¹ Eico muletemwa Yawe Lesa wenu no kukonka ifipope, amakambisho yakwe, ubupingushi bwakwe, elyo na mafunde yakwe. ² Ishibeni ukuti nshilelanda kubana beenu, abashaishiba nangu shamona ukusalapula kwa Yawe Lesa wenu, ubukulu bwakwe, ukuboko kwakwe ukwakosa, nangu ukuboko kwakwe ukwatambuluka, ³ ifishibilo ne milimo iyo acitilemo mu Egypto kuli Farao, imfumu ya Egypto na ku mpanga yakwe yonse. ⁴ Nelyo bamwene ifyo acitile kubashilika ba ku Egypto, kuli ba kabalwe babo, na kumaceleta yabo, ifyo apangile amenshi muli bemba wakashika ukubunsha balya ilyo balebafulumuna, nakabili efyo Yawe abonawile ukufika na lelo, ⁵ nelyo ifyo amicitile mumatololo panka mwaisa kuli ino ncende. ⁶ Tabamene ifyo Yawe acitile kuli Dotani na Abiramu, abana baume bakwa Eliabu abana banume bakwa Rubeni, ilyo isonde lyaasamwine akanwa, nokubamina, abamumayanda yabo, muma tenti yabo, nefi tekwa fyonse ifyaba konkele bena, mukati ka kwa Israeli yonse. ⁷ Lelo amenso yenu yali mwene imilimo yonse iikalamba Yawe iyo acitle. ⁸ Eico mulesunga amafunde yonse ayondemikonkomesha lelo, pakuti mukose, na ukwingila na ukukwata impanga iyo muleya kwata, ⁹ elyo imwe pakuti mwikale inshiku ishingi mumpanga iyo Yawe alapile kuli bashinwe ukupelwa kuli bene na kulupwa lwabo, impanga iilefumya umukaka no buci. ¹⁰ pantu impanga, muleya muku kwata, taili nge panga Egupiti, iyo mwafumineko, umo mwaletanda imbuto shenu nokutapila kumakas yenu, nge bala lya musalu; ¹¹ Lelo impanga, iyo muleya mukukwata, ni mpanga ya mpili ne nika, no kunwa amenshi yamfula ya mu muulu, ¹² impanga iyo Yawe Lesa wenu amisungila; amenso yakwa Yawe Lesa wenu yabafye pali yena, ukufumafye pakutampa kwamwaka napa kufua kwamwaka. ¹³ Fikacitika, ngacakuti mwaumfwa bwino bwino ku mafunde yandi ayo ndemikonkomesha ilelo, ukutemwa Yawe Lesa wenu noku mubombela nomutima wenu onse no mweo wenu onse, ¹⁴ Ukuti akamipela imfula mumpanga yenu panshita yaiko, imfula yakabangila nemfla yakulekelesha, mukalonganike ingano shenu, umwangashi wenu namafuta yenu. ¹⁵ Nkamupela icani muma bala yenu nefitekwa fyenu, naimwe mukalya na ukwikuta. ¹⁶ Cenjeleni kuli imwe mwebene ukuti imitima yenu ibelelekwa, icakuti mwafuma munshila mwalapepa tu lesa tumbi nokula tufukamina; ¹⁷ ukuti ubukali bwakwa Yawe tabu ponene pali imwe, ukuti tesele imyulu ukuti kwiba imfula, na impanga ikatwala ifisabo fyafiko, nikutila imwe mwafwa bwangau ukufuma mumpanga iisuma iyo Yawe Lesa wenu alemipela imwe. ¹⁸ Eico mubike amashiwi yandi mumitima yenu na kumweo, lengeni yabe ngecishibilo pampanga yenu, na ukuleka yakakwe pakati ka menso yenu. ¹⁹ Imwe mukale sambilisha kubana benu nokulanda pali bena ilyo mwikele mung;anda yenu na pampongolo ya minshi yenu, ²⁰ Mukayelembe paminshi ya mayanda yenu na pa mpongolo ya minshi yenu, ²¹ Ukuti inshiku shenu na inshiku shabana benu shikafule mumpanga iyo Yawe alapile kufkolwe fyenu ukupe la bena pantu nge fyo imyulu yaba pamulu wesonde. ²² Pantu nga mwakulasunga bwino-bwino amafunde yonse ayo ndemikonkomesha imwe, ngefyo mwingacita imwe, ukutemwa Yawe Lesa wenu, ukwenda munshila shakwe shonse, nokulambatila kuli ena, ²³ Elyo Yawe akatamfya uluko lonse ukufuma pali imwe, naimwe tamwakashikwate inko ishi kalamba neshamaka ukucila pali imwe mwebene. ²⁴ Ponse pesonde apakanyanta ulukasa lwenu pakaba penu, ukufuma kumatololo ukufika ku lebanone, ukufuma kumumana, umu mana wa Yufrate, ekukaba umupaka wenu. ²⁵ Takuli umuntu nangu umo uukeminina pantashi yenu. Yawe Lesa wenu akatambika umwenso pali imwe no kutinya pali imwe napa mpanga yonse iyo mulenyanta, ngefyo alandile kuli imwe. ²⁶ Moneni, ndebika pali imwe lelo ipaalo ne citipu: ²⁷ Ipalo, ngacakuti mwaumfwila ifipope fyakwa Yawe Lesa wenu ifyo ndemyeba lelo, ²⁸ na icitipu nga cakuti tamule umfwila amafunde yakwa Yawe Lesa wenu, lelo fumeni munshila iyo ndemikonkomesha lelo, kabili ukukonka tulesa tumbi. ²⁹ Fikacitka, ilyo Yawe Lesa wenu akamileta mumpanga umo mukaya kwata, muka buke nepalo palupili lwa Gerisimu, necitipu palupili lwa Ebali. ³⁰ Tafili bushilya bwa Yodani, ku nshila ukuwila akasuba, mumpanga yabena kanaani abekala Araba, apalungatana Gilgali, mupepi ne miti yakwa More? ³¹ Pantu muleabuka Yodani ku kwingila nokuyapoka impanga iyo Yawe Lesa wenu alemipeela, na ukucipoka nokwikalamo. ³² Mulesunga ifipope nobupingushi ubo nabika pantanshi yenu ilelo.