Марк 9 белг.
1
2
3
1. Иисус эднд келв : “ Би үнәр таднд келҗәнәв: энд зогсҗасн улсас зәрмнь
Теңгрин Бурхна орн-нутг күчән бәрәд иртл үкл үзшго.”
2. Зурһан өдр давсн хөөн Иисус Петр , Иаков ,Иоанн һурвиг дахулад, өндр уул деер давшад һарв. Генткн Иисус теднә нүднд хүврҗ одв.
3. Терүнә хувцнь цасн кевтә гилвкәд цаһаҗ одв. Һазр деер тиигҗ цаһалһҗ болшго.
4
5
6
4. Дарунь теднә өмн Моисей болн Илия хойр ирәд, Иисусла күүндҗәснь үзгдв.
5. Петр Иисуст келв : “ Деед Эзн, Маднд энд йир тааста болҗана. Би һурвн харшм ( җолм) кенәв : Негнь – Таднд,негнь – Моисейд, негнь – Илияд”
6. Петр ю келсән медсн уга, юңгад гихлә эдн ийр икәр әәсн бәәҗ.
7
8
7. Генткн гилвксн цаһан үүлн тедниг бүркчкв. Үүлн дорас дун соңсгдв : “Эн мини дурта Көвүн. Энүг соңстн!”
8. Тер дарунь эдн эргндән хәләхлә, Иисусас талдан кү үзсн уга.
9
10
9. Сурһульчнртаһан уулас бууҗ йовад, Иисус эднд иигҗ закв: “Ода үзсн юмн тадн Күмни Көвүн үкәд әмдртл бичә күүнд келтн.”
10. Эдн Терүнә өгсн заквр күцәцхәҗ, болв нег – негнәсн сурцхав: “Үкәд әмдртл гисн юн болҗахмб?”
11
12
13
11. Сурһульчнрнь Иисусас сурцхав : “Юңгад Илия түрүләд ирхмн – гиҗ дегтр бичдг улс келцхәсмб?
12. Иисус хәрү өгсмн: э-э, Илия түрүләд ирәд, цугинь белдх зөвтә билә.Тиим кевәр Күмни Көвүн ирәд, дала зовлң үзҗ һәәлгдхмн гиҗ Терүнә тускар Бурхна Дегтрт бичәтә.
13. Болв Би таднд келҗәнәв: Илия ирлә,болв әмтн терүнд эврәннь дурарн кесмн. Иим юмн учрх зөвтә гиҗ Бурхна Дегтрт бичәтә.
14
15
16
14. Иисус хәрү ирәд, сурһульчнриннь өөр дала әмтн зогсҗаснь үзв, теднлә дегтр бичдг улс зүткҗәснь медв.
15. Әмтн Иисусиг үзчкәд, икәр өврәд, дарунь Терүнүр гүүҗ одад мендлцхәв.
16. Иисус теднәс сурв : “Юуна тускар зүткҗәнәт?”
17
18
19
17. Әмтн дундас нег күн келв : “ Багш! Би Танур эврәннь көвүһән авч ирв, энүг хар сәкүсн бәрәд, келн-амн уга кечкв.
18. Хар сәкүсн көвүһм һар деер хайхла, энүнә амнас көөсн һарад ,шүдән хәврәд, менрч одна. Би Тана сурһульчнриг көвүнәсм хар сәкүс көөтн гиҗ сурлав , зуг эдн чадсн уга?
19. Иисус келв : “Иткл уга үйнр! Таднла кезә күртл бәәхв? Кедү күртл тесхв? Тер көвүг Нанур авад иртн.”
20
21
22
20. Көвүг Иисусур авч ирв.Иисусиг үзсн хар сәкүсн көвүг чичрүлв.Энүнә шүрүснь татгдад, амнаснь көөсн һарад, эн һазр деер унв.
21. Тиигхлә Иисус эцкәснь сурв : “Кезә эклҗ көвүн гемтв?” Эцкнь хәрү өгв : Бичкн цагасн авн гемтв.
22. Хар сәкүсн көвүһм кесг дәкҗ һалд болн уснд, алхар седәд хайла. Болв Та чаддг болхла, мадниг хәәрләд, нөкд болхнтн.
23
24
25
23. Иисус энүнд келв : “Иткҗ чадхла, итк, иткдг күн цугнь чадх.”
24. Көвүнә эцкнь хәәкрәд , эрәд сурв : “ Деед Эзн! Иткҗәнәв! Мини иткл угадм нөкд болтн.”
25. Олн әмтн гүүҗ аашснь үзәд, Иисус хар сәкүсн чаңһар закв : “Чикәрн соңсдго , келн-амн уга кү кедг, зовадг хар сәкүсн көвүнәс һарч әрл. Эн көвүнә дотр дәкч бичә ор гиҗ Би чамд закҗанав.”
