1 ¹ Jacobo musembezhi wa Leza a wa Mwami Jesu Kilisitu, ku mishobo ili ikumi a tobile imwazhikene:mwanzhingwa! ² Amusekelele nbakwesu,nimushikilwa a makatazho apusenepusene ³ Muzhibe kuti kuelezhewa kwa lushomo lwenu ⁴ Amuleke kuzumanana kwenu kumanizhe incito ya nkuko,kwaamba mushimpe a kumana,kuta bulizha cili coonse. ⁵ Ono na omwi wenu wabulilwa luzhibo amuleke alu lombe kuvwa kuli Leza walo upa caluse akutatapatila oonse ulomba alimwi ulakumupa ⁶ Amumuleke a lombe mu lushomo, kuta ezhezha.kaambo uezhezha ulimbuli inkutisha mu lwenge ienzhewa a muwo a kunzhingulushiwa. ⁷ Kaambo wezo muntu atayeyili kwaambwa ulakutambula cili coonse kuvwa ku Mwami. ⁸ Muntu wabobo uli tashitikile munzila zhakwe zhoonse. ⁹ Amuleke mukwesu mucete ali lumbaizhe kaambo kabusena bwakwe buli pajulu. ¹⁰ Pele muvubi kubusena bwakwe buli panshi,kaambo ulamana mbuli maluba a muaswa mubwizu.Kaambo lizuba lilapola kalitenta a kuyumya bwizu liluba lilawako a bubotu bwalinko bulaloba. ¹¹ Munzhila yenka muvubi ulaka looba akati kalwendo lwakwe ¹² Ulilelekelwe uyuuma masukusho.kaambo akumana kuzunda masukusho ,ulakutambula mushimi wa buumi. ¹³ Mutaleki uli onse ambe na sunkwa ," ndasukwa a Leza'' kaambo Leza tasunkwi abubi naba walo mwiine kusunka uli onse ¹⁴ Pele muntu uli onse ulasunkwa a zhintu zhanyandisha, zhimusenya akumuongelezha. ¹⁵ Ono zhintu zyanyandisha zha zhamitwa zhila zhala bubi, amana bubi bwakomenesha,bulazhala lufu. ¹⁶ Mutacengwa,bakwesu nomuyandwa. ¹⁷ Ciipo ciibotu coonse a ciipo cilindoloshi coonse cilavwa kuzeulu.cilaza panzhi kuvwa kuli tata wa mimuni.kuli nguwe taku ,kucinca na civule kaambo ka kuncincazhuwa. ¹⁸ Leza wakasala kutupa luzhalo a lizwi lya bwini, kwaamba ngatwamba bamushobo wa miceelo yakutanguna ya zhintu zhoonse nzakalenga ¹⁹ Mulizhi ici, bakwesu nomuyanda: Amuleke muntu oonse a fwambane kunvwa kucelwa kwaamba,a kucelwa kukalala. ²⁰ Kaambo bukali bwa muntu tabusebenzili busalali bwa Leza. ²¹ Abobo amusamunune boonse bubi bu sofwene bubazha bubishi. mukulibombya tambula lizwi lishangilwe likonzha kufutula myuuya yanu. ²² Mube bantu bacita lizwi kutashi ba linvwa bo, kulicenga nubeni. ²³ Kaambo na umwi ulanvwa bo lizwi pele taliciti,uli mbuli muntu ulibo na bushu bwakwe mu cimponi. ²⁴ Ulalibona akuya a mukufwambana ulaluba mbwalinga kulibonya. ²⁵ Pele muntu ulanganya kabotu mu bulondoshi bwa mulawo wa lwangulako,akuzumanana kucita mboona,kutababo unvwa akuluba, uyu muntu ulakulelekwa muzhintu zhoonse nzacita. ²⁶ Na umwi ulalitelaikila kuba mukombi pele na takwati mulaka wakwe ulacenga moozo wakwe ,amana bukombi bwakwe tabucitenchinto. ²⁷ Bukombi bu luleme amana butazonaukile kuli Leza wesu a tata waku njovwa banabanshiwa a bamukabafu mu mapenzhi abo a kulibamba kutasombelezhewa abya munyika.