¹ Cakaacita mu kufwambana nipakainda ciindi,Jesu waka bweza lweendo kuya mu dolopo a muminzhi ishiyene shiyene,kukambauka a kutola makani mabotu a bwami bwa Leza. Bali ikumi abobilo balinga a nguwe, ² Abamanakazhi bamwi bakaponezhiwa kumyuya ibyabi a malwazhi: Maria walinga kitwa magadalena, walo waka gushigwa ma daimona ali ciloba; ³ Joanna ,mukaintu wa cuuza ,munene wa bacinto ba herodi ;Suzanna ;abamwi banji , balo kwindila mubuvubi bwabo ,bakagwashilizha a zhoonse nzhibalinga kuyanda. ⁴ Ibbunga inene ni jalinga ku bungene ,abantu balinga kuza kuli nguwe kuzwa mu dolopo a dolopo , wa kaamba mukozhano: ⁵ " Mulimi wakaya bushanga imbuto. nakali kushanga ,zhimwi mbuto zhaka lokela kumbala nzhila alimwi zhakalytwa,a zhiyuni zhaka zhilya. ⁶ Zhimwi zhakalokela pamabwe ,alimwi mukufwabana ni zhakakomena,zhakayuma kaambo zhaka bula muzhiwe. ⁷ Zhimwi zhaka wila pa mwivwa, alimwi mwivwa yakakomenena pantu pomwi a imbuto a kuzhiyasa. ⁸ Pele zhimwi zhaka lokela pabulongo bubotu a kutola micelo zhibazha zha mwaanda. "Jesu nakamana kwaamba zhintu izhi ,wakaita "ucite matwi akunvwa ,avwe." ⁹ Basishiciya bakwe bakamubuzha mukozhano oyu nciwalikwamba: ¹⁰ Wa kaamba, " Luzhibo lwa maseseke a bwami bwa Leza lwapegwa kulindimwe ,pele kuli bamwi ndaamba mu mukozhano, kwaamba kubona ka bataboneshishi alimwi kuvwa kabatanvwishi. ¹¹ Ono nciwalikwamba mukhozano: ceci imbuto ndizwi lya Leza. ¹² Zhalo zhili mumbali a nzila mbabo ba kanvwa , pele ono satani waza a kubweza lizwi kuli kusha mumyoyo yabo kwaamba batashomi a kufutulwa. ¹³ zhalo zhili a mabwe mbabo ,ba nvwa lizwi , balalitambula cakukondwa. peletabacite miyanda; bala shoma muciindi cishonto,alimwi muciindi ca masukusho balawa. ¹⁴ Imbuto zhaka lokela pa mwivwa mbantu balo banvwa lizwi , pele nibaya mulwendo lwabo, balayaswa a mizeezo a buvubi a kulibotezha kwa bumi bobu, alimwi miceelo yabo taipi. ¹⁵ Pele imbuto zhaka wila pabulongo bubotu aba mbabo balo ba ,nvwa lizwi aku shomeka a moyo mubotu , kujatisha ca kuzobola alimwi a kuzhala miceelo nkambo ka kuzumanana. ¹⁶ taaku unyansha lilampi a kuli vunika a intumba na kulibika munshi ya bulo.pele ,ulalibika pacibikilo ca lilampi kwamba ulionse unjila nga wabona mumuni. ¹⁷ nkambo kwiina chisisema byonse bilakabonya,na maseseke ayakuyuba aku bonekela atuba. ¹⁸ nobantu amutelelesha kabotu ,nkambo uyo ukwete ,uyakupewa zhyintu zinji kuli nguwe, pele uyo utachite , kalo konse nkayeye ati ulijisi bayo kabweza kuli nguwe."