12
1
Озьыен, вынъёсы, сюлворыса тӥледыз курисько возе асьтэлэсь мугордэс святостьын, Инмарлы кельшись улонын, но сётэ улондэс Инмарлэн милосердиезъя Солэн служениезлы
2
но та дуннелы адӟем эн каре, воштӥське выльдыса асьтэлэсь йырвизьдэс, валаны быгатэ Инмарлэсь ӟеч, ярамон, совершенной волязэ.
3
Мыным Инмарен сётэм благодатья, тӥ пӧлысь котькуддылы верасько: асьтэ сярысь вылтӥяськыса эн малпаське, нош малпаське востэмлыкен, Инмарлэн сётэм осконэзъя.
4
Уго, одӥг мугорлэн тросс люкетъёсыз, но котькуд люкетлэн аслаз кулэлыкез,
5
озьы ик асьмеос но, трос ӵошен, Христос пушкын одӥг мугор луиськомы, нош котькудмы нимаз ог - огмылы луиськомы люкетъёс.
6
Милемлы сётэм благодатья, асьмеослэн вань пӧртэмесь кузьымъёсмы : вань ке пророчествовать карыны кузьымед - осконэдъя пророчествовать кар,
7
вань ке мукетъёсызлы юрттыны служениед - юрттыса ул, мукетъёссэ дышетыны ке вань - дышеты,
8
буйгатыны ке быгатӥськод - буйгаты, люкыса сётыны ке быгатӥськод - аслыд пайда поттытэк люкылыса сётча, кивалтӥськод ке - кивалты мылысь - кыдысь, ӟеч ужъёс ке лэсьтӥськод - шум потыса лэсьты.
9
Тӥляд яратонды мед луоз сюлмысьтыды. Палэнске лек ужъёслэсь, ӟечез борды лякиське,
10
ог - огдэс ӟыгыръяса - чюпаса яратэ асьтэлэсь вынъёстэс кадь, дыртэлэ ог - огдэс гажаны,
11
мылысь - кыдысь Инмарлы тыршонады эн лябоме, духеныды ӝуаса улэ,
12
буйгатске оскиськонэн, куректонын чидасесь луэлэ, дугдылытэк вӧсяське,
13
Инмарлы оскисьёслэн кулэяськоназы юрттэлэ, куно ӧтьыны котьку дась луэлэ.
14
Тӥледыз уллясьёсты проклинать эн каре нош благословить каре.
15
Шумпотӥсьёсын шумпотэ но бӧрдӥсьёсын бӧрдэ.
16
Куспады одӥг кылысь луэ, вылтӥяськыса эн нош возтэмлыкен рассуждать каре, эн лыдъялэ асьтэос асьтэды визьнодоесь шуыса.
17
Нокинлы но уродлы пумит уродэн эн берыктэлэ, нош сьюлмаське лэсьтыны ӟечсэ калыклы.
18
Тӥ ласянь лэсьтыны быгатоно ке, вань калыкен тупаса улэлэ.
19
Яратоноосы, тӥледыз вӧсь лэсьтӥсьёслы пунэмен эн берыктэлэ, Инмарлэн вожпотонэзлы инты сётэ. Уго гожтэмын:"Пунэмез берыктон Мынам уже, Мон пунэмзэ берыкто, шуэ Кузё - Инмар".
20
Озьыен, тынад тушмонэдлэн кӧтыз ке сюма, сюд сое, сюэз ке куасьме, секта сое: уго тазьы лэсьтыса, тон солэн йыр вылаз ӝуась эгыръёс люкаськод.
21
Уродэн вормемын эн луы, вормы ӟечен уродзэ.