¹ Ono Muuya utonkamana kwaamba kuti muciindi ciboola bantu bamwi bayakuhiya luhyomo akubika maanu kumyuuya yabubehi aluyiihyo lwa madaimona ² akuupaupa kwababehi, miyeeyo yabo beni yakasaama. ³ Bayakukahya bantu kutala akuyanda kuti balo baliimye kuhwa kuli zhyakulya walo Leza zhyakalenga kuti zyikatambulwe akulumba abaabo balo bahoma akuzhyiba kahimpe. ⁴ Mukuti zhyoonse zhyilengwa Leza zhyibotu, alimwi kunyina citambwile akulumba ceelele kuti cikananwe. ⁵ Mukuti cili salazhyilwe ayizwi lya Leza amipailo. ⁶ Naa mwabika zhyintu eezhyi kumbele lyababunyina balombana, uyakuba mutwanga mubotu wa Jeso Klisto. Nkaambo mulisanininwe busani bwa mazwi aaluhyomo alimwi anjiho zhyibotu zhyalo zhyomwakatobela. ⁷ Pele amukake twaano tukwelelezhya tuyandwa abamacembele. Pele, amuliyiihye mubuleza. ⁸ Nkaambo kuyiihya mubili cibotu ahyoonto, pele buleza mbubotu muzhyintu zhyoonse. Bulakwatiilila zhyihyomyo zhyabuumi oobu bwa ono a buumi buboola. ⁹ Mulumbe ooyu ulahyomeka akweelela kutambulwa cakumanina. ¹⁰ Nkaambo kaako tulabeleka akulwanina. Mukuti tulaaluhyomo muli Leza uupon, walo uuli ngo mununu wabantu boonse, pele kapati kuli bahyoma. ¹¹ Mubalilile bantu akubaihya zhyintu eezhyi. ¹² Mutalekeli na omwi kusampaula bukubuhi bwenu, pele mube mukonzhyano wa bahyomi mukwaambaula, mukulilemeka, muluyando, muluhyomo, a mubusalali. ¹³ Kuhikila nkaboole, amutobele mukubala, mukusumpulwa, amukuyiihya. ¹⁴ Utawiiki cipego cili muli ndiwe, calo cakapewe kuli ndimwe kwiinda mubuhinhimi, akutandabikwa kwamatanhi aaba pati. ¹⁵ Amukwabilile kuzhyintu eezhyi. Mube mulizhizhyo, kutewa kuzwidilila kwanu kuboneke kubantu boonse. ¹⁶ Amulibikile maanu akulintonkomeka kunjiihyo. Amuzumanane muzhyintu eezhyi. Nkaambo mukucita boobo, uyakulihutula abaabo bateelela kuli ndiwe.