Алдыгы эге
1
2
3
1 Иисус оон Бодунуң төрээн хоорайынга келген.
Ооң соондан өөреникчилери чедип келген.
2 Амыр-дыш хүнүнде Иисус синагогага өөредип эгелээн. Ону дыңнаан хөй улус кайгап-харап: "Аңаа ындыг чаяалга кайыын келгени ол? Аңаа ындыг мерген угаанны кым бергенил? Ооң холу-биле кайгамчык чүүлдер канчап болуп турарыл?
3 Ол Марияның Оглу Иаковтуң, Иосийниң, Иуданың болгаш Симоннуң акызы, бызаңчы кижи эвеспе? Бистиң аравыста Ооң кыс дуңмалары база бар эвес ийикпе?- дижип, Аңаа бүзүревейн турганнар.
4
5
6
4 Иисус оларга: "Алдар ат чок медээчи турбас, ону чүгле бодунуң чону, төрелдери база бажыңында улузу үнелеп көрбес боор чүве"- деп чугаалаан.
5 Иисус аңаа кандыг-даа кайгамчык чүүл кылып шыдаваан. Чүгле элээн каш улуска холун дээскеш, экиртип каан.
6 Ол оларның бүзүрел чогун кайгаан. Оон Иисус чоогунда суурларже барып, улусту өөредип турган.
7
8
9
7 Иисус он ийи өөреникчизин кыйгырып алгаш, оларга буктарны чагырар эргени бергеш, ийилеп-ийилеп чорудуп турган.
8 Иисус оларга: "Орукче үнерде, даянгыыштан өске чүнү-даа албаңар: хап-савага аъш-чем-даа, куруңарга акша-даа сукпаңар.
9 Бөдүүн идиктериңер кедип алыңар, солуп кедер хеп база албаңар.
10
11
10 Кандыг бажыңче кирип келген-дир силер, ол черден чорбаан шааңарда, аңаа чурттап турар силер.
11 А кандыг-бир черге силерни хүлээвес азы тооп дыңнавас болза, ол черден чорууруңарда, идииңерниң довураан кактап кааптыңар. Ынчаар кылыры, оларга удур херечи болур"- деп чагып каан.
12
13
12 Олар чоруткаш, улуска бачыдын минниириниң дугайын өөредип,
13 хөй буктарны үндүр сывырып, хөй аарыг кижилерни олива үзү-биле чаап, экиртип чорааннар.
14
15
14 Иисустуң ат-сураа үнүп келгенде, Ооң дугайын Ирод хаан база дыңнап каан. Улустуң чамдыызы Иоанн медээчи дирлип келген-дир, ынчангаш Ол кижиде кайгамчык чүүлдер кылыр күш бар-дыр дижип турганнар.
15 Чамдык улус Ону: "Илия-дыр"- деп, а өскелери эрте бурунгу медээчилер дег, кончуг медээчи-дир - дижип турганнар.
16
17
16 Кажан Ирод улус чугаазын дыңнааш: "Ол дээрге мээң бажын кестиртип каапканым Иоанн болган-дыр. Ол өлүглерден дирлип келген-дир"- деп турган.
17 Ооң мурнунда, Ирод кады төрээн акызы Филипптиң кадайы чораан, ам бодунуң кадайы апарган Иродиада дээш, Иоанны туткаш, кара бажыңче киир октапкан чүве-дир.
18
19
20
18 Чүге дээрге Иоанн аңаа: "Сен акыңның кадайы-биле чурттавас ужурлуг сен"- дээн турган.
19 Иродиада Иоаннга хорадааш, өлүрер арга дилээш, тыппаан.
20 Чүге дээрге Ирод Иоанны ыдыктыг, шынчы кижи деп билир болгаш, оон коргар, ынчангаш камгалап турган. Ирод ону күзелдии-биле дыңнаар, ооң аайы-биле дыка хөй чүвени кылган.
21
22
21 Бир катап Иродиадага таарымчалыг байдал тургустунган. Ирод төрүттүнген хүнүнде, кежээки байырлалынче бодунуң чагыргазында турар баштыңнарны, муң шериг баштыңнарын, галилей баштыңчыларны база чалап алган.
22 Иродиаданың уруу чедип келгеш, танцы-сам көргүскеш, Ирод-биле кады дойлап-хөглээн улустуң сеткилинге кирген. Ынчан хаан ол уругга: "Күзээн-не чүвеңни менден диле, сеңээ ону бээр мен.
23
24
25
23 Чүнү-даа дилээр болзуңза, шуптузун бээр мен. Бодумнуң күрүнемниң чартыын безин сеңээ бээр мен"- деп улус мурнунга аазап каан.
24 Ол уруг авазынга келгеш: "Чүнү дилээр мен?"- деп айтырган. Авазы аңаа: " Иоанн медээчиниң бажын диле"- деп харыы берген.
25 Уруг дораан хаанга келгеш: "Ам дораан калбак тавакка Иоанн медээчиниң бажын каап эккелзин!"- деп негелде кылган.
26
27
28
29
26 Хаан дыка муңгараан, ынчалза-даа аазаан сөзү дээш, ооң-биле кады дойлаан улустуң мурнунга уругнуң негелдезинден ойталаваан.
27 Хаан ол дораан бодунуң шериинге Иоанның бажын эккээрин дужааган.