26
27
26. Хар сәкүсн чишкәд, көвүг чичрүләд, энүнәс һарв. Көвүн әмн уга, үкснлә әдл кевтҗ, тегәд кесгнь үкҗ оч гиҗ келцхәв.
27. Болв Иисус һараснь авад, энүг босхв.
28
29
28. Иисус герүр орхлань, Терүнә сурһульчнрнь Иисусас сурҗ : “Мадн тер хар сәкүсиг юңгад эс көөҗ чадсмн”
29. Иисус хәрү өгв : “Иим хар сәкүсиг зальврлһар көөҗ болдмн.”
30
31
32
30. Эдн тендәс һарад, Галилей дәврәд йовцхав. Иисус энд Бийән әмтнд үзүлшгоһар седҗ,
31. Юңгад гихлә Тер эврәннь сурһульчнран сурһад, теднд келсмн : Күмни Көвүг әмтн бәрүлҗ өгәд, әмнь таслх, болв һурвдгч өдртнь әмдрх.”
32. Сурһульчнринь Терүнә келснь үгмүднь медҗ чадсмн уга , зуг әәлдәд , сурдго бәәҗ.
33
34
35
33. Иисус Капернаумур ирҗ. Тер герт орхларн сурһульчнрасн “Тадн хаалһдан юуна тускар зүтквт?”
34. Зуг эдн тагчг ,юңгад гихлә тедн хоорндан кен хамгин икнь болҗамб гиҗ зүтклдсмн.
35. Иисус сууһад, арвн хойр сурһульчан дуудад эднд келв : Кен түрүңкнь болхар седхлә – сүүлңкнь болад, цугтаһиннь дарунь болтн.”
36
37
36. Иисус бичкн көвү дуудҗ авад, теврәд, теднә дунд зогсчачкад келв :
37. Кен Мини Нертә төлә иим бичкниг бийдән орулҗ авхла, тиим күн Намаг орулҗ авчана. Намаг бийдән орулҗ авснь, Намаг Илгәсиг орулҗ авчана.
38
39
38. Тер цагла Иоанн келв : Багш! Тана нерәр хар сәкүсдиг көөҗәсн кү мадн үзләвидн. “Терүг бичә Тана Нерәр хар сәкүсд көөтхә гиҗ закад мадн зогславидн, юңгад гихлә эн күн маднла хамдан йовдго билә.
39. Иисус келв : “Терүг бичә хөртн, юңгад гихлә Мини Нерәр өвәрцс үзүлсн күн – түүнә хөөн Намаг му келҗ чадшго.
40
41
40. Мадна өмнәс эс хәрүцснь – мана төлә болад маднла бәәх. ( маднла эс сөрүцснь – мадна бәәхнь мөн).
41. Таднд ааһ үс өгсн күн ачан авх, юңгад гихлә тадн Мини Христос нер зүүҗ йовнат, гиҗ үнәр келҗәнәв.
42
43
44
42. Нанд иткҗәсн бичкдүдин негинь килнцд уңһасн күүнд теермин чолу күзүнднь бооһад, теңгсин гүүнд чеевснь деер болх бәәсмн.
43. Кемр чини һар чамаг җилвтүләд, иткличн эвдхлә, тәәрәд, бийәсн цааран хайчк хойр һартаһан
44. өткн үкдго болн гиена бәәдг мөңк һалд тусснд орхнь өрәсн һартан Бурхна Теңгрин орн-нутгин мөңк җирһлд орсн деер болх.
45
46
45. Кемр чини көл чамаг килнцд орулхар седхлә, көлән тәәрәд хайчк.
46. хойр көлтәһән өтн үкшго һал унтрдго мөңк һалд тусснд орхнь өрәсн көлтәһән Бурхна Теңгрин орн-нутгт мөңк җирһлд орснь деер болх.
47
48
47. Кемр чини нүдн чамаг килнцд орулхар седхләнь, нүдән авад хайчктн хойр нүдтәһән
48. өтн үкдго, һал унтрдго мөңк һалд тусснд орхнь өрәсн нүдтәһән Бурхна Теңгрин орн-нутгт орснь деер болх.
49
50
49. Юңгад гихлә күн болһн һалар цеврлгдх (әрвслгдх)(давслгдх) посолен?
50. Давсн гисн сән болн кергтә юмн.Болв давсн амтан геехлә, юуһар терүнд амтнь орулхмб? Тегәд давсн амт бийәсн геелго, хоорндан ни-негн эвтәһәр бәәцхәтн.”