¹ Ico cakaliko kunhvwa kuma kankilo, calo nchotwakanhvwa, nchotwakabona a meso eesu, nchotwalangilila alimwi matahi eesu acikwata, icikwatikizhya izwi ilya buumi. ² Buumi bwakayubununwa, alimwi twalibonena akupa bumboni akuluula kuli ndimwe izhya buumi butamani, ibwakali abwakali aa Taata, bwamana ono bwayubununwa kuli ndiswe. ³ Calo ico nchotwabona alimwi akunhvwa tula muzhyibya andimwe, kutewa mwebo andiswe tukwate luswaangano. Luswaangono ulwesu luli aba Taata alimwi a Mwana akwe, Jeso Klisto. ⁴ Alimwi, nchotulembela zhyintu izhyi kuli ndimwe nkutewa lukondo ulwesu luzulile. ⁵ Aaya nga makani ngotwakanhvwa kuhvwa kuli nguwe alimwi aswebo tula muzhyibya mwebo kuti: Leza mumuni, alimwi muli nguwe kunyina muhinze peepe. ⁶ Naa twaamba kuti tukwete luswaangano anguwe akweenda mumudima, twabeya alimwi tatwaaciti mahimpe. ⁷ Pele naakuti tweenda mumumuni umbona mbwali mumu muni walo, tukwete luswaangano muli cesu, alimwi bulowa ibwaa Jeso mwanaakwe bula tusalazhya kuhvwa kucibi coonse. ⁸ Naa twaamba kuti tunyina cibi, twalicenga tobeni, kwamana amahimpe taako muli ndiswe pe. ⁹ Pele naa twalyambilila zhyihi zhyesu, walo ula hyomeka alimwi uliluleme kutulekelela zhyibi zhyesu akutusalazhya kuhvwa kubusoohwaazhyi boonse. ¹⁰ Naa twaamba kuti tunyina notwakabihya, twamupanga kubeya, ayizwi lyakwe talili muli ndiswe.