kukuba luhutuko, mbubona mbuli muyandwa wesu mukwesu Paulu mbwakalemba kuli ndimwe, kweendelana abusongo mbwakapewa kuli nguwe. ¹⁶ Paulu ulazhyaamba zhyaamba zhyintu ezhyi mumo gwadi akwe oonse, imuli zhyintu zhyikatazhya kuteelela. Batayule alimwi abo abantu batakalikile bola zhyisandaula sandauka zhyintu ezhyi, mbubona mbuli mbabacita kumalembo amwi, kulunyonyooko lwabo beni. ¹⁷ Aboobo, nobayandwa, mbokunga mulizhyizhyi kale zhyintu ezhyi, amulilinde noba mukamwini kutewa mutalezhyewi alucengo lwa bantu banyina mulawo alimwi sweekelwe luhyomo lwenu. ¹⁸ Pesi amukomene muluse alimwi aluzhyibo lwa Mwami wesu alimwi muhutuli Jesu Klisto. Ibulemu abube anguwe ono alimwi abuzuba bwa kutamani. Akubeboobo!