Бешки эге
1
2
1 Олар далайның ол чарыында Гадара чуртче эжиндирип кеже бергеннер.
2 Кажан Иисус хемеден дүжүп кээрге, Аңаа уткуй, чевеглиг куйдан бир кижи үнүп келген. Ол аза-букка алыскан кижи болган.
3
4
3 Ол кижи хөөржүдүлге куйларынга чурттап турган. Ону илчирбе-биле безин кым-даа хүлүп шыдаваан.
4 Чүге дээрге каш-даа катап хүлүп, кинчилеп каарга, илчирбени үзе соп кааптар, кинчини буза шааптар болган. Ону кым-даа томаартып чадашкан.
5
6
5 Ол кижи дүн-хүн-даа чок чевеглер, тейлер аразынга алгырып-кышкырып, ыяш-дашка бажын моңнап чоруур турган.
6 Ырактан Иисусту көрүп кааш, ол Аңаа маңнап чеде бергеш, Ооң мурнунга олура дүжүп мөгейгеш:
7
8
7 "Силерге менден чүү херегил, Иисус, Дээди Өрүкү Бурганның Оглу? Сенден дилеп тур мен, мени хилинчектеве!"- деп алгырган.
8 Чүге дээрге, Иисус аңаа: "Аза-бук, ол кижиден үне бер"- деп чугаалапкан турган чүве-дир.
9
10
9 Иисус оон: "Сээң адың кымыл?" дээрге ол кижи: "Мээң адым дүк-түмен, чүге дээрге бис дыка хөй бис"- деп харыылаан.
10 Аза-буктар оларны ол чер-чурттан үндүр сывырбазын Иисустан ээрежип дилээн.
11
12
13
11 Даг эдээнге бир кодан хаван оъттап чораан.
12 Аза-буктар: "Бисти бо хаваннарже чорудувут, оларже кире берээли"- деп, Иисустан дилээн.
13 Иисус чөпшээрежиптерге аза-буктар ол кижиден үнгеш, хаваннарже кире бергеннер. Ийи муң хире бир кодан хаван шупту кадыр элден далайже шурай бергеш, дүжүп өлгүлей берген.
14
15
14 Хаван кадарчылары оон чоруткаш, болган таварылганың дугайында чоок-кавы хоорай-суурларга чарлап турганнар. Чүү болганын көөр дээш, чурттакчы чон чыглып кээп турганнар.
15 Олар Иисустуң чанынга чедип келгеш, хөй аза-буктарга алыскан кижи хевин кедип алган, угааны орталаны берген олурарын көргеш, улус коргуп турган.
16
17
16 Аза-букка алыскан кижи болгаш хаваннар-биле чүү болганын көрген улус ол дугайын чугаалап берип турганнар.
17 Ынчан чурттакчы чон, оларның чурттундан чоруптарын Иисустан дилээннер.
18
19
20
18 Кажан Иисус хемезинге олуруп турда, аза-буктардан адырылган кижи Ооң-биле кады чоруурун Иисустан дилээн.
19. Ол аңаа: "Чана бергеш, Дээрги-Чаяакчының чүнү кылганын, кандыг өршээл хайырлаанын шупту улуска чугаалап бээр сен"- дээш чөпшээревээн.
20 Ол кижи чана бергеш, Он деп хоорай девискээринге Иисустуң ооң бодунга чүнү кылганын улуска чугаалап-ла турган. Бүгү чон кайгап, магадаан.
21
22
23
24
21 Иисус катап база ол чарыкче хемелиг кежип кээрге, хөй чон чыглып келген. Ол далай эриинге турда,
22 Синагога даргаларының бирээзи Иаир Аңаа чедип келгеш, Иисусту көрүп кааш, Ооң мурнунга кээп дүшкеш:
23 "Мээң уруум өлүп чыдыр. Бажыңымга баргаш, уруум өлбес кылдыр, аңаа холуң дегзип, экиртип каап көрем"- деп аажок ээрежип дилээн.
24 Иисус ооң-биле кады чорупкан. Хөй чон Иисусту бүгү талазындан кызып, Ооң-биле кады чоруп олурган.
25
26
27
25 Ол черге он ийи чыл дургузунда ханы төктүп аараан херээжен кижи турган.
26 Эвээш эвес акша-хөреңгини чарыгдап тургаш, хөй-ле эмчилерге чеже-даа эмнеткен. Кадыкшылы экиживээн, улам дорайтаан.
27 Иисустуң дугайында дыңнап кааш, улус аразы-биле чүткүп эрткеш, Ооң хевинге дээй каапкан.
28
29
28 "Бир эвес мен, оода-ла Ооң хевинге дээпсимзе, экирий бээр мен"- деп ол боду бодунга чугааланып боданган.
29 Ооң ханы ол-ла дораан төгүлбейн барган. Аарыының эттине бергенин билип каан.
30
31
32
30 Ол аразында Иисус Бодундан күш үне бергенин эскерип кааш, хөй чонче эргий көргеш: "Мээң хевимге кым дээпти?"- деп айтырган.
31 Өөреникчилери Аңаа: "Сени долгандыр тырылган чоннуң кызып турарын көрүп тура-ла, "Меңээ кым дээпти"- деп, ол чүңүл?
32 Ынчалза-даа Иисус кымның дээпкенин билип алыр дээш долгандыр көрүп туруп берген.
33
34
33 Бодунуң кадык апарганын билип каан, демги херээжен кортканындан сириңейнип, Ооң чанынга чеде бергеш, доңгая дүжүп, шынын Иисуска чугаалап берген.
34 Иисус аңаа: "Кызым! Сээң бүзүрелиң сени аарыыңдан экиртип каан-дыр. Амыр-тайбың чорувут, кадык бол!"- деп чугаалаан.
35
35 Иисус ооң-биле чугаалажып турда, синагога даргазынга, ооң бажыңындан келген улус: "Сээң урууң өлүп калды. Башкыны хей черге дүвүретпе"- дээннер.
36
37
38
36 Ынчалза-даа Иисус оларның медээзин дыңнааш, ол-ла дораан синагога даргазынга: "Кортпа, чүгле бүзүре!"- дээн.
37 Пётр, Иаков болгаш Иаковтуң дуңмазы Иоанндан өске кымның-даа Ооң-биле кады чоруурун Иисус чөпшээревээн.
38 Иисус синагога даргазының бажыңынга чедип келгеш, ында улустуң дүвүреп, качыгдап, ыыткыр ыглажып турарын көрген.
39
40
39 Иисус бажыңче кирип келгеш: "Чүге качыгдап ыглажып турар силер? Бо уруг өлбээн, анаа удуп чыдар кижи-дир" дээрге
40 аңаа турган улус Ону кочулап, катыржы бергеннер. Иисус оларның шуптузун үндүр ойладыпкаш, уругнуң ада-иезин болгаш Ооң-биле кады келген үш өөреникчизин артырып алгаш, уругнуң чыткан өрээлинче кире берген.
41
42
43
41 Ол уругнуң холундан тудуп алгаш: "Кызым, сеңээ чугаалап тур мен, туруп кел!"- деп чугаалаан.
42 Уруг ол-ла дораан туруп келгеш, кылаштап эгелээн (Ооң хары он ийи чедип турган). Ону көрген улус аажок кайгап, магадаан.
43 Болган чүүл дугайында кымга-даа чугаалавазын Иисус оларга шыңгыы дужаагаш, а уругну чемгерерин айыткан.