¹ Amano yaliikulila ing'anda yaiko; yali shimpamo inceshi cine lubali, ukubommfya amabwe. ² Naipaya nenama yaiko, naisankanya nomwangashi waiko, kabili napekanya netebulo. ³ Naituma naba bomfi baiko abnakashi aleita ukufuma muncende ishamumusumba ishasansama sana. ⁴ ''Naani imbuluwa mano? lekeni aalulukile kuno!'' kuli uyo onse uwabulwa amano yasuma alelanda ati. ⁵ ''Iseni mulye ifyakulya fyandi nokunwa umwangashi impekenye. ⁶ Sheni imisango yenu iyabula amano nokuba aba mweo, endeni munshila yamucetekanya. ⁷ Uulungika uupumya apokelela umusalula, nao onse uulungika amubifi apokelela umusalula. ⁸ Wilalungika uupumya nangu akakupata, lungika umuntu wamano nao akakutemwa. ⁹ Pela kumuntu wamano nao akalundako ukusambilila kwakwe. ¹⁰ Akatina kakwa yawe entendekelo yamano, nokwishiba uwamushilo kwiluka. ¹¹ Pantu ukupitila muli ine emo inshiku shikafulilako. nemyaka shamweo obe shikabikwako. ¹² Ngoli wamano, uliwamano palobe kabili ngolapumya, ukaisendela wemwine. ¹³ Umwanakashi wabuwelewele taishiba, kantu tafundwa kabili tapali ico aishiba. ¹⁴ Ekala pa mwinshi wa ng'anda yakwe, pa cipuna muncende ishasansama sana isha musumba. ¹⁵ Aleita kubapitanshila, kubantu abashile patuka munshila shabo. ¹⁶ ''Umuwelewele onse apatulile kuno,'' alanefi kuli bonse abashakwata umutima. wamano, ¹⁷ ''Amenshi yakwiba yalilowa, no mukate wa mubumfisolo walikwata mulyo,'' ¹⁸ Lelo taishiba ukuti abafwa ababkulya, abaitaba ubwite bwakwe bonse baba mu mikonko ya nshishi.