Марк 11 белг.
1
2
3
1. Иерусалимур өөрдәд, Елеонск уулын өөр бәәсн Виффагийд болн Вифаньд ирхлә, Иисус хойр сурһульчан илгәһәд теднд келв:
2. “Тадн йовад, тана өмн бәәсн селәнүр ортн. Селәнүр орн, тадн дарунь нег чигн күн сууһад уга, уята баахн элҗгниг үзхт. Энүг сулдхад, Нанур авч иртн.
3. Кемр кен чигн таднас сурхла : “Тадн ю кеҗәнәт? “Деед Эзнд кергтә болҗана, даруньТер хәрү тәвх,” – гиҗ хәрү өгтн.
4
5
6
4.Сурһульчнрнь йовад, уульнцд уята баахн элҗгниг олад, тәәләд авч. Тенд бәәсн әмтнә зәрмнь сурцхаҗ :
5. “Тадн ю кеҗәнәт? Яһад элҗгниг тәәлҗәхмбт?”
6. Сурһульчнр Иисусин келсиг келәд өгхлә, әмтн тедниг тәвчкҗ.
7
8
9
10
7. Сурһульчнрнь баахн элҗгниг Иисусур көтләд авч ирәд, деернь эврәннь хувцан делгв, тегәд Иисус деернь суув.
8. Иисусин йовсн хаалһд кесг әмтн эврәннь хувцан делгцхәҗ, талдан улс модын бүчрмүд таслад,хаалһднь делгәд йовцхаҗ.
9. Иисусин өмн йовсн болн Иисуста хамдан йовсн әмтн хәәкрлдцәҗ: “Бурхн тууртха! Деед Эзнә төлә йовсн Әдстә болтха!
10. Деед Эзнә төлә Герсн мана Давид эцкин орн – нутг Әдстә болтха! Теңгрт Бурхн тууртха!”
11
12
11. Иисус Иерусалимур ирәд, Тер һол сүмд орад, цуг дотрнь бәәснь хәләв. Зуг асхн ора цаг болад, Тер арвн хойр сурһульчнртаһан Вифанюр йовсмн.
12. Маңһдуртнь эдн Вифанас һарад йовхла, Иисусин геснь икәр өлсҗ.
13
14
13. Холас Иисус дала хамтхаста инҗрин мод үзәд, өөрдәд хәләҗ, болв көк хамтхаснас үлү юм олҗ чадсн уга , юңгад гихлә инҗр хурах цаг ирәд уга билә.
14. Тегәд Иисус тер моднд келв: “Чини темс нег чигн күн төрүц бичә идтхә.” Сурһульчнрнь Иисусин келсн үг соңссмн.
15
16
15. Эдн Иерусалимд ирхлә, Иисус Бурхна һол сүмд орад, тенд хулд кеҗәсн болн хулдҗах улсиг көөв. Тер мөңг сольдг улсин ширәс болн көглҗрһ хулдҗасн әмтнә сандлмудыг көлврүлв.
16. Сүмд бичә юм авч иртн гиҗ закв.
17
18
19
17. Иисус эдниг сурһв : Иигҗ эс бичәтәй: Мини гер зальврлһна гер гиҗ нерәдгтх, зуг тадн болхла энүг деермчнрин кевтр кеҗт.”
18. Дегтр бичдг болн Бурхна әрүн улс цуг эн болсиг соңсад, Иисусиг яһҗ алхин тускар ухалад бәәцхәв. Зуг эдн Терүнәс әәдг бәәсмн,юңгад гихлә цуг олн әмтн Иисусин дасхҗах сурһульд өврәд бәәсмн.
19. Асхн болхла, Иисус балһснас һарад йовҗ.
20
21
20. Инҗр модын өөр өрүнднь йовҗ йовад сурһульчнрнь инҗр модн хагсҗ одснь үзв.
21. Петр эн моднла юн болсинь санад Иисуст келв: «Багш! Хәләтн , Тана харасн модн хагсҗ оч.”
22
23
22. Иисус эднд хәрү өгв:
23. “Бурхнд итктн! Үнәр келҗәнәв: кемр тадн эн уулд келхлә: “ Босад теңгсин уснд ун” гиһәд келн, болн зүркндән маһдл уга иткәд дәкн тана келсн күцх гиҗ иткхлә – тадна келсәр болх.
24
25
26
24. Тегәд таднд келҗәнәв : Тадн итклтәһәр зальврхла, ю сурнат – сурсан авхт.
25. Тадн зальврсн цагтан, ямаран болв чигн күүнә гемнь тәвҗ өгтн, тегәд тана Теңгрин эцк тана килнцитн бас тәвҗ өгх.
26. Кемр тадн күүнә гем эс тәвхлә, тана килнцсиг Теңгрин эцк бас тәвҗ өгшго.”
27
28
27. Эдн хәрү Иерусалимур ирҗ. Иисус һол сүмд бәәсн цагт, медәтнр, дегтр бичдг болн Бурхна әрүн улс Терүнүр өөрдәд сурцхаҗ: “ Чи ямаран йосар энүг кеҗәнәч? Кен Чамд тиим йос өгсмн?”
28. Иисус эднд хәрү өгв : “Таднас Би бас сурхар бәәнәв.
29
30
29. Кемр тадн келхлә Би бас таднд ямаран йосар күцәҗәхән келнәв.”
30. Иоанна кирслһн альдас ирсмб? Теңгрәс эс гиҗ әмтнәс? Нанд хәрүһинь келтн.”
31
32
33
31. Тедн хоорндан ухалад күүндцхәв : Кемр бидн теңгрәс гиҗ келхлә, Тер маднд келх : юңгад тадн терүнд итксн угат?
32. Әмтнәс гиҗ келхлә, олн улсас әәҗәнәвидн, юңгад гихлә тедн Иоанниг әәлдәч гиҗ тоолҗана.
33. Тегәд Эдн Иисуст иим хәрү өгсмн : “Медҗәхшвидн.” Тиигхлә Иисус эднд келв : “Би бас таднд ямаран йосар Би кеҗәхән келшгов.”