Маркас 6 бөлг.
1
2
3
1. Иисус тендәс һарад төрскн балһсурн ирв. Терүнә ард сурһульчнрнь йовла.
2. Бурхна Суббот өдр ирхлә, Иисус синагогд экләд сурһв. Терүг соңссн әмтн икәр алң болад келцхәв: «Энүнд альдас эн ухан ирҗәхмб? Иим цецн уха Терүнд яһад өгдҗахмб? Яһҗ иим өвәрцс Терүнә һарар күцәгдҗахмб?»
3. Эн урч эс биший? Эн Мариян көвүн, Иаковин, Иосин, Иудан болн Симона ахнь. Мана өөр Терүнә дү күүкднь сууналм,- гиҗ келәд тедн Терүнд итксн уга.
4
5
6
4. Иисус теднд иигҗ келв: «Әәлдәчиг цугтан күндлнә. Зуг төрскн һазртнь эврә элгн-саднь болн өрк-бүлнь әәлдәчд тоолгдхш.»
5. Иисус тенд өвәрц юм үзүлҗ чадсн уга. Цөөкн гемтә күн деер һаран тәвәд эдгәлә.
6. Иисус эднә иткл уга болснд алң болв. Тегәд Тер эргндк селәдәр йовад Байрта зәңг келәд сурһв.
7
8
9
7. Иисус Эврәннь арвн хойр сурһульчнран дуудад, хошадар тәвәд, хар сәкүсдиг көөҗ һарһдч йос өгв.
8. Иисус эднд иигҗ закв: « Тайгас талдан юм бичә автн: түңгрцг чигн, өдмг чигн, бүсдән мөңг чигн, сольҗ өмсх хувц чигн,
9. зуг көлдән буршмг өмстн.»
10
11
10. Иисус эднд келв: « Нег күүнә герт орҗ авад, тер хотнас һарч йовтлан гер бичә сольтн.
11. Кемр хотна улс тадниг эс орулҗ авхла, тана келсиг эс соңсхла тер хотнас һарад, көлиннь тоорм-тоос саҗчктн. Эн теднә гемиг медүлҗахин ил темдг болх.
12
13
12. Эдн йовад, килнцтә җирһлән хайтн гиҗ келәд ,
13. кесг хар сәкүсиг көөҗ, дала гемтә улсиг тосар түркәд эдгәсмн.
14
15
14. Иисусин тускар хан Ирод соңсҗ, юнгад гихлә Иисусин нерн олн әмтн дунд туурч. 15, Зәәрмнь Энүг уснд кирслдг Иоанн Креститель әмдрәд, тегәд өвәрцс күцәгдг чидлтә болҗана гиһәд келссмн.
16
17
16. Зәрмнь Энүг Илия гиҗ тоолҗ, наадкснь кезәнә әәлдәчнрлә әдл әәлдәч гиҗ келсмн. Ирод цуг энүг соңсчкад ухалҗ: «Нанар толһаһан тәәрүлсн Иоанн әмдрәд ирсн болҗана.»
17. Ирод Иоанниг бәрҗ авад түүрмд орулҗ, юңгад гихлә Иродиадас көлтә, эврәннь ах Филлиппын герг Иродиадыг авсмн.
18
19
20
18. Иоанн Ирод хаанд иигҗ келҗ: «Чамд ах гергнлә бәәх зөв уга.»
19. Иродиада Иоаннд ийр икәр уурлад, алхар седәд билә, зуг чадсн уга.
20. Юңгад гихлә Ирод Иоанниг чик седклтә, Бурхна күүһинь медәд бәәҗ. Ирод Иоанна келсн үгинь таасҗ соңсад, терүнәс соңса бәәҗ олн керг кесмн.
21
22
21. Нег дәкҗ Иродиадт тааста учр харһв. Ирод хаана һасн өдр болад, хан эврәннь нойдуддт, цергин ахлачнрт болн Галилеин көгшдүдт нәр кеҗ.
22. Иродиадын күүкн йир сәәнәр тенд бииләд, хаанд болн нәәрт терүнлә бәәсн улст дегәд икәр таасгдҗ.
23
24
25
23. Тегәд хан күүкнд андһарлад келҗ : «Ю сурнач, сурсичн өгнәв.
Орн-нутгиннь өрәлинь чигн өгнәв.»
24. Күүкн һарад экәсн сурҗ: «Ю сурхмб?» Экнь энүнд хәрү өгв: «Уснд кирслдг Иоанна толһа сур.»
25. Күүкн шулуһар хаанур ирәд терүнд закд келв: «Уснд кирслдг Иоанна толһаһинь тәвүр деер нанд авч ир.»
