12
1
Пасхалэсь куать нуналы азьло Иисус лыктӥз Вифание, кытысь вал кулэм Лазарь, кудзэ Со кулэмысь улӟытӥз.
2
Отын дасязы Солы ӝыт сион но Марфа служить кариз, нош Лазарь Соин ӵош пукиз.
3
Нош Мария, басьтӥз фунт дуно чылкыт нордовой мира, но зыраз Иисуслэсь пыдъёссэ но ӵушылӥз соосты аслаз йырсиосыныз, корка тырмиз миралэн ческыт зыныныз.
4
Соку одӥгез Солэн дышетскисез, Иуда Искариот, Симонлэн пиез, кудызлэн вузамез потэ вал Сое, шуиз:
5
"Уг-а луы вал та мироез вузаны куинь сю динарийлы но сетчаны начаръёслы?"
6
Нош со озьы начаръёс сярысь сюлмаськеменыз ӧз шуы, нош соин, малыке шуоно со вал вор. Солэн бордаз вал коньдонэн куды, но со лушкем басьтылӥз отысь, мае отчы понылӥзы.
7
Иисус шуиз:"Кельты сое. Монэ ватон нуналлы тае со возиз.
8
Уго начаръёс котьку луозы тӥледын, нош Мон котьку уг луы".
9
Тросэз иудейёс тодӥзы, Солэсь отынзэ, но Иисус доры гинэ ӧз лыктэ, нош лыктӥзы адӟыны Лазарез но, кудзэ Со кулэмысь улӟытӥз.
10
Нош первосвященникъёс чаклазы виыны Лазарез но,
11
со пыртӥ тросэз иудейс лыктылӥзы но оскылӥзы Иисуслы шуыса.
12
Мукет нуналэ, празднике лыктэм трос калык, кылӥзы Иисуслэсь Ирусалиме лыктэмзэ,
13
басьтӥзы финиковой пальмаослэсь вайёссэ, потӥзы Солэн пумитаз но шумпотыса вераллязы:"Осанна! Данъяськы Кузё Инмарлэн нимыз понна лыктӥсь, Израильлэн Царез!"
14
Нош Иисус, шедьтыса егит оселэз, пуксӥз со вылэ, кызьы гожтэмын
15
"Сионлэн нылыз, эн кышка! Тынад царед со бертэ, егит осёл вылын пукыса".
16
Солэн дышетскисьёсыз нырысь ӧз валалэ тае, нош, куке данъяськиз Иисус, соку тодазы вайизы, озьы Со сярысь гожтэмын, но гожтэмья ик лэсьтӥзы Солы.
17
Калык, кудыз Соин вал азьло, вералляз, Со пе поттӥз Лазарез шӧйгуысь но кулэмысь улӟытӥз.
18
Соин ик пумитаз Сое калык, чудо лэсьтэмзэ кылыса.
19
Фарисейёс куспазы шуылӥзы:"Адӟиськоды-а, тӥляд номыре но уг пӧрмы? Вань дунне Со сьӧры мынэ".
20
Куд огез праздник дырья йыбырттыны лыктэмъёс пӧлын грекъёс вал.
21
Соос Филипп доры лыктӥзы, кудыз вал Галилейской Вифсаидаысь, но куризы солэсь, вераса:"Господин! милям Иисусэз адӟеммы потэ".
22
Филипп мынэ но вера со сярысь Андрейлы, но бӧрысь Андрей но Филипп верало со сярысь Иисуслы.
23
Иисус соослы пумитазы вераз:"Вуиз дыр данъяськыны Адямилэн Пиезлы.
24
Зэм ик зэм ик верасько тӥлед:"чабей тысь, музъеме шедьыса, ӧз ке кул, одӥг кылез, нош кулӥз ке, сётоз тросс емыш.
25
Кин яратэ аслысьтыз лулзэ быттоз сое, кин адӟемпотостэм каре аслысьтыз лулзэ таяз дуннеын, утёз сое пумтэм-быронтэм улонлы.
