2

¹ Кызьы калык пӧлын вал азьласянь адӟемзэ пӧяса верасьёс, озьы ик луозы тӥ пӧлын но, мыдлань дышетӥсьёс, кудъёсыз вае, быронэ нуись, чылкыт осконэз пожась дышетонъёс. Соос палдурскозы Инмар Кузёлэсь, кудӥз басьтӥз соосты дуно дунын, таин, асьсэос ачизэс вылэ, ӝоген бырон шедьтозы. ² Лачакез, соос кадь ик, лэсьтозы мугорлэсь мылпотэмезлэсь ужъёссэ, озьыен соос пыртӥ зэмос сюрес исаместэмын луоз. ³ Узырлык бӧрсьы уиськонъязы,кескич кылъёсын тӥ вылын узырмыны тыршозы. Но суд соослы кемалась дась ини ,но пунэмен берыктонзы ӧвӧл умметскемын.

⁴ Озьыен Инмар сьӧлыкаськем ангелъёссэ но ӧз жаля ке, но думылыса адлэн пеймытыныз,суд нуналозь возьыны сётӥз. ⁵ Озьы ик ӧз жаля нырысетӥ дуннеез но, куке ву улэ выйытыса быдтӥз сьӧлыко музъемез . Тямыс лулэз гинэ утӥз, зэмлык ивортӥсь Ноез но солэсь выжызэ. ⁶ Озьы ик Садом но Гомора городъёсты тылын быдтӥз, соослэн интыязы пень гинэ кельтӥз, тӥни озьы Со возьматӥз мар пе вите отӥяз сьӧлыкасьёсты. ⁷ Нош шонер борды возькись но, калыклэсь азыса-калгыса улэмзэс адӟыса, сюлмыныз ӝожомыса улӥсь Лотэз, утиз. ⁸ Малыке шуоно та шонерлыко адями соос пӧлын улонъяз, нуналысь нуналэ курадӟылӥз, шонерлыко лулэныз,адӟыса но кылыса законэз тӥяса улисьёслэсь ужъёссэс.

⁹ Уго Инмар Кузё тодэ, кызьы мӧзмытыны шонер улӥсьёсты сьӧлык сьӧлтаськонъёслэсь, нош законэз палдуртысьёсты, возьыны судлэн нуналозяз, курадӟытон понна. ¹⁰ Уката соосэ, кудъёсыз асьсэлэсь вортто, мыно юрӟымесь мугорлэн куронъёссыя, дугдылытэк пыкыло кивалтӥсьёсты,уг кышкало вылӥе пуктэмъёсты урод кылъёсын вераны. ¹¹ Нош ангелъёс но трослы кужмоесь но быгатонлыкоесьгес ке но, уг дисьто Инмар азьын соосты ултӥяны, пыкылыны судэн.

¹² Соос валасьтэм пудо животъёс кадесь, кудъёсыз мугорзылэн инстинктэзъя уло но вордиськемын кутылыны но быдтыны,мае уг валало, сое урод кылын верало,озьыен асьсэлэн юрӟым ужъсынызы бырозы, та пудоос музэн. ¹³ Соос басьтозы пунэмзэ, законэз палдуртыса улэмзы понна, уго соос нуналлы быдэ шумпото узыр улонзылы. Возыттэмъёс,юрӟым карисъёс, соослэн кӧтъёссы тыро пӧялляськыса, ку тиленыд пуко одиг ӝок сьӧрын. ¹⁴ Синъёссы соослэн пыӵамын азонен но пумтэм сьӧлыкъёсын. Лябыт, золомымтэ лулъёсты асьсэлань кыско, сюлэмъёссы нош соослэн дышемын узырлык гинэ люкан: соос каргам пиос. ¹⁵ Соос шонер сюрэсэз кельтыса, мыно Восорлэн Валаам пиезлэн сюрестӥз йыромыса ,со яратӥз мыдлань ужысь кузьым басьтонэз. ¹⁶ Но шараямын вал законлы пумит лэсьтэмез, вераськыны быгатӥсьтэм ишакен, кудӥз адями кылын вазьыса, дугдытӥз визьтэм лэсьтыкуз азьланьзэ адӟысез.

¹⁷ Со-вутэм ошмесъёс, сильтӧлэн нуллись пилемъёс но бусъёс:соослы дасьтэмын, пырысьлы пырак, тём-пеймыт инты. ¹⁸ Уго соос, нош ик вылӥлыко тырттэм кылъёсын вераськыса, нош ик кыско азон-калгон сьӧлыке но, мугорлэн мылпотэмезлэн улоназ, соосты, кудъёсыз мырдэм потӥзы вал йыромонысь.

¹⁹ Ӵекто соослы эрик, нош асьсэос быронлэн ляльчиосыз луо,уго кин кинэн вормемын, со солы ик раб луэ. ²⁰ Малыке шуоно, Инмар Кузёмес но, Утисьмес тодэммы бере, палдурским ке дуннелэн юрӟым ужъёсызлэсь, нош собере выльысь отчы йыромыса, вормемын луо сыӵе ужъёсын,берпуметӥез сыӵеослы луэ кышкытгес нырысезлэсь. ²¹ Озьыен умойгес луысал соослы ӧй ке тодысалзы зэмлыклэсь сюрессэ, но берен берытскыны азьло сюрес вылазы, дун курон-косонъёслэсь. ²² Соослэн улэм верам кылъя кадь луэ:"Пуны берытске аслаз ӧскемез доры, нош миськем парсь мынэ дэрие погыльяськыны. "