Тоску эге
1
2
1 Кажан Иисус чоруп оргаш, төрүмелинден согур кижини көрүп каан. 2Ооң өөреникчилери: «Башкы! Бо кижиниң согур төрүттүнген чылдагааны чүдел? Кым бачыт кылганыл: ол боду бе азы ооң ада-иези бе?» – деп айтырган.
3
4
5
3 Иисус мынча деп харыылаан: «Ол боду-даа, ооң ада-иези-даа бачыт кылбаан-дыр, ынчалза-даа Бурганның ажыл-херээ аңаа көзүлзүн дээш, ындыг болган. 4 Амдыызында хүн ашпаанда, Мени айбылап чоруткан Адамның ажыл-херектерин кылыр Мен. Кажан дүн дүжерге, ынчан кым-даа ажылдап шыдавас. 5 Бо делегейге турар үемде, Мен – бо делегейге Чырык-тыр Мен».
6
7
6 Ону чугаалааш, Иисус черже дүкпүрүпкеш, чараазы-биле довуракты хоюткаш, оозу-биле согур кижиниң карактарын чаап бергеш, 7 аңаа: «Баргаш, Силоамның эштир хөөлбээнге чунуп каавыт» - дээн. Ол кижи барып чунуп каапкаш, караа көстүр апарган чедип келген.
8
9
8 Ынчан ооң кожалары болгаш ону согур деп билир улус: «Орта чоор бе? Улустан диленип олурар кижи бо бе, кай?» - деп турганнар.
9 Чамдык улус: «Ийе, ол-дур» – дишкен.
Өскелери: «Ооң-биле дөмей кижи-дир» – деп удурланган.
Ол кижи боду: «Мен-дир мен» – деп улуска чугаалап турган.
10
11
12
10 Олар оон: «Сээң карактарың канчап көре берди?» - деп айтырган.
11 Ол: «Иисус деп аттыг бир кижи хоюткан малгаш-биле карактарымны чаап бергеш: „Баргаш, Силоамның эштир хөөлбээнге чунуп каавыт“ – диди. Мен баргаш, чунуп кааптым, оон караам көре берди»- деп харыылаан.
12 Олар: «Иисус кайыл?» – деп айтырганнар.
Демгизи: «Билбес мен» – дээн.
13
14
15
13 Согур чораан ол кижини фарисейлерге эккелген. 14 Иисустуң чараазы-биле малгаш хоюткаш, ооң караан ажыдыпканы хүн амыр-дыш хүнү - суббота турган. 15 Фарисейлер база-ла ооң караа канчап көре бергенин ол кижиден айтырып эгелээннер.
Ол мынча дээн: «Иисус мээң карактарымны малгаш-биле чаап берди, чунуп каапкаш, көре бердим».
16
17
18
16 Ынчан чамдык фарисейлер: «Ол Кижи Бургандан эвес-тир, чүге дээрге амыр-дыш хүнүн - субботаны сагываан-дыр» – дээннер.
Өскелери: «Ынчаарга бачыттыг кижи канчап ындыг кайгамчык чүвени кылып шыдаарыл?» – дижи берген. Олар аразында маргыжып эгелээн. 17Согур турган кижиден база катап: «Ол сээң карааңны көөр кылып каан-дыр. Ооң дугайында бодуң чүнү чугаалап болур сен?» – деп айтырганнар.
Ол: «Ол - Медээчи-дир» – деп харыылаан.
18 Согур чорааш, караа көстү берген кижиниң ада-иези келбээн шаанда, иудейлер бүзүревейн,
19
20
21
19 олар кээрге: «Согур төрүттүнүп келген деп, чугаалап турар оглуңар бо бе? Ам канчап көре бергени ол?» – деп айтырганнар.
