2

¹ А тон вера, шонер визь сётон дышетонлэсь куронъёссэ, дышетонъёссэ.

² Пересь братъёсмы мед соос луозы зӥбытэсь, визьмоесь, юн земос оскисесь адямиосты яратӥсесь, чидасесь.

³ Озьы ик пересь сестраосмы но асьсэосты возьматыны кулэ умоен шонерен гинэ, сьӧлыктэмесь токма кыл нуллыса медаз ветлэ, винаен медаз эшъяське, ваньзэ ӟечезлы гинэ мед дышетозы.

⁴ Визьмано егит бызем кышноосты, дышетоно соосты кызьы яратоно кузпалдэ но пиналъёстэ.

⁵ Тыршоно луыны визьмо, дун но ӟеч лэсьтыны кузпалэныд тупаса, кенешыса улоно, лякыт сямо луоно, сюлмаськоно семьяед понна. Инмар кыл куаретон улэ медаз сюры.

⁶ Озьы ик егит пиосты дышеты, асьсэды мед вӧзьыны быгатозы визьмо.

⁷ Тынад ӟеч ужёсыдлэсь адӟем мед карозы.Дышетонад возьматы дунлыктэ, йыг-йыг кариськы шеко номырид но медаз луы.

⁸ Тынад кылъёсыд мед луозы нокыӵе но янгышъёстэк шонер верамын, нош пумитъяськись возьытэ уськытэмын луоз, асьме сярысь номыре но уродзэ вераны уз ни быгаты.

⁹ Рабъёслы валэкты, кузёоссылэсь кылзӥськоно, тэрыса улоно, мар косӥзы лэсьтыны ваньзэ ӟеч лэсьтоно, пумитъяськоно ӧвӧл.

¹⁰ Эн лушкаськы, оскымон ужа Инмар Утисьмылэн дышетонэз данъяськыны мед быгатоз.

¹¹ Асьмелы вуиз Инмарлэн кужмо яратонэз, гажанэз, жалянэз, кудӥз вань калыкез утёз.

¹² Асьмеосты Со дышетэ куштӥськыны сьӧлыклэсь но, та дуннелэн куронъёсызлэсь куштӥськыны, таяз дауырын улыны визьмо нокыӵе но шектэк, шонер, но Инмарлэсь верам кылзы быдэстыса, оскыса солы.

¹³ Шумпотыса возьмано оскыса, оскиськонмылэсь нуналзэ бадӟым Инмарлэсь утисьмылэсь Иисус Христослэсь.

¹⁴ Со Ассэ сётӥз асьме понна, котькыӵе сьӧлыклэсь асьмемыз мӧзмытыны. Дун-чылкыт кариз Аслыз нимысьтыз калыкез, кудъёсыз ӟыч ужъёс лэсьтыны тыршо.

¹⁵ Ваньзэ тае вера, вань быгатонлыкеныд сьӧлыкъёсэс шарае потты, вера нокин но медаз улы тонэ яратытэк, гажатэк.