¹ Ilyo imfumu Davidi yakotele nobwingi bwa myaka kabili bamufimbile amalangeti, lelo takabile. ² Kabili ababomfi basosele kuli ena; Natufwaye umukashana umwaice uushaupwapo uwamfumu shikulu. Lekeni aletangata imfumu no kuisunga. Lekeni alale mumaboko yakwe pakutila shikulu imfumuyesuinga kaba.'' ³ Kabili bafwaile umukashana umusuma mulya mwine mumipaka yonse iya Israele. Elyo basangile Abishagi umwina Shunemu nokumuleta ku mfumu. ⁴ Umukashana ali uwayemba. Atangete imfumu nokuisunga, lelo imfumu tayamwishibe. ⁵ Pali ilya nshita, Adoniya mwana Hagiti aitumine umwine nokutia, ''Ndi nokuba imfumu.'' Kabili aipekanishishe umwine amaceleta nabaume abakuninapo nabantu amakumi yasano abakubutuka ukumutangilila. ⁶ Wishi tatalile ukumucusha, ukusosa ukuti, '''Cinshi wacitila ifi nangu filya?'' Adoniya nakabili ali umuntu umusuma, afwelwe ukukonka pali Abishalomu. ⁷ Balyampene na Yoabu mwana Seruya na Abiatari shimapepo. Bakonkele Adoniya nokumwafwa. ⁸ Lelo Sadoke shimapepo, Benaya mwana Yehoyada, Natani kasesema, Shimei, Rei, nabaume impalume abali kuli Davidi tabakonkele Adoniya. ⁹ Adoniya apele ilambo lya mpaanga, ing'ombe, notuombe utwaina kucilibwe ca Sohelete, icali lub ali En-rogele. kabili alalike bamunyina, abana ba mfumu nabonse abaume baba mu Yuda, ababomfi ba mfumu. ¹⁰ Lelo talalike Natani kasesema, Benaya, abaume bamaka nangu munyina Solomoni, ¹¹ Elyo Natani alandile kuli Batisheba nyina wakwa Solomoni, ukutila, ''Bushe tawaumfwile ukuti Adoniya mwana Hagiti aliba ni mfumu, na Davidi shikulu wesu taishibe?'' ¹² Nomba leka nkupandeko amano, pakutila upusushe ubumi bobe nobumi bwa mwana mwaume obe Solomoni. ¹³ Kabiye ku mfumu Davidi; nokutila kuli ena, ''Shikulu wandi imfumu, Bushe tamwalapile ku babomfi benu, ukutila, ''Icinefye Solomoni umwana mwaume obe eukapyana panuma yenu, kabili akekala pacipuna candi?'' Cinshi nomba Adoniya atekela?'' ¹⁴ Ilyo uli kulya ulelanda ne mfumu, ndinokwisa panuma yobe nokushininkisha amashiwi yobe.'' ¹⁵ Kbili Batisheba aingile mumuputule wa mfumu. Imfumu yali iikote, na Abishagi umwina Shunamu alebombela imfumu. ¹⁶ Batisheba alekontama panshi nokulanga umucinshi kuntanshi ya mfumu. Elyo ne mfumu yatile, '' Cinshi ulekabila?'' ¹⁷ Elyo atile kuli ena, ''Weshikulu, mwalapile kubabomfi benu abakwa Yawe Lesa wenu, ukutila, ''Icinefye Solomoni umwana mwaume obe ali nokuteke panuma yobe, elyo akekala na pacipuna ca bufumu.'' ¹⁸ Nomba, moneni, Adoniya ali ni mfumu, naimwe, mwe shikulu imfumu, tamucishibe. ¹⁹ Apele ilambo lya ng'ombe ishingi, notuombe utwaina, na impaanga, nokulalika bonse abana baume ba mfumu, Abitari shimapepo, na Joab kapitao wafita, lelo talalikeko Solomoni umubomfi wenu. ²⁰ Nga imwe, mwe shikulu wandi imfumu, amenso yabonse abena Israele yali pali imwe, ukulolela imwe ukubeba uuli nokwikala pacipuna ca bufumu panuma yenu, shikulu wandi. ²¹ Limbi cikacitika, ilyo shikulu imfumu ikalala nabawishi, elyo ine nomwana mwaume wandi Solomoni tukaba nga abamilandu.'' ²² Elyo acilifye alelanda ne mfumu, Natani kasesema alishileingila. ²³ Nababomfi balandile ne mfumu, Natani kasesema ali kuno.'' Ilyofye aishile kuntanshi ya mfumu, akonteme panshi pantanshi ya mfumu necinso cakwe panshi. ²⁴ Natani atile, ''Mweshikulu imfumu, mwalandile ukuti, 'Adoniya akamipyana panuma yenu, alinokwikala pacipuna ca bufumu bwandi?'' ²⁵ Pantu naya lelo nopanga ilambo nempendwa iikalamba iya ng'ombe, notwana twa ng'ombe ishaina, ne mpaanga nalalika bonse abana baume ba mfumu, kapitao wafita, na Abitari shimapepo. Balelya nokunwa pantanshi yakwe, nokutila, ''Atwalilile ubumi imfumu Adoniya.'' ²⁶ Lelo nga ine, nemubomfi wenu, Sodoke shimapepo, Benaya umwana mwaume wakwa Yehoyada, nomubomfi wenu Solomoni tatulalikeko ifwe. ²⁷ Bushe mwe shikulu imfumu mupanga ici ukwabula ukutweba ifwe, ababomfi benu, uuli nokwikala pa bufumu panuma yakwe?'' ²⁸ Elyo imfumu Davidi yaaswike no kutila, ''Iteni Batishaba abwele kuli ine.'' Alishile