26
Кин Мыным служить каре, мед Мон сьӧры лыктоз, кытын Мон, отын ик луоз Мынам ляльчие но. Но кин служить каре Мыным, сое гажалоз Мынам Атае.
27
Лулы Мынам табере ӝожомиз. Мар Мыным лэсьтыны?Атай! Монэ та часлэсь мозмыты! Нош Мон та час понна ик лыктӥ.
28
Атай! Данъя Аслысьтыд нимдэ".Соку кылӥськиз инмысь куара:"Данъяй но эшшо но данъяло".
29
Калык, кудыз сылэ вал но кылӥз тае, вералляз:"Гудыри со", нош мукетъёсыз вераллязы:"Ангел вералляз Солы".
30
Иисус талы шуиз:"Мон понна ӧй вал та куара, нош калык понна.
31
Табере та дунне осудить каремын.Табере та дуннелэн кивалтӥсез уллямын луоз.
32
Но, ку Мон музъем бордысь ӝутэмын луо, ваньзэсты Ас бордам кыско".
33
Тае Со вераз, мед валалозы, кыӵе быронэн Со кулоз.
34
Калык вералляз Солы:"Ми кылылим законысь, Христос улэ шуыса пумтэм-быронтэм дауръёс.Кызьы нош Тон вераськод, Адямилэн Пиез ӝутӥськыны кулэ? Кин Со Адямилэн Пиез?"
35
Соку Иисус соослы шуиз:"Кема на тӥленыд югыт. Ветлэ, югыт вань на дыръя, тӥледыз медаз басьты пеймыт. Нош пеймытын ветлӥсь уг тоды, кытчы мынэ.
36
Югыт тӥленыд на дыръя, оске югытлы, но югытлэн нылпиосыз луоды".Тае вераса, Иисус палдурскиз но ватскиз соослэсь.
37
Кӧня чудоос лэсьтӥз Со соос азьын, но соос ӧз оске Солы.
38
Озьы быдэсмиз Исаия пророклэн верамез:"Кузё Инмар! Кин оскиз асьмелэсь кылэмзэ? Но кинлы учкиз Кузё Инмарлэн киыз?"
39
Соос соин ӧз быгатэ оскыны, кызьы эшшо вераз вал Исаия,
40
"та калык синтэм луиз но измиз сюлэмыныз, но уг адзё синъёсынызы, но уз валалэ сюлэмынызы, но уз берытске, Мон мед катьяло шуыса соосты".
41
Тае Исаия шуиз, куке адӟиз Солэсь данзэ но вералляз Со сярысь.
42
Кивалтисьёс пӧлысь но тросэз оскизы Солы, нош фарисейёс сэрен ӧз усьтӥськылэ, синагогалэсь палэнэ медаз каремын луэ шуыса,
43
малыке шуоно яратӥзы тросгес адямилэсь данзэ, Инмарлэсь данзэ сярысь.
44
Иисус нош шумпотыса вераз:"Кин Мыным оске Мыным уг оскы, нош Монэ Келясьлы оске.
45
Но Монэ адӟись, адӟе Монэ Келясез.
46
Мон-югыт-лыктӥ дуннее, котькудыз Мыным оскись медаз кыль шуыса пеймытын.
47
Но, кин кылоз Мынысьтым кылъёсме но уз оскы, Мон судить уг кариськы сое, малыке шуоно Мон судить карыны ой лыкты, нош спасать карыны дуннеез.
48
Монэ палэнэ карисьлы но Мынысьтым кылъёсме кулэтэм карисьлы вань судья - кыл, кудзэ Мон вералляй, со сое судить карос берпуметӥ нуналэ.
49
Уго, Мон ӧй вералля аслысьтым, нош Монэ келясь Атай, Со сётӥз Мыным заповедь, мар вераны но мар ивортыны но.
50
Но Мон тодӥсько, Солэн заповедез - пумтэм-быронтэм улон.Озьен, мае Мон верасько, верасько, кызьы Мыным вераз Мынам Атае"