¹ Simon Peter, muzhyike alimwi mutumwa wa Jesu Klisto, kuli boobo bakatambula luhyomo lubotu ndulona ndotwatambula, luhyomo mubululami bwa Leza wesu alimwi a muvwuni Jesu Klisto. ² Luzhyalo alimwi aluumuno luvwule mu kweelana muluzhyibo lwa Leza alimwi lwa Jesu Mwami wesu. ³ Insana zhyabulemu, zhyintu zhyoonse zhya buumi alimwi abuleza zhyapewa kuli ndiswe kwiinda muluzhyibo lwakwe waka twiita swebo kwiinda mubulemu bwakwe alimwi alulemeko. ⁴ Kwiinda muli zhyeezhyi wakatupa bubotu azhyihyomyo zhyikando, kutewa mukabe bahikwaabana mube bwabulenge, kumana kutiya makulo munyika aaletwa akuyandihihya kwabubi. ⁵ Kumuzeezo oyu, amucita bweelele mu sanganye bubotu kuluhyomo lwenu, alimwi ku bubotu amusanganye lunhyibo, ⁶ kulunhyibo musanganye ku lyeendelezhya, kukulyeendelezhya amusanganye kubikilila, kukubikilila musanganye buleza, ⁷ ku buleza amusanganye luyando lwabunyina alimwi kuluyando lwabunyina musanganye luyando. ⁸ Kuti zhyintu ezhyi kazhyili muli ndimwe, alimwi akukomena muli ndimwe, zhyiya kumulehya kukutazyala nakuba kukubula micelo muluhyibo lwesu lwa Mwami Jesu Klisto. ⁹ Pesi kuhumbwa uunyina zhyintu eezhyi uli mucihinzhyi hinzhyi mukuti moohu, waluba kuti wakali salahyilwe kuhwa kuzhyinyonyoono zhyakwe zhyakaindi. ¹⁰ Aboobo, bakwesu, amucite mbomukonzhya kucita kuti bwiite bwenu alimwi abusale bube bwini, kuti naa mwacita zhyintu eezhyi, tamuka lihumpuli. ¹¹ Munhyila yeeyi kuya kuba kwaabilwa kwenu kunji kunjila mubulelo butamani bwa Mwami wesu alimwi muvwuni Jesu Klisto. ¹² Aboobo lyoonse ndili kuli bambile kumwiibaluhya mwebo kuzhyintu ezhyi, nokuba kuti muli zhyizhyi zhyalo, alimwi nokuba kuti muli bayumu mukahimpe ako nkomukwete. ¹³ Njeeya kuti cili luleme kuli ndime, mbuli mbwili mukavwuka aka, kumukopa mwebo mbuli nhyila yakwiibaluhya. ¹⁴ Mukuti ndihyi kuti kumwaiwa kwakavwuka kangu kulaba kuhwambaana, nkaambo Mwami wesu Jesu Klisto wazubulula eci kuli ndime. ¹⁵ Njakucita bwikonzhya boonse kubona kuti ndamana kwaavwa kamukonzhya lyoonse kuyeeya zhyintu ezhyi. ¹⁶ Mukuti tiitwa katobela kabotu cakupakamana zhyibikulwe zhyamansehyanotwa kamuzhyibya mwebo insana alimwi akuboola kwa Mwami wesu Jesu Klisto, Pesi twakali bakamboni bakuli bonena kwa bulemu bwakwe. ¹⁷ Mukuti wakatambula lulemeko alimwi abulemu kuvwa kuli Leza Taata izwi nolyakaletwa kuli nguwe abulemu bwa lulemeko, kwaamba, "Oyu ngomwana wangu muyandihyi, muli nguwe mwikondwa maningi. ¹⁸ Swebo tobamukamwini twakanvwa izwi eli kalivwa kujulu notwakali limwi amulundu uusalala. ¹⁹ Mukuti tukwete izwi lya bunhyihyimi lya kabambwa mukuhinhyihya, omo momukonhya kucita kabotu mukupembeka mbuli lambe limwaka mumu hinze kuhikila buzuba buce alimwi ntongwezhyi zhya mahumohumo hyibe mumyoyo yenu. ²⁰ Atala akoonse, mweelele kunvwa kuti kunyina cihinhyimi camalembo civwa kubusandulunzhyi bwa muntu uumbi. Mukuti ²¹ kunyina buhinhyimi bwakaletwa aluyando lwa muntu, pesi bantu bakali kukanana kuvwa kwa Leza noba kubwezwa a Moza uusalala.