¹ Nyaai mong katare-tare ninjil Yesus Kristus, oki ni Empung, ² Tanu nyai patik witu bur nabi Yesaya : Lohone, nyaku mewehe si parehoku rumior nikou, nisia si sumiap lalan wia nikou, ³ Wewehan si mengila-ngilaamei witu padang rembet, siapenako lalan wia si Empung, siwonako lalan tiin rendai, ⁴ Niitu si Yohanes malendem se tou-tou witu padang rembet, wo si mahotbah palendem matobat, wehe nampungan ndosa. ⁵ Wo pakasaan se tou Yudea, wo pakasaan se tou Yerusalem maiwitu si Yohanes. Sia si malendem se tou tu salu yordan, wo sea mangakumei ndosa pasiwon nea. ⁶ Yohanes si minake mbuuk ni unta wo wewenterem kuli nyai kulilitei witu rerehen nana. sia si makan se koropit wo madu ntalun, ⁷ Yohanes mahotbah wo maila: Tumondongei nyaku si mangemai si tou, wo nisia si kasa kuasa taan nyaku, matutuutukete wia nisia, nyaku raai toro, wo maweweta-ate ntali selopena, nyaku ndaai toro, ⁸ Nyaku, kumalendem nikau ondano, taan nisia, si lumendem nikau kaampit Roh kudus. ⁹ Wo mamuali witu nendo-nendo niitu, Yesus si minai witu nasaret, wilayah galilea wo sia lendem ni Yohanes witu salu yordan. ¹⁰ Kaondol namei witu gorem dano, kalohoang ni Yesus, Langit minawuka wo si Roh si minasar tanu si burung merpati, minai witu natas ena, ¹¹ Wo lingane wewehan si mailaamei wana surga; nikou, kou oki kaupus eku, wiate nikou nyaku mapaar. ¹² maapu mako niitu, wo si Roh mali si Yesus witu padang rembet. ¹³ nisia witu padang rembet epat ngapulu ngaendo, wo sia waawaan ni iblis, Yesus si witu nuner ne tayapo-tayapo lewo, wo se malaikat-malaikat se maselewir nisia. ¹⁴ Untep nae mako si Yohanis witu bui, Yesus mange witu mbanua galilea, mahabar ni injil ni Empung. ¹⁵ sia lumila ; "lekepou nendona, karajaan ni Empung tawimong, matobatou wo emanenong ni injil". ¹⁶ Yesus si mangelang makiit lilik lour galilea, sia kalohome si simon wo andreas patuarina, se malombo witu lour ka nisea se melour masero sera ¹⁷ wo Yesus lumila wia nisea ; kumiit nyaku, nyaku ku sumiwo nikau mamuali melombo se tou. ¹⁸ Simon wo si Andreas, mehete timelaau mako lolombo nea wo sea kumiit nisia ¹⁹ kumelangako kahai sia, sia kalohoanamako si yakobus, oki ni zebedeos wo si Yohanes patuarina. sewitu natas londei, se matuutul lolombo nea. ²⁰ wo Yesus tumowa mako nisea ndua wo telaau nea mako si papa nea, zebedeus witu londei, kaampit se tou mamaayang witu se pawaeran wo seandua mange kumiit si Yesus. ²¹ wo sea kaayomako witu kapernaum, wo niitu nari sabat, Yesus muntep witu sinagoge kaampit mahajar ²² nisea se maerang malinga najaran na, ka nisia si mahajar tainute si tou winehanei kuasa, ndaai tanu se ahli-ahli taurat ²³ tu nendo niitu, tu sinagoge, wewehan si tou si niuntepan ni roh lewo, wo sia marekei, ²⁴ pailaana : sapa nurusanu o nikai? kailekangku sei kou, nikou kou kudus wana si Empung omai. ²⁵ taan si Yesus rimekak nisia, limila : "menes, mondolei kou wia si tou yaai" ²⁶ mondolei si roh lewotiin, wo magoogo nisia, kaampit maila marekei tare sia mondolei si roh lewo tiin tu si tou tiin ²⁷ Pakasaan nea se maerang, wo sea memoi-moian esa wo si esa, maila sapamong nyaai? najaran weru pakaampiten kuasa nisia si maperenta se Roh-roh najis tiin, wo sea makiit prenta na. ²⁸ wo repet karengan nahabar yaai siniwona, kinalingaan ne tou-toumakar witu pakasaan wanua galilea ²⁹ Kawawareng ni Yesus wo se murio-murio ena tumelaau mako sinagoge sea muntep witu mbale ni simon wo si andreas mawali-wali si yakobus o si yohanes ³⁰ taan si manohang wewene ni simon si sakitan damang, wo tu sirita nea mako tu si Yesus ³¹ wo si Yesus mako tu nisia, tumimbomei lawasena sawanga namei tumoor, niitukan kahai damangena mehete nyai kaliong tu si wewene tiin. ³² mawengi mako, siendo si minuntepou, wo alinea tu si Yesus, pakasaan ³³ tumondong niitu, pakasaan se tou kota merur witu pepenet bale tiin, ³⁴ Yesus limeos se laker tou sakitan, witu se minalae-laengan sumakit wo mahure se laker setang. taan nisia malarang se setang-setang tiin maila, ka nisea se makailek nisia ³⁵ momdondope karengan, raaipe minondol siendo, Yesus timoorou, wo sia mako witu tampa kasindekan, wo sia sumombayang witu. ³⁶ wo, simon ose tou-tou witu mawali-wali nisia mako sumero si Yesus, ³⁷ kaindoan nea mako si Yesus, osea lumila : pakasaan setou masero nikou ³⁸ Yesus limila : maimong ta mako witu kota-kota tawi wiay, rior nyaku toro mehe khotbah witu se tou-tou witu. ka nyaaimong patoroangku nyaku minai. ³⁹ niitu, Yesus kimelangou witu pakasaan galilea. Nisia si mahabar firman tu sinagoge-sinagoge wo mahure se setang-setang. ⁴⁰ wo wewehan si tou si sakitan kusta mai tu si Yesus, sia si makiupus wo kumundu tu nisia kaampit limila : " sa kou paar, nikou toro lumeos nyaku" ⁴¹ ka kinawehan nupus, wo Yesus mehe mako lawas ena wo tumempingako si tou tiin kaampit limila : "nyaku paar, maleos kou" ⁴² niitukan sumakit kustana kaliong, wo si tou tiin minaweresi. ⁴³ Yesus rumeho si tou tiin, mange, wo ngumeenge mako karengan. ⁴⁴ sia lumila tu nisia : " tia pengila-ngila sapa-sapa witu se tou-tou sei, sasapa minamuali yaai, taan akonong papa loho nawakemu witu se imam, wp mehemako persembahan kurban ka kou minaleosou tanu nyai prenta ni musa, mamuali esa wewerenan wia nisea. ⁴⁵ taan, si tou tiin mange wo mahabar witu pakasaan se mahilekan o nisia, si raai masinde-sindek taan witu sinaru ne tou laker niitumong, si Yesus si raaimong toro muntep, kalolohoan tungkota taan minenaate witu luar, witu kasindekan. taan, se tou-tou se raaimong kailekan wisa sea mai, se mangai te wia nisia.