¹ Yawe atile kuli Mose na Aaroni, ukutila, ² ''Ilyo uuli onse akwata pamubili wakwe ukufimba nongu impele nangu icibala icabeka, kabili caingililwa no bulwele bwa nkanda mu mubili wakwe, kabili afwilwe aletwa kuli Aaroni shimapepo mukalmba, nangu umo uwamubana baume bakwe abamuli bashimapepo. ³ Kabili shimapepo akaceceta ubulwele munkanda ya mubili wakwe. Nga ubupipi mu ncende ya bulwele bwasanguka ubwabuta, kabili nga cakuitila ubu ubulwele bwamoneka ukukoselako ukucila pa nkanda, ninshi bulwele bwa lwambu. panuma shimapepo amuceceta, alingile asabankanya ukutila mulwele. ⁴ Nga icipumba icabeka mu nkanda na cibuta, nemimonekele yaciko taibipishe ukucila inkanda, kabili nga cakutila ubupipi mu ncende ya bulwele taibutile, elyo shimapepo afwile ukumusungila kumbi pa nshiku cine lubali. ⁵ Pabushiku bwalenga cine lubali, shimapepo afwile ukumuceceta ukumona nga cakuti mukutontonkanya kwakwe ubulwele tabubipishe, kabili nga cakutila tabusalangene mu nkanda. Nga tabucitile ifi, elyo shimapepo afwile ukumusungila kumbi inshiku nashimbi cine lubali. ⁶ Shimapepo akamuceceta nakabili pabushiku bwalenga cine lubali ukumona nga cakutila ubulwele nabucepelako kabili tabusalangene munkanda. Nga teifyo ninshi shimapepo afwile ukusabankanya ukuti nasanguluka. Ifi fipumba. Afwile ukucapa ifyakufwala fyakwe, kabili nasangululwa. ^{7 8} Lelo nga ifipumba fyasalangana mu nkanda panuma yakuilangisha umwine kuli shimapepo pakusangululwa kwakwe, afwile ukuilanga kuli shimapepo nakabili. Shimapepo akamuceceta ukumona nga cakutila ifipumba nafisalanganinako mu nkanda. Nga nafisalangana, elyo shimapepo afwile ukusabankanya ukuti tali uwasanguluka. Bulwele bwa lwambu. ⁹ Ilyo ubulwele bwa nkanda ubwa lwambu buli mu muntu umo, elyo afwile ukuletwa kuli shimapepo. ¹⁰ Shimapepo akamuceceta ukumona nga pali ifyabutuluka mu nkanda, nga cakuti ubupipi nabubuta, nangu nga cakuti umunofu uli apafimbile. ¹¹ Nga cakutila epo fili, ninshi bulwele bwa ntanda bwanga, na shimapepo afwile ukusabankanya ukuti tali uwasangulaka. Takamusungile kumbi pantu nakale taali uwasanguluka. ¹² Nga cakuti ubulwele bwasalangana mu nkanda nokukumana inkanda yonse iya muntu no bulwele ukufuma kumutwe ukufika na kumasa, ukulingana nefyo shimapepo alemona, ¹³ elyo shimapepo afwile ukumuceceta ukumona nga cakuti ubulwele nabukumana umubili wakwe onse. Nga nabucita ifyo elyo shimapepo afwile ukusabankanya ukuti umuntu uuli nobulwele tali uwasanguluka. Nga cakutila fyonse nafibuta, ninshi nasangululwa. ¹⁴ Nomba nga cakutila icilonda catumba pali ena, akaba uushasanguluka. ¹⁵ Shimapepo afwile ukulolesha pa munofu wabulwele no kusabankanya ukuti tali uwasanguluka. Pantu umunofu wabulwele tauli uwasanguluka. Bulwele bwa lwambu. ¹⁶ Lelo nga umunofu wa bulwele wabutuluka nakabili, elyo umuntu afwile ukuya kuli shimapepo. ¹⁷ Shimapepo akamuceceta ukumona nga cakuti umunofu naubutuluka. Nga cili ifyo elyo shimapepo akasabankanya ukuti ulya muntu ali uwasanguluka. ¹⁸ Umuntu nga nakwata icipute pa nkanda kabili calipola, ¹⁹ kabili mu ncende ya cipute muli icafimba icabutuluka, nangu icibala icabeeka, icakashikilila-nokubutuluka, kabili cifwile ukulangwa kuli shimapepo. ²⁰ Shimapepo afwile ukuciceceta ukumona nga cakuti cilemoneka icashika mu nkanda, kabili nga cakuti ubupipi palya bulemoneka ubwabutuluka. Nga caba ifi, elyo shimapepo afwile ukusabankanya ukuti tali uwasanguluka. Bulwele bwa lwambu, nga cakuti