Pasal 1
Sighi Wo Lolooren Witu Si Gayus
1
Wia se penatua mako witu si gayus kinaupusan, si kaupuseku tu nggorem kaulitan.
2
Patuari kou kaupuseku, nyaku masombayang nikau maleo - leos waya witu sapa - sapate, satoro nawak - emu raai sakitan, tanuakao kahan si mukur - emu maleo - leos.
3
Ka nyaku mapaa - paar ka rengan witu se patuari - patuari mai wo sumairi kumura kaulitan niu, kumura witu niram tumou tunggorem kaulitan.
4
Nyaku ku raai wana si kapaaran lumembemako liminga nikau oki - oki - iku, makelang leos wita kaulitan.
5
Patuari kaupuseku, nikau minaayangou tu kasetiaan witu pakasaan pasarun niu tu se patuari - patuari maane seo tou wauna raai kakenalan.
6
Nisea se simairi mong kumura kaupusan niu tu sinari ne jamaat. nikau - kau sumiwo geleos sa sumawangko nisea tu pakecangan nea, kaampit pasiwon tu kapaaran ni empung.
7
Ka nisea se minange mong kangaran tiin, wo raai timerima sapa - sapa wita se tou raai mapercaya.
8
Niitumong, nikita ta sumawang se tou - tou tanu nisea makar kita mamuali kaampit tu pacayanan kaulitan.
Diotrefes Wo Demetrus
9
Nyaku kuminatiko mako surat witu sejamaat, taan diotrefes si paar mahangkat nawakena tunantara nea si tia tumerima nikai.
10
Niitu mong saaku mai, nyaku kumenae gegenangen wia nisia tu peniwo - niwona, si ma fitnah nikai, kaampit maila lewo. ndaai niitu, nisia kahai tia tumerima se patuari - patuari se minai, wo lumarang nisea se paar tumerima se patuari - patuari tiin wo kumucil nisea tu se jamaat.
11
Patuari kaupuseku, tia kau macontoh gelewo taan geleosete.setou masiwo geleos witu si empung omai, taan sitou masiwo lewo si raape limoho si empung.
12
Pakasaan se tou simairimong geleos kumura si demetrius, wo kahai kau litan masairi taintu nikai kahai masairi wo kailekan niu ka.
Sighi Kaapuan
13
Lakere paar papatike wia nikau, taan nyaku raai mapaar mapatik wia nikau, kaampit pena wo tinta.
14
Nyaku magenang mai mahilekan o nikau rise yaai, wo ta sumirita masaruan gio onggio.
15
Dame sejahtera wa nikau, kaampit - kaampit wia minehemei sighi wia nikau. pemehe - mehe mako kahai sighi nai witu se patuari - patuari waname