¹ Umfweni, mwebena Israeli; imwe mwalaba mukwabuka Yodani leelo, ukuya ingila mukupyana inko ishikalamba kabili ishamaka ukumicila, ne misumba iyamaka iyacingililwa ukufikafye namu mulu, ² abantu abakosa kabili abatali, abana bakwa Anaki, abo mwaishiba, abo mwaumfwile kubantu baleti, ''Nibani bengeminina pantanshiyabana bakwa Anaki?'' ³ Ishibeni leelo ukuti Yeoba Lesa wenu uyo uuleya pantanshi yenu ngentumba yamulilo; nokubalofya pantanshi yenu, kabili efyo mukabafumya pakutila bakalobe bwangu, ngefyo Yeoba asosele kuli imwe. ⁴ Mwikatila mumitima yenu, panuma Yeoba Lesa wenu abafumya pantanshi yenu, ''Nipamulandu wabulangami bwandi ukuti Yeoba aleta ine kukukwata impanga iyi,' pantu nipamulandu wabuncitatubi bwamu calo eco Yeoba abafumisha ukufuma pantanshi yenu. ⁵ Tepamulandu wabulungami bwenu nangu ukulungama kwa mitima yenu ukuyakwata impanga yabo, leelo nipamulandu wabuncitatubi bwacalo ukuti Lesa wenu abafumye ukufuma pantanshi yenu, elyo nokuti cingesa icishinka ishiwi lintu alapile kufikolwe, kuli Abrahamu, Isaki, na Yakobo. ⁶ Eico ishibeni, ukuti Yeoba Lesa wenu talinokumipela iimpanga iisuma kukuikwata pamulandu wa bulungami bwenu, pantu muli bantu bakosa imikoshi. ⁷ Ibukisheni nokukanalaba ifyo mwakalifye Yeoba Lesa wenu kucipyu mumatololo; ukufuma ubushiku mwashile impanga ya Egypito ukufikafye lintu mwafikile pali incende, mwali abatalama kuntanshi yakwa Yeoba. ⁸ Kabili na mu Horebu mwakalifye Yeoba kucipyu, na Yeoba akalipile imwe ukufwaya imwe ukumonaula. ⁹ Ilyo naile ukunina ulupili kukupoka ifipampa fyamabwe, ifipampa fya cipangano ico Yeoba apangile naimwe. Naikele mulupili inshiku amakumi yane akasuba namakumi yane ubushiku; ine shalile umukate nangu ukunwa amenshi. ¹⁰ Yeoba apele ine ifipampa fibili ifyamabwe ifyalembelwe neminwe yakwe; pali bena palembelwe fyonse ngafilwa fine yonse amashiwi yantu Yeoba asosele kuli imwe mulupili ukufuma pakati kamulilo pabushiku bwakulongana. ¹¹ Cacitike pampela yaisho nshiku amakumi yane akasuba na makumi yane ubushiku elyo Yeoba ampale ifipampa fibili ifyamabwe, ifipampa fya cipangano. ¹² Yeoba atile kuli ine, 'Ima, kabiye panshi bwangu ukufuma pano, kubantu bobe, abo wafumishe ukufuma mu Egypito, nabailufyanya abene. Nabapanga abene icalengwa ne minwe.' ¹³ Ukulindapo, Yeoba alandile kul ine no kutila, 'Nimbamona aba bantu; bantu batalama. ¹⁴ Ndeka ine neka, pakutila bena mbonaule nokufumya amashina yabo ukufuma pesamba lyamulu, elyo nkapanga iwe uluko ulwamaka kabili ulukalamba ukucila bena.' ¹⁵ Elyo napilibwike nokwisa panshi yalupili, nolupili lyalepya. Nefipampa fibili ifya cipangano fyali mumaboko yandi. ¹⁶ Naloleshe, nokumona, namubembuka kuli Yeoba Lesa wenu. Namuibumbila mwebene umwana wang'ombe na mupilibuka bwangu pambali yanshila iyo Yeoba akonkomeshe imwe. ¹⁷ Nasendele ifipampa fibili nokufiposa ukufuma mu maboko yandi. Nokutobaula pantanshi yamenso yabo. ¹⁸ Kabili nawile icinso panshi pantanshi yakwa Yeoba panshiku amakumi yane akasuba namakumi yane ubushiku. Nangu kulya shalile umukate nangu ukunwa amenshi, pamulandu wamembu shonse isho mwacitile, mukucitafyo ifyo ifyabipa mumenso yakwa Yeoba, ukumukalifya ukulenga wena icifukushi. ¹⁹ Pantu nali uwatina kucifukushi nokukalipilwa kufyo Yeoba akalipe icalinga pali imwe pa kumonaula. Leelo Yeoba aumfwile kuli ine pali ilya nshita. ²⁰ Yeoba ali uwakalipa pali Aroni ukufwaya ukumonaula; na pepeleko Aroni nao panshinta imo ine. ²¹ Nasenda ulubembu lobe, umwana wang'ombe wapangile, naoca, nauma, ukushonaula ukushala utunono, mpakafye fyapeleka ngo lukungu. Naposele nolukungu mumulonga uwafuma panshi ukufuma kulupili. ²² Pa Tabera, na pa Masa, na pa Kibrot Hataba, mwakalifye Yeoba kucifukushi. ²³ Ilyo Yeoba amutumine ukufuma ku Kadeshe Barnea nokutila, ''Kabiyeni nokusenda ifikwatwa ifya mumpanga iyo nkamupela imwe,' Nomba mwatalama kuntanshi yamakambisho yakwa Yeoba Lesa wen, naimwe tamwasumine nangu ukukutika kwishiwi lyakwe. ²⁴ Mwaliba abatalama kuntanshi yakwa Yeoba ukufuma ubushiku imwe namishibe. ²⁵ Kabili nawile icinso panshi pantanshi yakwa Yeoba isho inshiku amakumi yane akasuba namakami yane ubushiku, pamulandu atile bena ndinokubonaula. ²⁶ Napepele kuli Yeoba ukutila, 'Mwe Shikulu Yeoba, mwibonaula abantu benu nangu impyani abo mwalubwile ukupitila kubukulu bwenu, abo mwaleta ukufuma mu Egypito kukuboku ukwamaka. ²⁷ Ibukisheni ababomfi benu Abrahamu, Isaki, na Yakobo; mwilolesha kubumankonso bwa aba bantu, mukunaka kwabo, nangu pamembu. ²⁸ Pakuti impanga ukufuma lintu ifwe mwatuletele bali nokulanda, ''Pamulandu Yehoba tali nokutuleta mumpanga iyo atulaile, nipamulandu ali bapatile, abaletele ukufuma kukubepaila mumatololo.'' ²⁹ Leelo bena bantu bobe, impyani shobe, abo mwaletele ukufuma kumaka ayakulu namaka yenu ayatambikwa.