bulesanduluka mu ncende umwali iciputte. ²¹ Lelo nga shimapepo aciceceta nokumona ukuti tapali ubupipi ubwabuta, nokutila tabuli munkanda lelo pali apafumfulila, elyo shimapepo afwile ukumubika eka panshiku cine lubali. ²² Lelo nga bwasalangana sana mu nkanda elyo shimapepo afwile asabankanya ukuti ali uushasanguluka. Bulwele bwa lwambu. ²³ Lelo nga icibala icabeeka caikala pa ncende yaciko kabili tacisalangene, elyo ninshi mukofu wa cipute, na shimapepo afwile ukusabankanya ukuti nasanguluka ²⁴ Ilyo inkanda yamoneka ukupya ne cilonda icapya caba icakashikila-nokubutulukila nangu icibala icabuuta, ²⁵ elyo shimapepo akacicecete ukumona nga ubupipi pacibala nabubuta, nangu nga cakuti bulemoneka ubwashikisha ukucila inkanda. Nga efyo cili, ninshi bulwele bwa lwambu. Ninshi nabufuma mu ncende iipile, na shimapepo afwile ukusabankanya ukuti tali uwasanguluka. Bulwele bwa lwambu. ²⁶ Lelo nga shimapepo aciceceta nokusanga ukuti tapali ubupipi bwa buuta pacibala, kabili tabuli mu nkanda lelo pali apafumfulila, elyo shimapepo afwile ukumubika eka panshiku cine lubali. ²⁷ Elyo shimapepo afwile ukumuceceta pabushiku ubwalenga cine lubali. Nga cakuti nabusalangana sana mu nkanda elyo shimapepo afwile ukusabankanya ukuti tali uwasanguluka. Bulwele bwa lwambu. ²⁸ Nga icibala caikala pa ncende yaciko nokukana salangana mu nkanda lelo pali apafumfulila, ninshi kufimba ukufuma kukupya, na shimapepo afwile ukusabankanya ukuti nasanguluka, pantu tapali cimbi ukucila pamukofu wamulilo. ²⁹ Nga umwaume nangu umwanakashi nakwata ubulwele bwa lwambu pa mutwe nangu pakalefulefu, ³⁰ elyo shimapepo afwile ukuceceta umuntu pabulwele bwa lwambu ukumona nga cakuti bulemoneka ubwashika ukucila inkanda, kabili nga pali apamutuntula, ubupipi ubwaonda. Nga efyo cili, elyo shimapepo afwile ukusabankanya ukuti tali uwasanguluka. Fyakuifwenafye, bulwele bwa lwambu pa mutwe nangu pakalefulefu. ³¹ Nga shimapepo aceceta ubulwele bwakuifwenawila nokumona ukuti tabuli panshi ya nkanda, kabili nga tapali ubupipi ubwafita, elyo shimapepo akamubike eka nobulwele bwakuifwenawila panshiku cine lubali. ³² Pabushiku bwalenga cine lubali shimapepo akaceceta ubulwele ukumona nga cakuti nabusalangana. Nga tapali ubupipi bwa mutuntula, kabili nga ubulwele bwamoneka ukuba ubwashika mu nkanda, ³³ elyo afwile ukumubeya, na shimapepo afwile ukubika umuntu uwabulwele bwa kuifwenawila panshiku cine lubali eka. ³⁴ Pali ishi nshiku cine lubali shimapepo akaceceta ubulwele ukumona nga cakuti nabuleka ukusalanganina mu nkanda. Nga tacilundulwike nokutobonkela mu nkanda, elyo shimapepo afwle ukusabankanya ukuti ali uwasanguluka. Umuntu afwile ukucapa ifyakufwala fyakwe, kabili akaba uwasangulaka. ³⁵ Nomba nga cakuti ubulwele bwa kuifwenawila bwa salangana sana mu nkanda panuma shimapepo nalanda ukuti ali uwasanguluka, ³⁶ kabili shimapepo afwile ukumuceceta nakabili. Nga cakuti ubulwele nabusanganina mu nkanda, shimapepo tafwile kubikako amano kukumona umushishi wa mutuntula. Uyu muntu ali uwakowela. ³⁷ Nomba nga cakuti shimapepo amona nakabili ubulwele bwa kuifwenawila nabuleka ukusalangana no mushishi wafita walakula mu Nkanda, ninshi ubulwele nabupola. Ali uwasanguluka, nashimapepo afwile ukubilikisha ukuti nasanguluka. ³⁸ Nga umwaume nangu namayo nakwata ifibala fyabuta pa nkanda, ³⁹ elyo shimapepo afwile ukuceceta umuntu ukumona nga cakuti ifibala fili ifyabutulukila, tupumbafye etuletumba mu nkanda. Uyu muntu