¹ Kwali umuntu mu calo ca Usi ishina lyakwe ni Yobo; kabili Yobo tali nakabi kabili uwatambalala, umo uwaletina Lesa kabili uwafumine ku bubi. ² Kwafyelwe kuli ena abana baume cine lubali nabana banakashi batatu. ³ Akwete umukuni amakana cine lubali, ingamali amakana yatatu, ing'ombe ishilume imyanda isano shibili shibili, ne mpunda ishikota imyanda isano nababomfi abengi. Ali umuntu uwacilike abantu bonse abakukabanga. ⁴ Cila mwana mwaume pabushiku bwakwe, kwaleba amatebeto mu ng'anda yakwe. Baletuma nokwita bankashi shabo batatu kukulya nokunwa nabena. ⁵ Elyo ubushiku bwa mitebeto bwapwa, Yobo aletuma kuli bena kabili alebashibusha. Aleima lucelo celo nokoca icabupe cakuninika ica cilamwana, pantu aleti, nalimo abana bandi nababembuka nokutuka Lesa mu mitima shabo.'' Yobo cila nshita alecita ici. ⁶ Ilyo kwali ubushiku ilyo abana baume bakwa Lesa baishile kukwimininako abene pali Yawe. Na Satana nao alishile nabo. ⁷ Yawe atile kuli Satana, ''Wafuma kwi?'' Elyo Satana ayaswike Yawe nokuti, ''Nafuma kukupitana pe sonde, ukufuma kunuma nakuntanshi yaciko.'' ⁸ Yawe atile kuli Satana, ''Bushe mwamumona umubomfi wandi Yobo? Pantu takwaba uwaba nga ena pe sonde, uushicita kabi kabili umuntu uwatambalala, umo uutina Lesa kabili uwafuma ku bubi.'' ⁹ Elyo Satana ayaswike Yawe nokuti, ''Bushe Yobo atinina Lesa apafye? ¹⁰ Tamwabika ubucingo ukumushinguluka, ukushinguluka ing'anda yakwe kabili ukushinguluka fyonse ifyakwe ukufuma mumbali shonse? Mwalipala imilimo yaminwe yakwe, nefitekwa fyakwe fyasalangana impanga yonse. ¹¹ Lelo nomba tambikeni ukuboko kwenu nokwikata kuli fyonse akwata, nokumona nga tamutunke pa cinso cenu.'' ¹² Yawe atile kuli Satana, ''Mona, conse akwata cili mu minwe yobe. Lelo pali ena pena witambalikapo kuboko kobe.'' Elyo Satana afumine ku cinso cakwa Yawe. ¹³ Caishile ukuti pabushiku bumo, abana baume bakwe na banakashi balelya nokunwa umwangashi mu ng'anda yamukalamba wabo. ¹⁴ Kwaishile inkombe kuli Yobo nokutila, ''ing'ombe ishilume shacilalima ne mpunda shacilalya lubali. ¹⁵ Elyo abena Shebu bawilepo nokushisenda. Ku babomfi, babomine kumbali yalupanga. Ine neka nabutuka kukumweba.'' ¹⁶ Ilyo ulya acili alelanda, naumbi alishile nokutila, ''Umulilo wakwa Yawe uponene ukufuma mu mulu nokoca umukuni nababomfi. Ine neka nabutuka kukumweba. ¹⁷ Ilyo uyu acili alelanda, naumbi alishile nokutila, ''Abena Kalda bangile impuka shitatu, basansa ingamila, nokushisenda. kubabomfi, babomine kumbali ya lupanga. Ine neka nabutuka kukumweba.'' ¹⁸ Ilyo ulya acili alelanda, kwaishile naumbi nokutila, ''Abana baume benu nabana banakashi benu bacilalya no kunwa umwangashi mu ng'anda ya mukalamba wabo. ¹⁹ Umwela uukalamba wishile ukufuma mu matololo nokuuma pama tungi yane aya ng'anda. Iponene pa bantu abaice, kabili nabafwa. Ine neka nabutuka naisa kukumweba.'' ²⁰ Elyo Yobo aimine, alepwile tamba tamba wakwe, abeyele umutwe wakwe, akontamike icinso cakwe panshi, nokushinshimuna Lesa. ²¹ Atile, ''Nali ubwamba ilyo nafumine munda muli Mayo, kabili inkaba ubwamba ilyo nkabwelela kulya. Ni Yawe uwampele, kabili ni Yawe uumpokele. Ishina lyakwe libe ilyapalwa.'' ²² Muli fyonse ifi, Yobo tabembwike, nangu ukupela Lesa akabi pafyo acitile.