20 Ооң ада-иези: «Бо дээрге бистиң оглувус-тур, ол согур төрүттүнүп келген деп билир бис, 21 ынчалза-даа ам канчап көре бергенин, ооң карактарын кым ажыдып бергенин билбес бис. Улуг апарган кижи-дир, боду чугаалап берзин, ооң бодундан айтырыптыңар»-дээннер.
22
23
22 Иисусту Христос деп хүлээп көрген кижини синагогадан үндүрер дугайында шиитпирни иудей эрге-чагырга хүлээп алган боорга, ооң ада-иези иудейлерден корткаш, ынчаар харыылааннар.23 Ынчангаш ооң ада-иези: «Улуг апарган кижи-дир, бодундан айтырыптыңар» – дээни ол.
24
25
24 Согур чораан кижини ийиги удаа келдирткеш, аңаа: «Бурганны алдаржыт. Ол Кижи - бачыттыг дээрзин, бис билир бис» – дээннер.
25 Согур чораан кижи: «Ооң бачыттыын билбес мен, чаңгыс-ла билир чүвем: мен согур чордум, а ам көре бердим»-деп харыылаан.
26
27
26 Олар оон: «Ол сени канчапты? Сээң карааңны канчаар ажыдыпты?»-деп катап база айтырган.
27 Согур чораан кижи оларга: «Мен силерге дем-не чугааладым, а силер дыңнавас чордуңар, ам чүнү дыңнаксап тур силер? Азы боттарыңар база Ооң өөреникчилери болуксап тур силер бе?» – деп харыылаан.
28
29
28 Олар ону куду көрүп: «Сен-не Ооң өөреникчизи-дир сен, а бис Моисейниң өөреникчилери бис! 29 Бурганның Моисей-биле чугаалашканын билир бис, а бо Кижини, Ооң кайыын келгенин-даа билбес бис» – деп алгыржы бергеннер.
30
31
30 Караа көстүүр апарган кижи оларга мынча деп харыылаан: «Ол мээң караамны ажыдыпты, а силер Ооң кайыын келгенин билбезиңер, элдептиг-дир. 31 Ынчалза-даа Бурган бачыттыгларны дыңнавас деп билир бис, ындыг-даа болза, кым Бурганны хүндүлээрил база Ооң күзел-соруун күүседип чоруурул, ол кижини дыңнаар.
32
33
34
32 Төрүмелинден согур кижиниң караан кым-бир кижи ажыдыпкан деп, кажан-даа, кым-даа дыңнаваан. 33 Бир эвес Ол Бургандан келбээн турган болза, чүнү-даа чаяап шыдавас ийик».
34 Олар аңаа: «Бүрүнү-биле бачыттыг төрүттүнген бодуң, сен бисти өөредир сен бе?» – дээш, ону үндүр ойладыпканнар.
35
36
37
38
35 Иисус ол кижини үндүр ойладыпканын дыңнааш, ону тып алгаш: «Сен Бурганның Оглунга бүзүрээр сен бе?» – деп айтырган.
36 Ол кижи: «Дээрги, а кымыл Ол, Аңаа бүзүрей бээр мен?» – дээн.
37 Иисус аңаа: «Сен Ону көрген сен, Сээң-биле чугаалажып турар Кижи Ол-дур» – дээн.
38 Караа көре берген кижи: «Дээрги, бүзүреп тур мен!» – дээш, Аңаа мөгейип каан.
39
40
41
39 Иисус: «Мен бо делегейже согур улус көрзүн дээш, а карактыглар согурара берзин дээш, шииткел кылып келген Мен» – деп чугаалаан.
40 Ону дыңнааш, Ооң чанынга турган фарисейлер: «Таанда, бис согур бис бе?» – деп айтырганнар.
41 Иисус оларга: «Бир эвес силер согур турган болзуңарза, бодуңарга бачыт чок турар ийик силер. Ынчалза-даа силер, „көрдүм“ дээр-дир силер, ынчангаш бачыдыңар бодуңарга артып каар»-деп харыылаан.