¹ Yawe asosele kuli Mose atile, ² ''Sosa ku bena Israeli, nga umo acita umulapo uwaibela wacindama kuli Yawe, bomfya ifipimo ifi. ³ Icipimo pa mwaume ukufuma pa myaka amakumi yabili icipimo icaimikwa yafwile yaba amakumi yasano aya silbele, panuma ya mushekele iya ku ncende iyashila. ⁴ Abanakashi abali nemwaka imo ine icipimo caimikwa mu shekele amakumi yatatu. ⁵ Ukufuma pa myaka isano ukufika pa makumi yabili icipimo cenu icaimikwa ku mwaume yalingile ukuba amashekele amakumi yabili, na kumwanakashi amashekele ikumi limo. ⁶ Ukufuma pa wa weshi umo uwabukulu ukufika ku myaka isano icipimo calinga ku mwaume ulingile ukuba amashekele yasano aya silbele, na umwanakashi amashekele yatatu aya silbele. ⁷ Ukufuma pa myaka amakumi mutanda nokuya pamulu wacipimo caimikwa umwaume ulingile ukuba amashekele ikumi limo. ⁸ Leelo nga umuntu ulecita imilapo afilwa icipimo caimikwa, elyo umuntu alingile umuntu wakumwiminikako kuli shimapepo, na shimapepo akapela umutengo kulingana umuntu uwalepanga imilapo engakwanisha. ⁹ Nga mulapo wanama iyasuminishiwe kuli Yawe, conse iciputulwa capelwa kuli Yawe caba ica shila. ¹⁰ Umuntu ekakabulamo nangu kufumyapo isuma no kubikilapo ishasuminishiwa, nangu ishasuminishiwa ukubaikapo iyasuminishiwa. Nga afumyapo inama imo abikapo, shonse shaba isha shila. ¹¹ Nangu cibefyo umuntu alapile ukupela Yawe mucishinka apela icishasangululwa, tacakasuminishiwe kuli Yawe, elyo umuntu akalete inama kuli shimapepo. ¹² Shimapepo ali nokupingula icipimo, pacisankano cakushitishishapo inama. Icipimo shimapepo abika pa nama, ico cine ecikaba icipimo caiko. ¹³ Nga umwine afwayaisha ukulubula, elyo akalundupo fisano pa cipimo cashitishiwemo. ¹⁴ Elyo muntu apela ing'anda yakwe ngecabupe ca shila kulimYawe, elyo shimapepo akabike icipimo caiko ukulungana nefyo ili nga isuma nangu ibi. Ico cine cipimo shimapepo akapingula, efyo cikabe. ¹⁵ Nomba nga umwine apele ing'anda ngafwaisha ukuipokolola cilingile ukulundapo fisano pa cipimo yashitishiwepo, nayo ikaba yakwe. ¹⁶ Ngo muntu apelapo imo impanga elyo icipimo cikaba ukulingana nembuto shikabyalwa mumi Omere ya barle ikashitishiwa amashekele amakumi ya sano aya silbele. ¹⁷ Nga apatula impanga yakwe mu mwaka wakulubuka, icipimo caiko cikeminina. ¹⁸ Leelo nga apatula ibala lyakwe panuma wa mwaka wakulubuka, elyo shimapepo afwile apituluka mucipimo cebala ukulingana ne myaka yashalako ukufika ku mwaka wakulubuka uwakonkapo, ne cipimo caiko cikabweshako. ¹⁹ Nga muntu uwapele ibala afwaya ukui bwesha, efyo alingile ukulundapo yasano ku mutengo, na lyo likaba lyakwe. ²⁰ Nga talubwile ibala, nangu nga alishitisha ibala ku muntu umbi, teti libweshiwe nakabili. ²¹ Kabili, ibala, elyo lyapelwa mumwaka wakulubuka, cikaba cabupe ca shashila Yawe, nge bala lya pelelelwe kuli Yawe. Likaba lya kwa shimapepo. ²² Ngo muntu apela ibala ashitile, leelo ilyo ibala talili mumpanga yalupwa, ²³ elyo shimapepo akamipimine icipimo ukufika nakumwaka wakulubuka, nomuntu alingile akalipile pali bulya bushiku nge cabupe camushilo kuli Yawe. ²⁴ Mu mwaka wa kulubuka, ibala likabweshiwe ku muntu washitile, ku mwine wa mpanga. ²⁵ Ifipimo fyonse fifwile fyabikwa ngo kufina kwa shekele iya ncende yashila. Amakumi yabili aya gerhs yafwile yaba ukulinga na shekele umo. ²⁶ Umuntu nangu umo ekapela ebeli lyanama, pantu ibeli lyakwa Yawe; ing'ombe ilume nangu impanga, yakwa yawe. ²⁷ Nga ninama ishasangululwa, elyo umwine engaishitishe ukulingana na cipimo caiko, na fisanoikalundwepo pacipimo. Nga tailubwilwe nama, elyo ikasitishiwe pacipimo caiko. ²⁸ Leelo takuli icintu nangu cimo ico umuntu akapela kuli Yawe, ukufuma palifyonse akwata, umuntu nangu inama, nangu impanga yalupwa, iyingashitishiwa nangu ukulubulwa. Fyonse fyapelwe fyamushilo sana kuli Yawe. ²⁹ Takuli impiya ikapelwa ku muntu uwapele mukonaula. Uyo muntu akepaiwe. ³⁰ Icekumi conse ca mumpanga, nangu imbuto shanseke shilelimwa pa mpanga nangu ifisabo fyaku kufimuti, fyakwa Yawe. Cintu fyashila kuli Yawe. ³¹ Ngo muntu abwesha icekumi, afwile ukulundapo fisano ku cipimo caciko. ³² Ngeyakulenga ikumi limo pasha mukuniwa ng'ombe nangu impanga, yonse iyapita mwisamba lya nkoto yakwa kakumba iyalenga ikumi ifwile yapatulwa nge yakwa Yawe. ³³ Kakumba tafwile ukufuma inama isuma nangu iya cilamo ububi, nao tafwile ukucinja inama nokubikilapo imbi. Nga acinja shonse, elyo shonse neyo acinjishe shikaba ishashila. teti shibweshiwe.'' ³⁴ Aya emafunde ayo Yawe apeele mose palipili lwa Sinai kubena Israeli.