28 Шериг кижи кара-бажыңга баргаш, Иоанның бажын одура шапкаш, калбак тавакка салгаш, уругга эккелген. А уруг авазынга аппарып берген.
29 Иоанның өөреникчилери ону дыңнап кааш, ооң мага-бодун алгаш, хөөржүдүп кааннар.
Беш муң кижини тоттурганы
30
31
32
30 Өөреникчилер шупту Иисуска ээп келгеш, чүнү кылып, чонну канчаар өөредип турганын Аңаа чүнү-даа артырбайн чугаалап бергеннер.
31 Иисус оларга: "Чүгле боттарывыс шөлээн черже чорупкаш, бичии дыштанып алыылыңарам"- деп чугаалаан. Чүге дээрге барып-кээп турар чоннуң хөйүнден оларның чемненир безин чайы чок турган.
32 Олар чүгле боттары хемеге олурупкаш, шөлээн черже чорупканнар.
33
34
33 Оларның эжиндирип бар чыдарын чон көрген. Элээн каш кижи оларны танып каан. Аңаа чоогунда хоорайларның улузу турган болгаш эрик кыры-биле халышкаш, оларны мурнай ол чарыкка чеде бергеннер.
34 Иисус хемеден дүжүп келгеш, ында чыылган хөй чонну көргеш кээргей берген. Чүге дээрге олар кадарчызы чок хойлар ышкаш болган. Оон оларга хөй-ле чүүлдерни айтып берип, өөредип эгелээн.
35
36
35 Элээн үе эрте бергенде, Иисустуң өөреникчилери Аңаа чоокшулап келгеш: "Бо ээн чер-дир. Шак база орайтаан.
36 Хамык улусту тарадывыт, олар чоруткаш бо чоокта суурлардан аъш-чемден садып алзыннар"- дээннер.
37
38
37 Иисус оларга: "Силер оларга чемден бериңер"- деп харыылаан. Оон олар: "Бис баргаш, ийи чүс динарийге чем садып эккеп, оларны чемгерер ужурлуг бис бе?"- деп удур айтырганнар.
38 Ол: "Барып көрүңерем, силерде каш хлеб бар-дыр? Олар барып көргеш: "Беш хлеб болгаш ийи балык бар-дыр"- деп харыылаан.
39
40
41
39 Бо улустуң шуптузун ногаан шык кырынга бөлүктей олурткулаптыңар"- деп, Иисус чугаалаан.
40 Хөй чон бир бөлүкке-ле бежен азы чүс кылдыр олургулапканнар.
41 Иисус беш хлеб биле ийи балыкты тудуп алгаш, карактарын өрү дээрже углай көргеш, аъш-чем дээш Бурганны алгап-йөрээгеш, хлебти буза тырткылааш, улуска үлезин дээш, Бодунуң өөреникчилеринге тутсугулап берген. Ийи балыкты база шак-ла ынчаар улуска үлээн.
42
43
44
42 Шупту улус тоттур чемненген.
43 Хлеб болгаш балык артынчылары-биле он ийи аргаан хааржакты долдуруп алганнар.
44 Хлеб чиген улустуң аразындан беш муң хирези эр улус болган.
45
46
47
45 Ооң соонда дораан, Иисус Бодунуң өөреникчилеринге хемеге олурупкаш, өске талада Вифсаидаже кеже бээрин дужаап кааш, чонну Боду тарадып, чорудуп турган.
46 Чонну чорудупкаш, мөргүүрү-биле Иисус дагже үнүп келген.
47 Кежээ дүшкенде хемеде өөреникчилери далай ортузунга бар чыткан. Ол Боду далай эриинге чааскаан артып калгаш,
48
49
50
48 өөреникчилериниң хатка удур, сөөлгү күжү-биле эжиндирип чоруурун Иисус көрүп каан. Даң аткалакта, Ол далай кырынга кылаштап бар чораан. Өөреникчилериниң хемезинге чоокшулап келгеш, чаны-биле эрте бээр деп бодаан.
49 Далай кырында кылаштап чоруур Иисусту өөреникчилер шупту көрүп кааш, хей-сүнезин деп бодааш, кортканындан алгыржы бергеннер.
50 Иисус: "Оожургаңар, Мен-дир мен. Кортпаңар!"- деп оларның-биле дораан чугаалажы берген.
51
52
51 Иисус хемеге олуруптарга, хат оожургай берген. Олар аажок кайгааннар.
52 Ооң хлеб-биле кылганы кайгамчык чүүлдү билбээни дег, бо удаада база билбейн барганнар. Чүге дээрге оларның чүректери ажык эвес болган.
53
54
55
53 Олар ол чарыкче кежип, Генисареттиң черинге чедип келгеннер.
54 Хемеден дүжүп кээрге-ле улус Иисусту дораан-на танып каан.
55 Ол улус чоок кавы девискээрни эргий халчып, Иисустуң кайда турарын дыңнажып алгаш, аарыг улузун чыткан дөжээ-биле катай Аңаа эккеп туруп бергеннер.
56
56 Иисус каяа-даа кээрге: хоорай, суурга-даа -- кудумчуларга Ооң мурнунга аарыг кижилерин эккеп салып, Ооң хевиниң эдээнге дээптерин чөпшээрээрин дилеп турганнар. Ооң хевинге дээпкен кижи бүрүзү эккирип турган.