¹ Namwene shikulu naiminina pambali yacipailo,kaliatile,'' umapamulu wafyakushintililako epakuti iminshi itenkane. Utobe fyena mutupimfya tupimfya pa mitwe yafiko fyonse, kabili nkepaya ifyakukekelsha fyonse kulupanga. Tapakabe nangu umo pali bena uukafumapo; nangu umo pali bena takafulumukepo. ² Nangu baimba ukufika na inshishi, kulya kuboko kwandi kukababula bena. Nga banina bayafika ku mulu, kulya nkabatentemusha. ³ Ngabayafisama pa mulu wa Karmele, kulya nkabafwaya nokubabula bena. Ngabafisama ukufuma pa menso yandi panshi yabemba, kulya nkakonkomesha icisoka nokuti cikabasume. ⁴ Nga baya muli bunkole, batwalwa pa cinso cabalwani babo, kulya nkabapela kulupanga, nokuleka lukabepaye bena. Nkalosha amenso yandi pali bena kukuleta ubukali tebusuma iyoo.'' ⁵ 'Shikulu Yawe umwine wamabumba ekata impaanga nokuisungulula; nabonse abaikalamo bakalila; naconse cikema ngo mumana, nokwibila nakabili kwati mumana waku Egypto. ⁶ Niena uukula ifyakunyantapo fyakwe mumyulu, nokushimpa icikulwa cakwe cibe pe sonde. ewita amenshi yamuli bemba, nokuyetulwila mu lwelele lwe sonde, Yawe eshina lyakwe. ⁷ ''Bushe tamwaba nga bantu baku Kushi kuli ine, mwe bana bakwa Israele uku ekupingula kwakwa Yawe teine naletele Israele ukumufumya mu calo ca Egypto, naba Pelishiti ukufuma ku Kaftore, nabena Aramu ukufuma ku Kiri? ⁸ Mona, amenso yakwa shikulu Yawe yali pabufumu bwa lubembu, kabili nkabonaula ukufuma pa menso ye sonde, ukufumyako icakuti nshakonauleko ingánda yakwa Yakobo uku ekupingila kwakwa Yawe. ⁹ Mona, ndekonkomesha, kkabili nksunkanya nabangánda yakwa Israele muli shonse inko, ngefyo umo asunkanya ingano mulupe, icakuti nangu kalibwe akacepesha takakapone panshi. ¹⁰ Nabonse ababembu babantu bandi bakafwa kulupanga, abo abatila, 'Ububi tabwakatucilile nangu ukutupalamina.' ¹¹ Mubushiku bulya nkemya itenti lyakwa Davidi ilyawa nokwisala ifipunda fyaliko, nkemya nefibolya nokufikula cipya cipya ngefyo fyali mu nshiku shakale, ¹² pakuti bapoke nabashalapo mu Edomu, ne nko shonse ishita pe shina lyandi uku ekupingula kwakwa Yawe efyo acitile. ¹³ Lolesha inshiku shileisa efyo atila Yawe ilyo ulimina kuli pulao akatangilila uulesombola, nowakunyantaula mu myangashi akatangilila uulebyala imbuto. Ne mpili shikalatonya umwangashi uwalowa, notupili tonse tukesushiwa nao. ¹⁴ Nkababwesha ukubafumya muli bunkole abantu bandi mu Israele. Bakakula ne misumba iyali ifibolya nokwikalamo nokubyala amabala ya myangashi nokunwa imyangashi yabo, nokupanga umwakulima nokulya ifisabo fyabo. ¹⁵ Nkabyala bena pa mpanga yabo, kabili tabakafumishiwepo nakabili pa mpanga iyo nabapele bena,'' efya tila Yawe Lesa wenu.