ali uwasanguluka. ⁴⁰ Nga umuntu umushishi wakwe yalanukuka ku umtwe wakwe, abe pala, lelo ninshi ali uwasanguluka. ⁴¹ Nga umushishi wakwe wamunuka pantanshi ya mpumi yakwe, kabili paba ipala pa mpumi, umuntu ninshi ali uwasanguluka. ⁴² Lelo nga paba apakashikila-nokubutulukila pe pala nangu pa mpumi, ninshi bulwele bwa lwambu ubwafuma. ⁴³ Elyo shimapepo afwile ukumuceceta ukumona nga kufimba kwa bulwele pa ncende ye pala nangu pa mpumi pali apakashikila-nokubutulukila, bulemoneka ngo bulwele bwa lwambu mu nkanda. ⁴⁴ Ngefyo cili, ninshi ali nobulwele bwa lwambu kabili ali uushasanguluka. Shimapepo afwile ukushininkisha ukubilikisha ukuti ali uushasanguluka pamulandu wabulwele ubuli pa mutwe wakwe. ⁴⁵ Umuntu uuli nobulwele bwa lwambu afwile ukufwala ifyakufwala ifyalepauka, umushishi wakwe tauuli uasakulwa, kabili afwile ukufimba icinso cakwe na moona nokupunda, 'Uushasanguluka, uushasanguluka.' ⁴⁶ Inshiku shonse isho ali nobulwele bwa lwambu akaba uushasanguluka, pantu ali uushasanguluka ku bulwele ubwingasalanganishiwa, afwile ukumubika eka. Afwile ukwikala kunse ya nkambi. ⁴⁷ Insalu uwakowela nokufufuma, ube wabutonge nangu telela, ⁴⁸ nangu iyanyukwa nangu iyabwilwa nobutonge nangu iyatelela, nangu impapa nangu conse icapangwa nempapa- ⁴⁹ nga cili icakatapa katapa nangu icakashikila ku nsalu, icampapa, icanyukwa nangu icabilwa, nangu conse icapangwa nempapa, elyo ukufufuma nakusalanganishiwa; cifwilwe ukulangwa kuli shiamapepo. ⁵⁰ Shimapepo akaceceta nokumona ifyo cifufwime; akacifumya pacifufwime nokucibika ceeka panshiku cine lubali. ⁵¹ Afwile ukuceceta icifufwime pabushiku bwa lenga cine lubali. Nga cakuti nabusalanganina mu nsalu, kucapikulwa nokubilwa bwino bwino icabutonge nangu icatelela, nangu icampapa nangu conse icampapa icabomfiwa, kabili ici cintu cena bonaushi, kabili ici cintu cili icakowela. ⁵² Afwile aoca insalu, nangu conse icapikulwa nobutonge nangu icatelela, nangu icampapa nangu conse icapangwa nempapa, conse icasangwa icafufuma, pantu kuti catwala kubulwele. Cena cifwilefye ukocewa umupwilapo. ⁵³ Nga shimapepo aceceta ici cintu nokumona ukuti ukufufuma takusalangene mu nsalu nangu mu yanyukwa iyabilwa nobutonge nangu iyatelela, nangu ifisuma ifyampapa, ⁵⁴ elyo akabakonkomesha ukucapa fintu ukufufuma kuliko, kabili afwile ukufibika fyeka pa nshiku ukucila ishili cine lubali. ⁵⁵ Elyo shimapepo akaciceceta panuma yakucapa ukufufuma. Nga cakuti ukufufuma takucinjishe imimonekele yaiko, nelyofye tacipitilile ukusalanganishiwa, ninshi cili icakowela. Mufwile ukooca ici cintu, nelyo lubali lumo ulufufwime. ⁵⁶ Nga shimapepo aceceta ici cintu, nga cakuti ukufufuma takutwalilile panuma yakucapa, elyo afwile ukulepula insalu apakowele nangu ukufuma ku mpapa, nangu ukufuma ku yanyukwa nangu iyabilwa. ⁵⁷ Nga cakuti ukufufuma nakutwalilila ukumoneka mu nsalu, nelyo mu yanyukwa nangu iyabilwa, nangu muli conse icapangwa ne mpapa, filesalanganishiwa. Mufwile mwaoca conse cintu icikwete ukufufuma. ⁵⁸ Insalu nangu conse icanyukwa nangu ukubilwa kubutonge nangu icatelela, nangu icampapa nangu conse icapangwa ne mpapa-nga mwa capa ici cintu nokufufuma kwafuma, kabili cilya cintu cifwilwe ukucapa nakabili, kabili cikaba icasanguluka. ⁵⁹ Ili efunde pa cafufuma mu nsalu iya butonge nangu iyatelela, nangu conse icanyukwa nangu ukubilwa ukufuma kubutonge nangu icatelela, nangu icampapa, pakuti mwikabilikisha fibe fintu fyasanguluka nagu ifyakowela.