7-ги эге
1
1 Иисустуң чанынга Иерусалимден келген кезек ном-хоойлу тайылбырлакчылары биле фарисейлер чыглып келген.
2
3
4
2 Олар Иисустуң өөреникчилериниң чамдыызының холун чугбайн чемненип, хлеб чий бергенин эскерип кааш, чемелей бергеннер.
3 Чүге дээрге фарисейлер болгаш иудейлер шупту ада-өгбезиниң чаңчылдарын шыңгыы сагып, холун эки чугбаан шаанда, чем чивес турган.
4 Садыг-саарылга черинден келгеш, холун чугбаан шаанда, чем чивес турганнар. Оларның шыңгыы сагып, күүседир ужурлуг дүрүмнери дыка хөй турган: аяктарны, дөмбүңнерни болгаш хүлер саваларны чууру бир янзы.
5
5 Ынчангаш фарисейлер болгаш ном-хоойлу тайылбырлакчылары: "Чүге Сээң өөреникчилериң ада-өгбезиниң ёзу-чаңчылын сагывайн турарларыл? Олар чүге холдарын чугбайн чемненип, хлеб чип турарларыл? - деп, Иисустан айтырганнар.
6
7
6 Ол тургаш: "Ийи арынныглар, силерниң дугайыңарда Исаия медээчи Бурганның өмүнээзинден: "Бо улус Мени аксы-биле хүндүлээр, а чүректери Менден ыракта-дыр"- деп шын-на бижээн-дир ийин.
7 "Мени ынчаар хүндүлээри хей чүве-дир. Чүге дээрге оларның оозу кижилер чогааткан сагылга-дүрүмнер-дир.
8
9
10
8 Аяк-саваны канчаар чуурун айыткан база оон-даа өске кижилер чогааткан дүрүмнерни сагыыр дээш Бурганның
айтыышкыннарын сагывайн, шуут каапкан эвес ийик силер бе?
9 Силер боттарыңарның чогаадып алган өөредииңерни улуска өөредир дээш Бурганның чагыг керээзин тоовайн баарыңарга эки-дир бе?" - деп чугаалаан.
10 "Моисей: "Бодуңнуң ада-иеңни хүндүлеп чор. Ада-иезин бак сөглээр кижини өлүмге онаар .
11
12
13
11 Кым-бир кижи адазынга азы иезинге: "Сеңээ чүнү бээр мен, берги дег чүвемни Бурганга бериптим" - дээр болза, ол кижиниң билип турары-биле,
12 ада-иезинге чүнү-даа бербес, дузалашпас боор-дур.
13 Шак ынчаар Бурганның Сөзүн, чагыгларын хажыдып, бодуңарның чогаадып алган дүрүмнериңер-биле солуп турар-дыр силер. Ындыг чүүлдерни хөйнү кылып турар силер"- деп чугаалааш,
14
15
16
14 Иисус шупту улусту кыйгыргаш: "Мени шупту дыңнаңар база билип алыңар!
15 Кижиже кирип турар чүү-даа чүве ону бужартатпас, харын оон үнген чүве ону бужартадыр.
16 Кымда дыңнаар кулак барыл, дыңнаар кижи дыңнап алзын!"
17
18
19
17 Иисус чонну каапкаш, бажыңче кирип кээрге, өөреникчилери демги угаадыглыг чугааның утказын Оон айтырганнар.
18 Ол: "Таанда, силер ам база чүнү-даа билбээниңер ол бе? Канчап билбес силер? Кижиже кирип турар чүве ону бужартатпас,
19 чүге дээрге ооң чүрээнче эвес, ишти-хырнынче киргеш, үне бээр.
Чем бүрүзү арыг болур"- деп, Иисус тайылбырлаан.
20
21
22
23
20 Ол оон ыңай: "Кижиниң бодундан үнүп турар чүве харын, ону бужартадып турар.
21 чүге дээрге, кижиниң иштинден, ооң чүрээнден үнер чүүлдер: багай бодалдар, самыыраар чорук, ооржу база өлүрүкчү чорук,
22 кады чурттаан эжинге өскерлири, хоптактаныры, каржыланыры, кажарлаары, сула салдынары, адааргаары, бодун өрү көрдүнери, мугулай чорук база Бурганга удурланыры.
23 Бо бүгү кижиден үнүп турар чүүлдер кижини бужартадып, арыг эвес кылып каар.
24
25
26
24 Иисус оон чоруткаш, Тир хоорайның чоогунга келген. Ооң ында келгенин улустуң билип кааптарын Ол күзевээн. Ынчалза-даа аңаа, Ооң билдинмейн артып каары болдунмаан.
25 Чүге дээрге букка таварткан уруглуг ие кижи Ооң кайдазын сураглап тургаш дыңнап алган.
Ол херээжен келгеш, Ооң мурнунга дискек кырынга олура дүшкен.
26 Ол херээжен Сирияның Финикия чурттуг өске чүдүлгелиг кижи турган. Ооң уруунче кире берген букту үндүрүп бээрин Иисустан аажок дилээн.
27
28
27 Иисус аңаа мынча дээн: "Баштай ажы-төл тоттур чемнензин, чүге дээрге ажы-төлдүң хлевин алгаш эниктерже октап болбас!"
28 Херээжен Аңаа: "Ийе, Дээргим, ол шын. Ынчалза-даа эниктер ажы-төлдүң чиген хлевиниң тогланчыларын стол адаандан чыып чиир болгай"- деп харыылаан.
29
30
29 Иисус аңаа: "Сен ынчаар чугаалаптарыңга бук сээң урууңдан үне берди. Чоруп болур сен"- деп чугаалаан.
30 Ол бодунуң бажыңынга чедип келгеш, орунда чыдар уруундан буктуң үне бергенин билип каан.
31
32
31 Иисус Тирниң чоок-кавызындан чоруткаш, Сидоннуң девискээрин таварты эрткеш, катап-ла Галилея далайга Он хоорай талазындан чедип келген.
32 Аңаа үнү чок кижи эккелгеш, Иисустуң ол кижиге холун дегзип, эккиртип каарын дилээннер.
33
34
35
33 Иисус ол үнү чок кижини улустан ырадыр аппаргаш, Бодунуң салааларын ооң кулактарынче суккаш, дүкпүрүпкеш, ооң дылынга дээй каапкаш,
34 дээрже көргеш, улуг тынгаш: "Еффафа" азы "Ажыттына бер"- деп чугаалаан.
35 Ол-ла дораан, үнү чок кижи дыңнап база тода чугаалап эгелээн.
36
37
36 Иисус аңаа турган улуска ол дугайын чугаалаарын хоруп каан. Чеже-даа хоруп каан турган болза, олар болган чүүлдү улуска чугаалап, чарлап, тарадып турганнар.
37 Улус шуут-ла кайгап-харап: "Ооң кылып турары шупту чүвези -- эки-дир: дүлей улус дыңнай берген, үнү чок улус чугаалап турар апарган"- деп чугаалажып турганнар.