Марк 8 белг.
1
2
3
4
1.Иисусин өөр йир дала әмтн цуглрҗ, эднә хотнь чиләд, иддг хот уга болҗ. Иисус эврәннь сурһульчнран дуудад, эднд келв :
2. “Һурвн өдр болн сө нанла бәәсн әмтнд иддг хот уга болснд Би сана зовҗанав.
3. Кемр эдниг геснднь хот өглго, хоосар тәвхлә, хаалһдан эдн муурад, чинәһән алдх, юңгад гихлә, зәрмнь ик холас ирсмн.”
4. Сурһульчнрнь Терүнд хәрү өгчв: “Әмтиг цадххин төлә дала өдмг көдә һазрт альдас бидн олҗ авхмби?”
5
6
5. Иисус сурв : “Кедү өдмг таднд бәәнә?” Сурһульчнрнь келв : “Долан”
6. Тегәд Иисус һазр деер суутха гиҗ әмтнд закв. Иисус долан өдмг авад, Бурхнд ханлтан өргәд, өдмгиг хуваһад, әмтнд түгәтхә гиһәд, сурһульчнрнтан өгәд бәәв. Сурһульчнрнь әмтнд түгәһәд өгәд бәәҗ.
7
8
9
10
7. Цөөкн ик биш заһсд бас бәәсмн. Иисус Бурхнд ханлт өргәд, әдсләд, сурһульчнртан әмтнд түгәһәд өгтн гиһәд өгв.
8. Әмтн идәд цадсн хөөн, үлдсн хотнь цуглулхла, долан зембль дүүргәд авсмн.
9. Хот идәд цадсн улсин тонь дөрвн миңһн күн болҗ.
10. Иисус эдниг тәвчкәд, Бийнь Эврәннь сурһульчнртаһан Далмануфы гидг һазрур ирсмн.
11
12
13
11. Фарисеймуд Иисусур өөрдҗ ирәд Терүнлә экләд зүткцхәв. Сөрүцәд тедн Иисусиг теңгрәс темдгүд үзүлтхә гиҗ Терүнәс некв.
12. Иисус гүүнәр сакалдҗ авад келв : “Юңгад эн үйнр теңгрәс темдгүд некҗәхмб? Зуг нег чигн темдгүд теңгрәс эн үйнрт өгшгов гиҗ Би үнәр таднд келҗәнәв.”
13. Иисус эдниг үлдчкәд, оңһуд орад сууһад, теңгс һатлад усчв.
14
15
14. Сурһульчнрнь өдмг авч һартан мартсмн, болв негхн бүкл өдмг бәәҗ.
15. Иисус эднд иим заквр өгсмн: “Фарисеймудын болн Иродын искәдг экнәс саглтн.”
16
17
16. Тедн хоорндан ухалҗаһад келҗ: “Юн болҗахмби? Мадниг өдмг эс авснд тиигҗ келҗәхмби?
17. Иисус терүгинь медәд келв: “Тадн өдмг эс авсндан һундҗанат? Ода чигн тадн юм медҗ, ухалҗ чадҗахшиит? Зургдтн ода чигн хаалһата болҗамби?
18
19
18. Тадн нүдтә болв чигн – үзҗәхшвт?Тадн чиктә болв чигн – соңсҗахшвт? Ухандан орулҗ юм тодлсн угавт?
19. Би тавн өдмгәр тавн миңһн күүнд хуваһад цадхахд тадн кедү зембль үлдсн өдмгәр дүүрчҗ авлат? Эдн келв : "Арвн хойр"
20
21
20. Би дөрвн өдмгәр дөрвн миңһн күүнд хуваһад цадхахт тадн кедү зембль үлдсн өдмгәр дүүргҗ авлат? Эд келв : “Долан”
21. “ Тер бйинь тадн ода күртл юм медсн угавт?” –гиҗ Иисус сурһульчнрасн сурв.
22
23
22. Эдн Фивсаидур ирҗ. Иисусур сохр кү көтләд авч ирәд Терүг һаран күргхинь ээрәд сурҗ.
23.Иисус сохр күүг һараснь бәрәд, хотнас авч һарч. Нүднднь нульмчкад , Иисус деер һаран күргәд, ю үзҗәхнь сурв.
24
25
26
24. Эн күн хәләһәд келв : “ Әмт үзҗәнәв, әмтн модд болҗ үзгднә”
25. Иисус дәкн һаран нүднднь күргәд, нүднь эдгәв. Сохр күн эдгҗ, сәәнәр юм үздг болҗ.
26. Иисус энүнд келв : “Ода герүрн хәр, зуг селәнүр бичә ор болн күүнд бичә кел.”
27
28
27. Иисус сурһульчнртаһан Вифсаидыг үлдәһәд, Филиппын Кесариин селәдүр һарад йовцхав. Хаалһдан Иисус сурһульчнрасн сурв : “ Әмтн Намаг кенд тоолҗана?”
28. Эдн хәрү өгв : “ Зәрмнь уснд кирслдг Иоанн гиҗ тоолҗана, талдань Илия гицхәнә, наадкснь әәлдәчнрин негнь гиҗ тоолҗана.”
29
30
29. Тегәд Иисус сурв : “ Тадн бийстн Намаг кен гиҗ тоолҗанат?” Петр келв : “Та – Христос”
30.Тиигхлә Иисус Бийиннь тускар күүнд бичә келтн гиҗ закв.
31
32
31. Терүнә хөөн Иисус Күмни Көвүн дала зовлң үзхин тускар сурһульчнртан экләд дасхв : Күмни Көвүг медәтнр, дегтр бичдг болн Бурхна әрүн улс зоваһад, әминь таслх, зуг һурвдгч өдртнь Күмни Көвүн әмдрх.”
32. Иисус Күмни Көвүнә тускар илднь келхлә, Петр Терүг хооран дуудад келв : “Танла тиим юмн бичә болтха.”
33
34
33. Иисус сурһульчнр талан эргәд, хәләһәд, Петрт закв : “Нанас цааран йов, эрлг, юңгад гихлә чи Бурхна тускар ухалҗахийич, чи күүнә ухаһар ухалҗанач.”
34. Әмтиг болн Эврәннь сурһульчнран дуудад, Иисус келв : “ Кен Намаг дахад йовхар бәәхлә, эврәннь кирсән авад Намаг дахтн.
35
36
37
35. Юңгад гихлә эврәннь әмән хадһлхар бәәсн күн – әмән гех, зуг кен Мини болн Байрта зәңгин төлә эврәннь әмән геехәр бәәхлә – тер әмән хадһлх болн аврх.
36. Кемр ямаран чигн күн делкә эдлҗ авад , зуг бийинь әмән геехлә, ямаран олзта тер болхмб?
37. Күн эврәннь әмән юуһар хулдҗ авч чадхмби?
38
38. Нанас болн Мини келсн үгәс ичдг, килнцтә болн Бурхнд иткдго үйнр! Күмни Көвүн Эврәннь Эцкиннь туурмҗд Әрүн Элчнртәһән ирхләрн таднас бас ичх.