¹ Munhyila njiyona nobamakaintu amulibombye kubalumi benu. Kamucita oobo nokuba kuti bamwi balombwanan mbobacingwindi kwinhwi, bakonhya kuletwa kakunyina nhwi, kwiinda mukulilemeka kwaba nabo. ² Mukuba kamboni wa lulemeko, lusala lwa malema. ³ Kulisakatinhya kwenu kutabi kwaatala - kunhyinga masusu, akusama tanhya nhya Golide, nonhyiba nhyisani nhyomusama. ⁴ Ibuyo, kusama kwenu akube kwamukati kabuntu bwa moyo abubotu bumanine alimwi abuumunhyi bwa moza, icili nciyandihyi kuli Leza. ⁵ Oobu mbombubo bamakaintu basalala bakalangila muli Leza mbobakasama, kwiinda mukuli bombya kuli bamaalumi. ⁶ Munhyila eeyi Sara wakanhwila Abraham akumwiita kuti mwami. Ono muli bana bakwe kuti naa mwacita cili kabotu alimwi kamutayoowele mapenhyi. ⁷ Munhyila njiyona mwebo nobamaalumi mupone aba ma kaintu benu kweendelana akuteelela, mbuli cibikkilo cikompeme, mukaintu. Mweelele kubapa bulemu mbuli bakoni nyoko balunhyalo lwa buumi. Amucite obuya kutewa mipailo yenu itasinkilwi. ⁸ Kumaninhya, noonse amube amuzeezo ukonhyene, lweetelelo, kuyandana mbuli babunyina, myoyo mibonhwu alimwi abubonhwu. ⁹ Mutapiluhyi cibi ku cibi nyina, naaba matuhi kumatuhi, munhila imwi, muzumanane kuleleka, nkaambo eci ncomwakaitilwa, kutewa mukone cileleko. ¹⁰ Ooyo uyandihya kuyanda buumi bwakwe alimwi akubona mazuba mabotu,ulehya mulaka wakwe kunhwa ku bubi alimwi amilomo wakwe kunhwa kukukanana bucengi. ¹¹ Anhwe kunhyila ya bubi alimwi acite cibotu. Akapule luumuno alutandile. ¹² Meso amwami alababona balulami, alimwi matwi akwe alanhwa mipailo. Pesi buhyu bwa mwami bula balwana abo bacita nhyibi. ¹³ Nguni utikulwane kuti kohinyukile kucita cili kabotu? ¹⁴ Pesi nokuba kuti wapenga nkaambo kabululami, walelekwa. utayoowi ankongo nhyabo. Utakatanhiwi. ¹⁵ Ibuyo, abubikke ambali mwami Klistu mumyoyo yenu mbuli kusalala. Lyoonse amulibambile kupa kaambo kuli oonse ubunhya bulanginhyi mbomukwete - ¹⁶ Aboobo mukulibombya alimwi alulemeko. Kokwata manjenhyeenhya mabotu kutewa kuli coonse ncowambwa kububi bantu babihya bubotu bwa buumi bwako muli Klistu babikwe mukuusa. ¹⁷ Ncibotu, kuti kwaba kuyanda kwa Leza, kuti mupenge mukucita cibotu kwiinda kucita bubi. ¹⁸ Klistu awalo wakapenga lomwe kunhyibi nhyesu. Walo ululeme wakatupengela, notwatakali balulami, kutewa atulete kuli Leza. Wakabikwa kuluhwu mubuyani, Pesi wakaponenhewa amoza. ¹⁹ Amoza, wakakambauka alimwi wakakambauka ku myoza eyo ono ili muntolongo. ²⁰ Bakali bapanhyi ciindi lubikililo lwa Leza nolwakali kulindila mumazuba aka Noah, mumazuba akuyaka bwato, Leza wakahutula bantu bahyoonto - maumi ali lusele - kwiinda mukubelehya meenhyi. ²¹ Eci ncikinhyano calumbinhyo olo lumuhutula ono kutali kuwaca bubi kunhwa kumubili, pesi mbuli kulomba kwa ma njenhyeenhya mabotu kuli Leza - kwiinda mububuke bwa Jesu Klistu. ²² Klistu uli kutanhyi lyalulyo lya Leza. Wakaunka kwizeulu. Bangele, bweendelenhyi, alimwi nsana nhyeelele kuli bombya kuli nguwe.