¹ Mumwaka wa kubalilapo uwa kwa Cyrus, imfumu yaku Persia, Yawe afikilishe ishiwi lyakwe ilyafumine ku kanwa ka kwa Yeremia, no kucincisha umutima wakwa Cyrus. Ishiwi lykwa Cyruss lyakumene umwapela ubufumu bwakwe ifi efyo calembelwe no kusoswa: ² ''Cyrus, imfumu yaku Persia, atile: Yawe, Lesa wa mu mulu, ali mpele ama bufumu yonse aya pe sonde, kabili na nsonta ukumukulila ing'anda mu Yerusalemu na mu Yudea. ³ Umuntu onse uwafuma mu bantu bakwe (Lesa wakwe abe na ena) kuti aya ukufika ku Yerusalemu na ukukula ing'anda yakwa Yawe, Lesa wabena Israele, Lesa uuli mu Yerusalemu. ⁴ Abantu abalubali lwa ku bufumu abashalala muli ilya mpanga nga abena fyalo bafwile ukupelwako silfere na golde, pamo ne fipe ne fitekwa pamo no mutulo wa kuitemenwa uwa mu ng'anda yakwa Lesa mu Yerusalemu.'' ⁵ Elyo intungulushi sha mu kowa wakwa Yuda no wakwa Benjamini, naba shimapepo nabena Lebi na onsefye uo mupashi wakwa Lesa wacincishe balimine nokuya ku kukula ing'anda yakwa Yawe, iyali mu Yerusalemu. ⁶ Bonse aba bashingulwike baletulilila imilimo yabo ukupitila muli silfere na ifipe fya golde, ne fipe, inama, ifya mutengo, no bupe bwa kuitemenwa. ⁷ Cyrus imfumu ya ku Persia na yena yali fumishe ifipe ifyali mu ng'anda yakwa Yawe ifyo Nebukadnesari afumishe ku Yerusalemu no kufibika mu ng'anda yatu lesa twakwe. ⁸ Cyrus, imfumu yaku Persia, afibikile mu minwe yakwa Mitiridati uwalesunga icipao, uwafipendele kuli Sheshebasari, intungulushi ya Yuda. ⁹ Ii eyali impenwa yafiko: amakumi yatatu amabeseni aya golde, amakumi yabili na pabula aya mabeseni yambi, ¹⁰ imbale ishafonka amakumi yatatu aya golde, 410 imbale shafonka ishinono isha silvere, ne kana limo ilya fipe. ¹¹ Kwali 5,400 golde na silvere iya fipe fyonse. Sheshebasari alibaletele bonse ilyo bakonkele ba fumine mu Babiloni no kuya mu Yerusalemu.