10
1
Иисус быръйиз дас кык дышетскись Аслыз, сётӥз соослы кужым лек пож духъёсты вормыны, соосты улляны но котькыӵе висёнлэсь, быгатонтэмъёслэсь каттяны
2
Апостолъёслэн нимъёссы вал сыӵеесь: нырысетӥез Симон сое нималлязы Пётр, Андрей - солэн выныз, кык вынъёс Иаков но Иоанн Завдеевъёс.
3
Филипп но Варфоломе, Фома но Матфей - налог люкась, Иаков, Алфейлэн пиез но Левий кудзэ нималлязы Фаддей.
4
Симон Кананит но Иуда Искариот, кудыз вузаз Сое.
5
Та дас кык дышетскисьёссэ Иисус келяз но вераз: "Самаритянской каръёсы но мукет калыкъёслэн сюрэсъёстӥзы эн ветлэ,
6
азьло ик мынэлэ бырыны кутскем Израильысь ыжъёс доры.
7
Инмысь Царство туж матын нӥ шуыса вераса ветлэ.
8
Висисьёсты катьтялэ, кулэмъёсты улэп каре, прокажённойёсты дунматэлэ, бесъёсты уллялэ. Дунтэк Мон тӥлед сётӥ, озьы - ик тӥ но дунтэк сётэлэ.
9
Сьӧрады, кускерттонады номыре но эн басьтэ зарни но, азвесь но, ыргон но,
10
сюрес вылэ пуйы но, воштӥськон дӥськут но, боды но эн басьтэ. Инмарлэсь ужзэ быдэстӥсь адями ноку но уз кулэяськы, кӧтыз но пыр тыр луоз.
11
Котькыӵе городэ но гуртэ пыриды-ке юалляське, кин сылымон отын, тодӥды ке отын улэ кошкытозяды.
12
Корка пырыкуды, ӟечбуръяськыкуды вералэ: "Тупаса улон та коркалы".
13
Корка улӥсьёс сылымонэсь ке, тӥляд тупаса улонды соослы кылёз, нош ӧвӧл ке, тӥ доры берытскоз.
14
Нош тӥледды кинке дораз ӧз ке лэзьы, ӧз ке но кылзӥськы, соку кошкыкуды со коркась но городысь, куртке тузонзэ пыдкутысьтыды.
15
Зэм Мон верасько : Судной нуналэ та городлы уродгес луоз, Содом но Гоморра городъёслэсь.
16
Мон тӥледды келясько ыжъёсты киёнъёс полы кадь, кый кадь визьмо кариське, но дыдык кадь простоесь луэ.
17
Сак луэ сыӵе калыклэсь, кудъёсыз тӥледды кутыса судилище нуозы, но жугозы синагогаын.
18
Мынам нимы понна тӥледды нуозы кивалтӥсьёс но царьёс доры, мед тӥ вералоды шуыса соослы но язычникъёслы Мон сярысь.
19
Соос кие сётыкузы, тӥ эн сюлмаське, мар тӥлед вераны соослы. Малыке шуоно тӥлед соку дыръя сётэмын луоз мар вераны,
20
Инмысь Атайдылэн Святой Духэз тӥ понна вералоз.
21
Вын - вынзэ, атай - пизэ виыны сётоз. Нылпиос но анай-атайёссы вылэ пумит султозы но соосты виёзы.
22
Мынам нимы понна адӟемпотостэм карозы тӥледды вань калыкъёс. Нош кин пумозяз чидалоз утиськоз.
23
Куке уллялозы тӥледды одиг городысь, пегӟе мукетаз, Израельлэсь городъёссэ котыр ортчыса уд вуэ, кызьы Адями Пи лыктоз.
24
Дышетскись бадӟымгес ӧвӧл дышетӥсьезлэсь, нош ляльчи кузёэзлэсь.
25
Тырмыт дышетскисьлы, со мед луоз дышетӥсез кадь, ляльчи - кузёэз кадь, Корка кузёэз шуизы ке Веельзевул, коркан улӥсьёссэ но озьы уз шуэ шат?
26
Озьы бере, эн кышкалэ соослэсь, уго номыр но ӧвӧл мае ватыны луоз, мар шарае уз поты, лушкем маке - тодымтэ уз луы
27
Мае тӥледлы пеймытын верасько, югыт азьын вералэ. Нош мае пеляды шыпыртӥсько, проповедовать каре корка липетъёс вылын.
28
Эн кышкалэ соослэсь, кинъёс мугорэз виыны быгато, нош лулэз виыны уг быгато, нош туж зол кышкалэ солэсь кин лулэз но мугорэз но геенаын быдтыны быгатэ.
29
Кык пичи тылобурдоосты уг-а вузало одӥг ассариен? Одӥгез но уз усь музъем вылэ тӥляд Инмысь Атайдылэн воляезтэк.
30
Нош тӥляд йырсиосты йырады лыдъямын.
31
Эн кышкалэ, тӥ ӟечгес трос пичи тылобурдоослэсь.
32
Озьы бере, котькудзэ, кин Монэ тодэмзэ возьматоз калык азьын, сое тодэмме Мон но верало Инмысь Атае азьын,
33
нош кин Монэ тодӥсьтэм кариськоз калык азьын, соку Мон солэсь Инмысь Атае азьын куштӥсько.
34
Эн малпалэ, Мон лыктӥ вайыны тупаса улон дуннее вылэ. Тупаса улон вайыны мон ӧй лыкты. нош ожмаськон пурт.
35
Уго Мон лыктӥ висъяны адямиез атаеныз, нылэз - анаеныз, кэнэз - картэзлэн анаеныз,
36
адямилэн тушмонъёсыз - солэн семья пушказ.
37
Кин яратэ атайзэ яке анайзэ Монэ сярысь троссгес, уг сылы Монэ. Кин яратэ пизэ яке нылзэ Монэ сярысь троссгес, уг сылы Монэ.
38
Кин уг басьты аслэсьтыз кироссэ но мынэ Мон сьӧры. со уг сылы Монэ.
39
Кин лулзэ аслэсьтыз утьыса улоз - ыштоз сое, нош кин Мон понна ыштоз лулзэ - утёз сое.
40
Кин дораз лэзёз тӥледды, Монэ дораз лэзёз, кин Монэ дораз лэзёз, дораз лэзёз - Монэ Келясез.
41
Кин принять каре пророкез пророклэн нимыз понна, пророклэсь данъян кузьымзэ басьтоз,Кин принять каре проповедникез проповедниклэн нимыз понна. проповедниклэсь данъян кузьымзэ басьтоз.
42
Нош кин та покчиос пӧлысь одӥгзэ, дышетскисьлэн нимыз понна, одиг кружка гинэ кезьыт вуэн сектаз ке но, зэм но верасько тӥледлы, аслэсьтыз дуно кузьымзэ уз ышты.