¹ Solomoni umwana umwaume wakwa Dabidi atwalilile ukukoselako mu kutungulula kwakwe, na Yawe Lesa wakwe ali nankwe, kabili amucitile uwamakanganshi. ² Solomoni alandile amashiwi kubena Israeli bonse, kuli mushika pa bantu amakana na pa bantu imyanda, nakuli bakapingula wamilandu, na kuntungulushi shonse isha mu Israeli, ne ntungulushi shabashifwe banayanda. ³ Elyo Solomoni na lonse ulukuta lwalongene pamo nankwe baile ku ncende iyali ku Gibeoni, pantu kulya ekwali icikulwa ca ku kumaninako ica kwa Lesa, ico Mose umubomfi wakwa Yawe, apangile mu matololo. ⁴ Nomba Dabidi amusendele ku mbokoshi yacipangano cakwa Lesa ukufuma ku Kiriati Yearimu noku citwala ku cifulo ico Dabidi acipekanishishe, pantu acipangilile itenti mu Yerusalemu. ⁵ Mukulundapo, icibumbili celambo ca mukuba ico bapangile ku Besalele umwana umwaume mwana Uri mwana Huri ali kulya pantanshi ye ema yakwa Yawe; Solomoni nabalongene baileko. ⁶ Solomoni aile palya pa cibumbili celambo camukuba pacinso cakwa Yawe, icali mu cikulwa cakukumaninako, kabili epo atuulile imitulo yakoca ikana limo. ⁷ Lesa amonekele kuli Solomoni bulya bushiku kabili atile kuli ena, ''Ipusha! Cinshi ulefwaya ine nkupele?'' ⁸ Solomoni atile kuli Lesa, ''Niwe walebgile icikuuku icikalamba nganshi kuli Dabidi tata wandi, kabili ninmwe mumbikile pa bufumu pacifulo cakwe. ⁹ Nomba, Yawe Lesa, lekeni ubulayo bwenu kuli Dabidi tata bufikilishiwe, pantu nimwe muncitile ukuba imfumu pa bantu bafula ifi ngolukungu lwa pesonde. ¹⁰ Nomba mpeleni amano no kwishiba, pakuti ndetungulula aba bantu, pantu ninani uwingapingula aba bantu benu, abafula ifi?'' ¹¹ Elyo Lesa atile kuli Solomoni, ''Pamulandu wa kuti ici ecili mu mutima, kabili pamulandu wakuti taulombele ifyuma, ubukankala, no mucinshi, nelyo umweo kuli abo bakupata, taulombele ne nshiku ishingi, leelo walomba amano no kwishiba we mwine, pakuti uletungulula abantu bandi abo nakusontelepo ukuba imfumu, neci eco ine nkakucitila. ¹² Nomba nalakupela amano nokwishiba ndekupela ifyuma, no bukankala, no mucinshi ndekupela ifyo imfumu shonse shishatalile ashikwata, kabili ifyo imfumu yonse iikakonkapo ishakatale aikwata.'' ¹³ Eico Solomoni aishile ku Yerusalemu ukufuma ku ncende shapa mulu isha mu Gabeone, ukufuma pantanshi ya cikuulwa cakukumaninako, no kutwalilila ukuteka abena Israeli. ¹⁴ Solomoni akolonganike amaceleta nabakabalwe, akwete amaceleta ikana limo ne myanda ine na bakabalwe amakana ikumi na yabali ifyo abikile mu misumba ya maceleta, kabili umwine, imfumu mu Yerusalemu. ¹⁵ Imfumu ya pangile silbere na golide ukufula mu Yerusalemu kwati mabwe, kabili Yalengele imbao shamu Kedari ukula kwati mitiya mikunyu iyali mu mipokapoka. ¹⁶ Kwali bakabalwe abo Solomoni alefumya ku Egypto na Kue, bashimakwebo abalefuma Kue balebashita. ¹⁷ Balebaleta ukufuma ku Egypto iceleta lyaleshitwa pa ndalama sha silbere imyanda mutanda, na bakabalwe uwaleshitwa pandalama sha silbere umwanda umo na makumi yasno kabili balebatuma kushamfumu shonse isha bena Hiti ne sha ku Siria.