26
27
28
29
26. Хан йир икәр гейүрв, зуг нәәрт ирсн гиичнрин өөр келсн андһаран күцәхин тәлә күүкнә сурсиг өгх болв.
27. Хан ялчдан Иоанна толһа авч ир гиҗ закв.
28. Ялч түүрмд суусн Иоанна толһаһинь тәәрәд, тәвүр деер тәвәд, күүкнд авч ирв.
29. Иоанна сурһульчнр энүнә тускар соңсн, ирәд, цогцинь авад оршав.
30
31
32
30. Апостолмуд Иисусур хәрү ирәд, Терүнд цуг күцәсән болн әмтнд дасхан келҗ өгв.
31. Иисус эднд келв: «Нег көдә һазрур йовад, невчк амрхм, юңгад гихлә дала әмтн ирлдәд-йовлдад бәәв, хот чигн чөлән уга билә.»
32. Тегәд эдн оңһцд сууһад, көдә һазрур йовцхав.
33
34
33. Тедниг оңһцд сууһад йовснь әмтн үзҗ. Кесгнь эдниг таньҗ. Өөрхн бәәсн балһсин әмтн ардаснь усна көвәһәр гүүһәд, теднәс түрүлҗ ирҗ.
34. Иисус оңһцас һарн,дала гисн әмт үзв. Тер эднд санань зовад, эдн хөөч уга хөд мет бәәхинь үзәд, теднд дала юм экләд дасхв.
35
36
35. Дала цаг давсн хөөн, сурһульчнр Иисусур өөрдҗ ирәд келцхәв: «Эн эҗго көдә һазр болҗана, сө болҗ йовна.
36. Әмтиг тәвчк, өөрхн бәәсн селәдәр йовад , бийдән идх хот хулдҗ автха.
37
38
37. Иисус эднд иигҗ хәрү өгв: «Тадн эднд хот өгтн.» Тедн Терүнәс сурв: « Бидн хойр зун динарияр хот хулдҗ авад, эдниг цадхмб?»
38 . Зуг Иисус келв: «Йовад хәләтн, кедү өдмг танд бәәхнь?» Медәд авчкад, эдн келв: «Тавн өдмг болн хойр заһсн.»
39
40
41
39. Тегәд Иисус әмтиг багмудар көк ноһан деер суулһтн гив.
40. Эдн цуһар зууһадар болн тәвәдәр баглрад сууцхав.
41. Иисус тавн өдмг болн хойр заһс авв. Теңгр тал хәләһәд, Тер ханлт өргәд, әдсләд, өдмгиг хуһлад сурһульчнртан өгәд бәәв, тедн әмтнд түгәһәд өгв.
42
43
44
42. Цуһар әмтн идәд цадв.
43. Арвн хойр зембл үлдсн өдмгәр болн заһсар дүүрв.
44. Хот идсн улсиг тоолхла, зуг залу улснь тавн миңгн күн болҗ һарв.
45
46
47
45. Тер дарунь Иисус сурһульчнртан оңһцдан сууһад Вифсаид тал теңгс һатлтн гив. Иисус бийнь әмтиг йовулхар үлдв.
46. Әмтиг йовучкад, Иисус зальврхар уул деер һарв.
47. Асхн ора болҗ йовхла, сурһульчнр оңһцар теңгсин тал дунд күрч Иисус һанцарн эрг деер үлдсмн.
48
49
50
48. Сурһульчнр догшн салькнла цуг чидләрн ноолдҗасинь үзәд, сөөни өрәл давсн цагла Тер теңгсәр йовҗ йовад теднүр өөрдчкәд оңһциг күцәд, давҗ йовхар седлә.
49. Теңгсәр йовҗ йовсн Иисусиг сурһульчнр үзәд, үзгдл гиҗ санҗ. Эдн әәчкәд хәәкрцхәҗ.
50. Иисус дарунь эднлә күүндв: « Бичә әәтн, Энтн Бив.»
51
52
51. Иисусиг оңһцд орад суухла, салькн тогтнв.
52. Сурһульчнрнь йир икәр алң болцхав, юңгад гихлә теднә зүркнь хаалһата болад, өдмгин туск өвәрциг медҗ чадсмн уга.
53
54
55
54. Эдн оңһцасн һархла, дарунь әмтн Иисусиг таньв.
55. Эдн эргндк бәәсн болн Иисус одсн һазрмудар гүүһәд, гемтә улсиг орта-дертәһинь авч ирв.
56
56. Иисус альк һазрур одвчн: селәдәр балһсдар аль хотдар цуг уульнцсдмудар дүүргәд гемтә улс авч ирдмн. Иисусин хувцна хормаднь һаран күргх зөв эрәд сурдмн. Кен һаран күргснь - тер эдгҗ оддмн.