¹ icimonwa cakwa Obadia.Shikulu Yawe asosele pali Edom: Natumfwa akasebo ukufuma kuli Yawe nenkombe ituminwe munko, iileti, ''Imeni, natwiminine kunkondo!'' ² Mona, nkakulenga ukuba uwacepa munko; ukaba icine cine uwapatwa. ³ Ukuitumika kwamutima obe ekwakubepaika iwe, iwe wewikala mu ncengo ya cilibwe, pamulu: weutila mu mutma obe, ''Nani akatentemusha panshi?'' ⁴ Nangu iwe winga pupuka nga kapumpe kabili ne cinsa cobe wabika mu ntanda, inkakuleta panshi ukufuma kulya uku ekulanda kwa kwa Yawe. ⁵ Nga bapupu baishile kuli iwe, nge fipondo fya ishile ubushiku wa pwishishiwa! Bushe tekuti bebe umo balefwaila? Nga cakuti aba sepa imyangashi baishile kuli iwe, teti bakushile fye ifya kutolelesha? ⁶ Ifyo Esau ba mu cilingenye, ne fyuma fyakwe bali mwibile! ⁷ Bonse abaume ba mwibumba lyobe bakakutuma mu nshila yobe ku mu mpaka. Abaume abali pa mutende na iwe nabakubepa kabili na bakupoka. Abalya na iwe umukate obe nbateya isumbu mwisamba lyobe. Tamuli ukwishiba muli iwe. ⁸ ''Muli bulya bushiku'' ifi efyasosa Yawe, ''Aonaula abaume ba mano ukufuma ku Edomu no kwishiba ulupili lwa kwa Esau? ⁹ Abaume bobe abamaka bakatina, Temani, pakuti onse umwaume akaputulwako ukufuma ku lupili lwa kwa Esau mu kwipaiwa. ¹⁰ Pamulandu wa lukakala ulwa citilwe kuli munonko Yakobo, mu kafimbwa insoni, kabili mu kaputulwako umuyayaya. ¹¹ Pali bulya bushiku mwaiminine apatali, pabushiku abalendo basendele ifyuma fyakwe, nabena fyalo baingile mu mpongolo shakwe, kabili baipendwile pali Yerusalemu, wali nga umo pali abo. ¹² Lelo wicita bunkalwe pa bushiku bwa kwa munonko, mubushiku bwa bulanda bwakwe, kabili wisekelela pa bantu bakwa Yuda mubushiku bwa konaulwa kwabo; weulumbanya mubushiku bwa bucushi bwabo. ¹³ Wiingila pa mpongolo sha bantu bandi mu bushiku bwa kucula kwabo; wikacita bunkalwe pa kucula kwabo mu bucushi bwa bonaushi bwabo, wiiba ifyuma fyabo Mubushiku bwa kuloba kwabo. ¹⁴ Mwikeminina pamansansa mu kuputula abalebutuka, kabili mwikapoka abalebutuka mubushiku bwa kucula. ¹⁵ Pantu ubushiku bwakwa Yawe nabupalama pa nko shonse. Pamo nge fyo ucitile, cikacitwa na kuli iwe; Imilimo yenu ikamibwelelela pa mitwe yenu. ¹⁶ Pantu na munwa palupili lwaandi ulwa mushilo, efyo inko shonse shikalanwa lyonse. Bakalanwa no kulya kabili cikaba nga abashaliko. ¹⁷ Lelo mulupili lwa Sione mukaba abo abafyuka, kabili cikaba mushilo; kabili ing'anda yakwa Yakobo ikakwata ifipe fyobo. ¹⁸ Ing'anda yakwa Yakobo ikaba umulilo, kabili ing'anda yakwa Yosefu icimbilimbili, ne ng'anda yaakwa Esau ikaba icishiki kabili cikaboca, no kubalya. Tabakapusuke aba mu ng'anda yakwa Esau, pantu Yawe nasosa.'' ¹⁹ Abantu ukufuma ku Negebu bakakwata ulupili lwakwa Esau na bantu ba mumpanga ya batama bakakwata icalo caba Pelshiti. Bakakwata icalo cakwa Efraimu ne calo ca Samaria na Benjamini akakwata Gileadi. ²⁰ Abatamfiwa mu bashilika ba mubantu bakwa Israele bakakwata icalo cakwa Kenaani no kufika ku Sarefati. Nabatamfiwa baku Yerusalemu, abali mu Sarefati, bakakwata imisumba ya Negebu. ²¹ Bakapususha bakaya kulupili lwa Sion ku kuteka icalo ca lupili cakwa Esau, nobufumu bukaba bwakwa Yawe.