Чээрбиги эге
1
2
1 Субботаның эртенинде, ам-даа караңгы турда, Мария Магдалина чевег-куйга чедип келген. Куй аксын дуглаан дашты чайладыр чууп каанын көрүп каан. 2 Ол маңнап чоруткаш, Симон Пётрга база Иисустуң онза ынак өөреникчизинге баргаш: «Дээргивисти чевег-куйдан алгаш барган болду! Ам Ону кайда салганын билбес бис» – дээн.
3
4
5
3 Пётр биле ол өөреникчи дораан үнгеш, чевег-куйже чорупкан. 4 Олар кады маңнажыпкан, ынчалза-даа Ооң ынак өөреникчизи Пётрдан дүрген маңнааш, чевег-куйга баштай четкен. 5 Ол доңгайып бакылааш, чыткан пөстерни көрүп кааш, чевег-куйже кирбээн.
6
7
6 Ооң соондан Симон Пётр маңнап келгеш, чевег-куйже кире халаан. Ол ында чыткан хөөржүдүлге пөстерин көрүп каан, 7 Иисустуң бажынга чораан орнукшудулга аржыылын пөстер-биле кады салбайн, дүргеш, аңгы салып каан чыткан.
8
9
10
8 Ынчан баштай маңнап келген өөреникчи база чевег-куйже кирип келген. 9 Ол көргеш, бүзүрей берген. Бижилгеде: «Иисус өлүглерден катап дирлир ужурлуг»-дээнин олар ам-даа билбээн болгай. 10 Өөреникчилер чана берген.
11
12
13
11 А Мария чевег-куй чанынга ыглап турган. Кажан ыглавышаан, чевег-куйже бакылапкаш, 12 дээрниң ак хептиг ийи төлээзин көрген. Олар Иисустуң мага-бодунуң чыткан черинде, бирээзи Ооң бажының, а өскези буттарының талазында олурар, дээрниң ак хептиг ийи төлээзин көрүп каан. 13 Олар оон: «Херээжен! Сен чүге ыглап тур сен?» – деп айтырган.
Ол оларга: «Мээң Дээргимни алгаш барган-дыр. Ам Ону кайда салганын билбес-тир мен» – деп харыылаан.
14
15
14 Ол ынча дээш, хая көрүнгеш, Иисустуң ында турарын көрүп каан. Ынчалза-даа ол Ону танываан. 15 Иисус оон: «Херээжен! Сен чүге ыглап тур сен? Кымны дилеп чор сен?»-деп айтырган. Айтырыг салган кижини сесерлик ажаакчызы деп бодааш, Аңаа: «Дээрги! Бир эвес Ону көжүрген болзуңза, Ону кайнаар аппарып калдың, чугаалап бер, мен Ону барып ап алыйн» – дээн.
16
17
18
16 Иисус: «Мария!» – депкен.
Ол хая көрүнгеш, Иисуска еврейлеп: «Раввуни!» («Башкы»)- дээн.
17 Иисус аңаа: «Меңээ дегбе, Мен ам-даа Адамче көдүрлүп үнмээн болгай мен. Мээң ха-дуңма улузумга баргаш: „Мээң Адамче база силерниң Адаңарже, Мээң Бурганымче база силерниң Бурганыңарже көдүрлүп үнерим ол-дур“-дидир»-деп чугаала дээн. 18 Мария Магдалина өөреникчилерге чеде бергеш, Дээргини көргенин чугаалааш, Иисустуң сөглеткен сөзүн дамчыткан.
19
20
19 Субботаның эртенинде кежээ, кажан Иисустуң өөреникчилери, иудейлерден коргуп, эжиктерин дээктеп алгаш олурда, Иисус кирип келген. Оларның ортузунга туруп алгаш: «Силерге амыр-тайбың»-деп чугаалааш, 20 Иисус Бодунуң холдарын болгаш быктын оларга көргүскен. Дээргизин көргеш, өөреникчилери аажок өөрээн.
21
22
23
21 Иисус катап база оларга: «Силерге амыр-тайбың! Адамның Мени айбылап чорутканы дег, Мен силерни база айбылап чорудуп тур Мен»-дээн. 22 Ону чугаалап тура, оларже үрүпкеш: «Ыдыктыг Сүлдени хүлээп алыңар. 23 Кымның бачыттарын өршээр силер, ооң бачыттары өршээттинер, а кымныын өршээвес силер, ооң бачыттары хевээр артып каар» – дээн.
24
25
24 Кажан Иисус кээп турда, он ийи өөреникчиниң бирээзи, Ийис деп шолалыг Фома оларның-биле кады турбаан. 25 Өске өөреникчилер аңаа: «Бис Дээргини көрдүвүс!»-дээн. Ынчалза-даа ол: «Бир эвес Ооң холдарында кадаглардан балыгларны көрбээн шаамда, ол балыгларга салаамны дээспээн шаамда, Ооң быктында балыын холум-биле тутпаан шаамда, бүзүревес мен!» – деп харыылаан.
26
27
26 Сес хүн эрткенде, Ооң өөреникчилери, ам база бажыңга турда, Фома оларның-биле кады турган. Кажан эжиктер дээктиг турда, Иисус кирип келгеш, оларның аразынга туруп алгаш мынча дээн: «Силерге амыр-тайбың!» 27 Оон Фомага: «Мээң холдарым бо-дур, көр даан. Холуңну бээр сун, салааң-биле быктымда балыгны тудуп көр. Бүзүрел чок болба, харын бүзүрээр бол».
28
29
28 Фома Аңаа: «Мээң Дээргим, мээң Бурганым!» – деп харыылаан.
29 Иисус аңаа мынча дээн: «Сен бүзүрей бердиң, чүге дээрге Мени көрдүң. А кым Мени көрбейн, бүзүрей бээрил, ол кижи – аас-кежиктиг».
30
31
30 Иисус бо номда бижиттинмээн оон-даа өске, дыка хөй кайгамчык чүүлдерни Бодунуң өөреникчилериниң мурнунга кылган. 31 Иисус – Бурганның Оглу, Христос-тур деп бүзүрей бергеш, мөңге амыдыралды Ооң ады-биле алзыннар дээш, бо чүүлдү силерге бижээн.