Maрк 7 белг.
1
1. Иисусин өөр Иерусалимас ирсн фарисеймуд болн зәрм дегрт бичдг улс цуглрҗ.
2
3
4
2. Иисусин зәрм сурһульчнринь һаран уһалго өдмг идснь, фарисеймуд үзҗ, тегәд эдниг һаран уһал уга өдмг идцхәнә гиҗ гемшәсмн.
3. Юңгад гихлә фарисеймуд болн цуг иудеин улс медәтнр үлдәсн закаһар хот уухиннь өмн һаран йир сәәнәр уһадг бәәсмн.
4. Эдн базрас ирхләрн һаран уһалго, хот иддго билә. Талдан чигн дала юм медәтнрин үлдәсн закас эдн бийдән авч күцәҗәсмн: ааһсан болн зесәр кесн савсн уһадг бәәсмн.
5
5. Тегәд фарисеймуд болн дегтр бичдг улс Иисусас сурцхаҗ: “ Медәтнрин үлдәсн зака Тана сурһульчнр юңгад эс күцәҗәхмб? Юңгад эдн һаран уһалго өдмг идҗәхмб?”
6
7
6. Иисус болхла эднд иим хәрү өгв: “ Исая әәлдәч ийр сәәнәр таднла әдл улсиг хойр чирәтнр гиҗ нерәдәд, урдаснь бичсмн: “Эн улс Намаг хоосн амарн күндлҗәнә, зуг теднә зүркнь Нанас ик холд бәәнә.
7. Юңгад гихлә тиим улс күн ухалад һарһсн зааврмудар әмтиг дасхҗана. Намаг соңсҗ бәәхш, тегәд эднә хоосн амарн кесн күндллһн Нанд кергтә биш.
8
9
10
8. Юңгад гихлә тадн Бурхна зака үлдәһәд, күүнә сурһсн дасхвар болн күн өгсн зааврмудар бәәцхәнәт: “ ааһ-саван уһадгла әдл дала тиим юм кенәт.”
9. Иисус эднәс сурв : “Эврәннь сурһҗах дасхвран хадһлхин төлә, тадн Бурхна закаг соляд болн үлдәһәд бәәснь сән болҗану?”
10. Моисей иигҗ келсмн : “Эврәннь эцкән болн эврәннь экән күндл болн: эврәннь эцкән болн экән му келхлә, тер күн үкх зөвтә.”
11
12
13
11. “Эцкдән болн экдән өгх белг Бурхнд тәвсн бәрц болҗана,
12. Тегәд тер күн эврәннь эцкдән болн экдән нөкд болшго зөвтә болв,” – гиҗ тадн келҗәнәт.
13. Тиигәд тадн эк – эцкән бичә күндлтн, Бурхна үгиг бичә күцәтн гиҗ эврәннь сурһулярн дасхҗанат. Түүнлә әдл талдан чигн кесг юм бас кенәт.”
14
15
16
14. Олн әмтиг Иисус дуудад, эднд иигҗ келв : “ Цуһар Намаг соңсад, медҗ автн : күн дотр орсн юмн кү бузрдулшго,
15. Зуг күүнә дотрас һарснь күүг бузрдулна.
16. Кенд чикн соңсхин төлә бәәхлә – соңстха!”
17
18
19
17. Иисус әмтн талас һарад, герүр орв. Сурһульчнринь Терүнәс эн цецн келврин тускар сурцхаҗ.
18. Тер эднд келв : Тадн бас юм медсн угавт? Ода күртл медҗ чадҗахшвт : күүнә дотр орсн юмн күүг бузрдулшго,
19. Юңгад гихлә орсн юмн зүркнд орҗахш, зуг геснд орад – һазаран һарч одна ? Иисус эн келсәрн ямаран чигн хот цевр болҗахнь эднд цәәлһв.
20
21
22
23
20. Цааранднь Иисус иигҗ келв : “ Күүнә дотрас һарсн юмн – кү бузрдулна.
21. Юңгад гихлә күүнә дотр бәәсн зүркнәс хар саната ухан, аля келһн, хулха, анлһн,
22. авальдан өгсн үгән эвдлһн, ховдг седклтә боллһн, хар санатаһар уурлһн, мекллһн, ичрән геелһн, үлү үзлһн, Бурхиг му келлһн, бийән деегүр болн һәргтәһәр бәрлһн һарна.
23.Эн хар саната йовдлмуд күүнә дотрас һарад күүг бузрдулна.”
24
25
26
24. Тендәс һарад, Иисус Тиран һазрур ирв. Иисус герт орад, нег чигн күүнд Бийән ирснь медәлшгоһар седв, болв шоусмедмҗән угаһар тенд бәәҗ чадсн уга.
25. Юңгад гихлә Терүнә тускар нег гергн соңсҗ.Гергнә күүкнь хар сәкүснд авлгдсн бәәҗ,Гергн ирәд Иисусин көлднь унв.
26. Бийнь болхла Сирин Финикин һазрас ирсн бурцн номта гергн бәәҗ. Гергн күүкнәснь хар сәкүс көөҗ эдгәтн гиҗ сурсмн.
27
28
27. Зуг Иисус гергнд келҗ: “Би хамгин түрүнд бичкдүдиг цадхх зөвтә болҗанав. Тер учрар бичкдүдәс өдмг авад нохан кичгүдт өгсн сән биш.”
28. Гергн Терүнд хәрү өгсмн: “ Э-э, Деед Эзн, тер тиим болҗана. Болв ширә деерәс унсн бичкдүдин өдмгин үлдл нохан кичгүд иднәлм.”
29
30
29. Тиигҗ келснь соңссн Иисус гергенд келв : “Чи тиим хәрү өгсндчн чини күүкнәс хар сәкүсн һарч одв. Чи герүрн хәрҗ чадҗанач.”
30. Гергн герүрн ирәд,күүкән орн деер кевтснь үзв. Хар сәкүсн үрнәснь һарснь медв.
31
32
31. Иисус Тирин һазрас һарад, Сидона һазрмудар дәврәд, Десятиградия талас Галилеин теңгсүр ирв.
32. Иисусур дүлә болн келҗ чаддго кү дахулад авч ирәд, һаран күргтхә гиҗ сурҗ.
33
34
35
33. Иисус эн күүг хооран һарһад, Эврәннь һариннь хурһдан хойр чикнднь орулад, нульмад, түүнә келнднь һар күрв.
34. Дәкн Тер саналдчкад, деегшән хәләһәд келв: “Еффафа” ( эннь “Секгд” гисн үг).
35. Дүлә болн келҗ чаддго күн дарунь соңсдг болн сәәнәр келҗ чаддг болҗ.
36
37
36. Иисус эднд болсн өвәрцин тускар әмтнд бичә келтн гиҗ закв, Болв Иисус кесг дәкҗ заквр өгсн бийнь әмтн улм икәр келәд йовцаҗ.
37. Әмтн соңсад йир икәр алң болад, өврмҗ кеһәд,нег-негндән келәд бәәҗ:
“ Цуг Иисусин кеһәд бәәсн юмн йир сән болҗана. Дүлә әмтн – соңсдг болна, келн уга әмтн – сәәнәр келдг болв.