¹ Taufwile ukumona ing'ombe nangu impaanga ya mwina Israeli munobe ileya iciyeyeye elyo wafisama nokufumako; ufwile icine cine ukushileta ku mwine. ² Inga cakuti umwina Israeli munobe tabana iwe mupepi, nangu tawamwishiba, elyo ufwile ukushileta kumushi isho nama ku ng'anda yobe, elyo ikekale kuli iwe mpaka umwine akaifwaye, elyo nomba iikabwelele kuli ena. ³ Ukacite ifi fine nakumpunda yakwe: Ukacite ifi fine nakufyakufwala fyakwe; ukacite cimo cine nakuli conse icintu ica luba kuba bwana nyina abena Israeli, nakuli conse ico alufya nangu wacisanga; taufwile ukufisama. ⁴ Taufwile ukumona impunda ya mwina Israeli munobe nangu ing'ombe yakwe naiwe mu musebo elyo wafisama kuli fyena; ufwile ukumwafwako ukuimika. ⁵ Umwanakashi tafwile ukufwala icapalana ne camwaume, elyo nangufye mwaume ukwingila munsalu shamwanakashi; onse uwacita ifi fintu ninshi wamuselu kuli Yawe Lesa wenu. ⁶ Nga cakuti cacitika ukuti icinsa caconi casangwa pantanshi yamusebo obe, kucimuti icili conse nangu pamushili, nabana abanono nelyo amani mukati, nanyina naikala pabana na pamani, taufwile ukusenda nyina kumo nabana bene. ⁷ Ufwile ukuleka nyina aye, leelo abana kuti wasenda wemwine. Beleni ifunde ili pakuti liye bwino na iwe, kabili inshiku shobe shitantalile. ⁸ Ilyo wakula ing'anda ipya, elyo ufwile wa panga ica kucingilila pa mutenge pakutita uletele umulopa pa ng'anda yobe ingacakuti umo apoona ukufuma palya. ⁹ Ta ufwile uku byala imbuto shibili isha pusana mwibala lya myangashi, pakuti ubusomboshi bonse tabu pokelwe ku ncende ya mushilo, imbuto isho wa byele no busomboshi bwa mwibala lya myangashi. ¹⁰ Wikalimina kwikoli limo ing'ombe ne mpunda. ¹¹ Wikafwala insalu iya pikulwa na masako ya mpaanga na kolokondwe. ¹² Ufwile ukubikako insenkebele ku fifutu fine ku ca kufwala ico ufwala we mwine. ¹³ Nga cakuti umuntu abula umukashi, no kuya muli ena, kabili elyo amupata. ¹⁴ Elyo kabili alamushinina ifintu fyansoni nokubika amashiwi yabipa pali ena, nokutila, 'Nasendele uyu mwanakashi, leelo ilyo napaleme kuli ena, nasangile icishininkisho cacuna cisungu tamuli muli ena. ¹⁵ Elyo ba wishi naba banyina ba mwanakashi bakatwale ubushininkisho ca buna cisungu kuba kalamba pa mpongolo ya musumba. ¹⁶ Ba wishi lya mukashana ba katile kuba kalamba, nalipele umwana wandi umukashana kuli uyu mwaume ku kuba umukashi nao namupata. ¹⁷ Moneni, na mushinina mu fintu fya nsoni nokutila, ''Nshisangile mu mwana obe umwana kashi icishininkisho ca buna cisungu.'' Leelo icishininkisho cabu nacisungu ici.' Elyo bakafungulule icakufwala ku ntanshi yaba kalamba ba mu musumba. ¹⁸ Abakalamba ba muli uyo musumba ba kabule uyo muntu noku mukanda; ¹⁹ kabili ba fwile ukulipilisha ulupiya umwanda umo isha silfere, no kupela kuli wishi lya mukashana, pantu uyo muntu na mulenga ishina ilibi pali na cisungu wa mu Israeli. Afwile ukuba umukashi wakwe; tafwile ukumutamfya mu nshiku shakwe shonse. ²⁰ Leelo ici cintu nga cali cishinka, ukuti icishininkisho ca buna cisungu ta casangilwe mu mukashana, ²¹ elyo bafwile ukuleta uyo mukashana ku mwinshi wa ng'anda yaba wishi, elyo abaume ba mu musumba bakamupoole amabwe nokufwa. Pantu na cita ica muselu mu Israeli, pakucita bucende mu ng'anda yaba wishi; elyo mukafumye ububi pakati kenu. ²² Nga cakuti umwaume asangwa nalala nomwanakashi uwa upwa ku mwaume umbi, bafwile bonse ukufwa, umwaume uwa leele no mwanakashi nomwanakashi umwine; kabili mukafumya ububi pakati kenu. ²³ Ngapali umukashana na cisungu, uwakobekelwa ku mwaume, no mwaume umbi amusanga mu musumba no kulala nankwe, ²⁴ batwaleni ku mpongolo ya musumba, no kubapoola amabwe no kufwa. Mufwile ukupoola umukashana, pantu tapundile, nangu cakuti ali mu musumba. Mufwile ukupoola umwaume, pantu apatikishe umukashi wamwina mupalamano wakwe; efyo mukafumye ububi mukati kenu. ²⁵ Leelo inga cakuti umwaume asanga umukashana uwa kobekelwa mwibala no kumwikata nokulala nankwe, elyo umwaume uwalele nankwe akafwe. ²⁶ Leelo kumukashana mwikacita nangu cimo; tapali lubembu ulwa kwipailapo umukashana. Pali uyu mulandu uli fye ngo muntu uwasansa umwina mupalamano no kumwipaya. ²⁷ Pantu amusangile mwibala; umwanakashi uwa kobekelwa ali pundile, takwali nangu umo kumupususha. ²⁸ Nga cakuti umwaume asanga umukashana na cisungu leelo takobekelwa, noku mwikata nokulala nankwe, kabili nga caishibikwa, ²⁹ elyo umwaume uwa lele nankwe apeele ulupiya amakumi yasano isha silfere kuli wishi lya mukashana, nokuba umukashi wakwe, pantu ali mupatikishe, tafwile nokumutamfya munshiku shakwe shonse. ³⁰ Umuntu tafwile ukubula umukashi wakwa wishi ngo wakwe; tafwile ukubulila wishi insambu sha cuupo.