¹ Amashiwi ayo Habakkuku kasesema apokelele, ² ''Yawe, kufika lilali ndelila ukuti mungafwe, naimwe ukumfwa iyo? Ndalilila kuli iwe, 'Ubuluku!'' Leelo taumpususha. ³ Cinshi ico munengela ukumona icabipa no kulenga ine ukucita ifintu ifibi? Ubonaushi ne cifulunganya fyaba pali ine; kuli ifikansa, no lubuli na fiima. ⁴ Emulandu wine ifunde lyabela ilyanaka, no mulinganya ecotawikalilila. Pantu ababifi ebashinguluka abaololoka; eco kushabela umulinganya.'' Yawe ayasuka Habakkuki. ⁵ ''Lolesha panko no kubebeta pali bena; papeni no kusunguka! Pantu ine nishinicisha Mu nshiku shenu nalacitapo cimo ico imwe tamwakashinikishe ilyo cikebwa kuli imwe. ⁶ Pantu moneni! Nalaimya abena Kaldi-- lulya uluko ulukali kabili ulwakalabana Balecilinganya mubwipi impanga ukuti bapokolole incende ishishili ishabo. ⁷ Baleilenga umwenso kabili balatinya; umulinganya bakwata nobukata fifuma muli bena. ⁸ Bakabalwe babo nabo balabutukisha ukucila imbwili, nokubutukisha ukucila imimbulu yacungulo. Na bakabalwe babo balonaula, elyo nabendela pali ba kabalwe bafuma ku ncende ishitali--besa nabapupuka nga kapumpe abalebutukila ku kulya. ⁹ Bonse beshila icifulunganya; ubwingi bwabo bwisa ngo mwela wa muciswebebe, kabili bakolonganika abasha kwati mucanga. ¹⁰ Balatufya ishamfumu ne ntungulushi nasho balashitumfya. Baseka fye na pali conse icakosa, kabili bakolonganika iloba no kulipasaula. ¹¹ Elyo umwela ukesa nokupita--ukusakamana kwa baume, abo amaka yabo nika lesa kabo.'' Habakkuki aipusha Yawe icipusho na cimbi ¹² ''Bushe tekufuma kukale mwabako, mwe Yawe Lesa wandi, uwa mushilo wandi? Tatwakafwe. Yawe alabalisha pabupingushi, eco mwa mubikila. Mwecilibwe, mwababikilako kukupingulwa. ¹³ Amenso yenu yaba ayasuma ukulolekesha pafibi, kabili tamulolesha pa micitile ibi no kucingilila; nga cinshi wingalolekesha mu kucingilila abo abakusangukila? Nga cinshi ico mwaikalila fye tondolo ilyo ababifi balefyenga abakaele ukucila ifyo baba? ¹⁴ Mupanga abantu nge sabi lya muli bemba, ngefintu ifikulika ifishakwata wakufiteka. ¹⁵ Bonse abalobela ku bulobo; abakula mu mukwau wakwe; nokubalonganika capamo mwisumbu lyakwe; eco alasekelela no kwanga. ¹⁶ Eco atulila amalambo kwi sumbu lyakwe no kufutumuna icushi ca malambo ku kukwau wakwe, pantu ni muli ifi emo aikalila mu bukankala, ne fya kulya fyakwe fintu fya cindamisha. ¹⁷ Bushe kanshi eco akakonkanishisha mu kucefya mwisumbu lyakwe, kabili bushe afwile ukutwalilila ukwipaya inko ukwabula uluse?