muceni ca mfumu nokwiminina pantanshi ya mfumu. ²⁹ Ne mfumu yapangile umulapo nokutila, ''Yawe abe umumi uwandubwile ukufuma mumafya yonse, ³⁰ ngefyo ndapile kuli imwe pali Yawe, Lesa waba Israele, ukutila, ''Solomoni umwana mwaume wenu akamipyana panuma yenu elyo ali nokwikala pa bufumju mucifulo candi,' ndi nokucita lelo.'' ³¹ Elyo Batisheba akonteme panshi nokubika impumi yakwe panshi nokulanga umucinshi ku mfumu nokutila, ''Mwe shikulu imfumj Davidi mube nobumi umuyayaya.'' ³² Imfumu Davidi yatile, '' Nkutileniko Sadoke shimapepo, Natani kasesema, na Benaya umwana mwaume wakwa Yehoyada.'' Ilyo baishile pantanshi ya mfumu. ³³ Ne mfumu yatle kuli bena, ''Sendeni pamo naimwe ababomfi bakwa shikulu wenu, nokukwata Solomoni umwana mwaume wandi ukunina pa fwalashi yandi nokumusenda ena ku Gihone. ³⁴ Lekeni Sadoke shimapepo na Natani kasesema amusube ukube mfumu pali Israele nokulisha amasese nokutila, '' ³⁵ Na pakwisa mwise nankwe pakuti eo ese ekale pa cipuna candi no kwamba ukuteeka. Nimusonta ukuti abe mfumu ya calo ca Israeli elyo na Yuda.'' ³⁶ Benaya mwana Yehoiyada ayasuka imfumu ati, ''Ameni! Lekeni Yawe, Lesa wakwa kanabesa imfumu yandi, asuminishe icacitwa. ³⁷ Ngefyo Yawe ali na kanabesa imfumu yandi efyo abe na kuli Solomoni, no kulenga icipuna cakwe cikwatishe amaka ukucila na pa cipuna cakwa kanabesa imfumu Davidi.'' ³⁸ Awe Sadoki shimapepo, Natani kasesema, Benaya mwana Yehoiyada, abena kereti na bena peleti baima baya bika Solomoni pali punda wa mfumu Davidi bamushindika na ku Gihoni . ³⁹ Sadoki shimapepo epakubuula amafuta ayali mu lusengo ukufuma mwitenti lyakwa Lesa no kusuba Solomoni. ⁴⁰ Elyo baisa lisha ne penga na bantu bonse baisa punda abati, ''Abe no mweo uwamuyayaya imfumu Solomoni. Elyo na bantu bonse baima bayamba no kumukonka, balelisha imitolilo no kusekelela ukukalamba icalengele nokuti umushili usunkane pa mulandu wa ciunda. ⁴¹ Cilyafye baba mukupwa ukulya, adoniya na bantu bonse abo aitile ku mutebeto baumfwa ificitike. Nomba Yoabu pakumfwa iciunda ce penga epakwipusha ati, ''Bushe icongo conse icileumfwika mukati ka musumba cilolele mwi?'' ⁴² Lintu Yoabu talapwisha no kulanda, yonatani mwana Abiyati shimapepo afika apo bali. Adoniya.'' ⁴³ Yonatani ayasuka ati, ''Awe iyoo! Icilipo kutila kanabesa imfumu davidi isontele solomoni ukuba imfumu. ⁴⁴ Imfumu itumine pamo nankwe sadoki shimapepo, natani kasesema, Benaya mwana Yehoiyada, abena kereti elyo na bena peleti, ebaciya nankwe, nabamuninika na pali punda wa mfumu. ⁴⁵ Elyo sadoki shimapepo na bantu bonse mu musumba nabaponenamo. kanshi e ico congo muleumfwa. ⁴⁶ Ne cikulishepo nomba cakuti Solomoni naya ikala na pa cipuna cabufumu. ⁴⁷ Elyo na bacilolo bonse aba kwisano nabesa mukutasha kanabesa imfumu Davidi abati, 'cawama Lesa obe alenga ne cipuna cakwa solomoni cikwatishe amaka ukucila icipuna cobe. 'Nayo imfumu yakontamika icinso ninshi ili pa musengele yatampa ukutepa. ⁴⁸ Akonkanyapo no kupepa ati, 'Napaalwe na matotelo Yawe, Lesa wakwa israeli, uwasuminisha ukuti amenso yandi yamone uwakwikala pa cipuna candi ilelo.' '' ⁴⁹ Pakumfwa ifi fyonse abantu bonse abo Adoniya aitile baikatwa no mwenso,na bonse epakwima basalangana. ⁵⁰ Lelo Adoniya pa mulandu wakutiina Solomoni, aima ayakonena ku nsengo sha ku bulambo. Adoniya asumina ubufumu bwakwa Solomoni ⁵¹ Elyo solomoni baisa mweba abati, ''Munonko alekutiina pakuba imfumu. ena nabutuka ele konena na ku nsengo shabulambo eko ekele. Alandile nokutila, 'Ndefwaya imfumu solomoni ilape kuli ine ukuti tayakanjipaye ku lupanga.' '' ⁵² Solomoni epakwasuka ati, ''Nga cakuti ali nokuilanga ukuba umuntu wine, takwakafume umushishi nangu umo ku mutwe wakwe ukuponena panshi, lelo nga cakuti ububifi bwasangwa muli ena ninshi lyena ali nokufwa.'' ⁵³ Elyo imfumu Solomoni yatumine abantu, nabo baya musenda bamuleta ukufuma ku bulambo. Adoniya epakwisa ku mfumu Solomoni aisa konkamika umutwe no kutota. nao Solomoni ati, ''Kabiye kumobe.''