Марк 10 белг.
1
2
3
4
1. Иисус тендәс һарад, Иордана талдан үзгт бәәсн Иудеин һазрмудур ирв. Терүнә өөр дәкн дала әмтн хурҗ, тегәд Иисус эдниг урднь сурһдг кевәрн дасхв.
2. Терүнүр фарисеймуд өөрдәд келсн үгәрнь бәрҗ авхар седәд урцхаҗ : “Залу күүнд гергнәс салх зөв Закан өгнү?
3. Иисус эднәс сурв : Таднд Моисей ю закв?”
4. Эдн хәрү өгв : “Моисей тиим зөв өгсмн, болв залу күн гергнәснь салхларн, саллһна цаас бичх зөвтә.
5
6
5. Иисус эднд хәрү өгв : “Зүркн тана дегд хату болсн учрар Моисей таднд гергнәсн салһ зөв өгсмн.
6. Болв экнәс авн Бурхн залу күн болн күүкд күн болтха гиҗ үүдәсмн.
7
8
9
7. Тегәд залу күн эк-эцкән үлдәһәд,
8. эврәннь гергтәһән ниилх зөвтә.Эдн хойр нег бий цогц болх
9. Тегәд Бурхн ниилүлсн хөөн, күн бичә салһтха.”
10
11
12
10. Герт орад, сурһульчнрнь дәкн энүнә тускар Иисусус сурцхаҗ.
11. Иисус эднд келҗ : Кемр залу күн гергнәсн салад, талдан герг авхла, залу гергндән өгсн үгән эвдҗәнә.
12. Кемр гергн залуһасн салад, талдан залуд одхла, тер гергн залудан өгсн үгән бас эвдҗәнә.
13
14
13. Иисусар һар күргүлхәр бичкн күүкд болн көвүд авч ирҗ, зуг сурһульчнр тедниг орулсмн уга.
14. Болв терүг Иисус үзн , ик гидгәр уурлад келв : “Бичкдүд Нанур иртхә, тедниг Нанур авч ирхлә бичә харш болтн, юңгад гихлә бичкдүдлә әдл улс Бурхна Теңгрин орн-нутгт орх, Бурхна Теңгрин орн-нутг - теднә.
15
16
15. Үнәр таднд келҗәнәв : кен Теңгрин Бурхна орн-нутгиг бичкдүдлә әдл зүркндән эс орулхла, тер күн Теңгрин Бурхна орн-нутгт оршго.”
16. Иисус бичкдүдиг теврәд, һар күрәд әдс өгч.
17
18
19
17. Иисус һарад йовхар бәәсн кемлә, Терүнүр нег күн гүүҗ ирәд, өмннь унад, сөгдәд сурв : “Цаһан седклтә Багш! Мөңк җирһлд тусхин төлә би ю кехмб?
18. Иисус эн күүнд хәрү өгв : “Юңгад Намаг цаһан седклтә гиң нерәднәч? Һанцхн Бурхн цаһан седклтә, талдан нег чигн күн тиим биш.
19. Бурхна зааврмуд чи меддвч: “ залу гергн хойр нег-негндән өгсн үг бичә эвд; кү бичә ал; хулха бичә ке; күүнә тускар худлар бичә герчл; кү бичә мекл; эк-эцк хойран күндл.”
20
21
22
20. Тер күн Иисуст келв : Багш, цуг энүг би бичкнәсн авн күцәдв,”
21.Иисус дуртаһар терүнүр хәләһәд келв : “Чамд негхн юмн күцҗәхш; йовад, цуг чамд бәәсн юман хулдад, мөңгинь угатя улст өгчк. Тиигхлә Теңгр деер зөөртә болхч,тегәд ирәд Намаг дах.”
22. Тер күн тиим үгмүд соңсчкад, һундлтаһар һарад йовҗ одв, юңгад гихлә ийр байн күн бәәҗ.
23
24
25
23. Иисус сурһульчнр талан хәләһәд келв : “Байн күүнд Теңгрин Бурхна орн-нутгт орхд күчр күнд.
24.Иисусин келсн үг сурһульчнриг әәлһв. Болв Иисус дәкн эднд келв : “Үрдүд Мини! Эврәннь байн зөөртән нәәлҗәх улст Теңгрин Бурхна орн-нутгт орхд күчр күнд.
26
27
28
26. Сурһульчнринь ийр алң болад, нег-негнәсн сурцхав : “тиим болхла кен бийиннь әмән аврҗ чадхмб?”
27. Теднүр Иисус хәләһәд келв : “Әмтн кеҗ чадшго, зуг Бурхн ю болв чигн күцәҗ чадна.
28. Тиигхлә Петр Терүнд келв : “Мадн бәәсән үлдәһәд, Таниг дахад йовлавидн.
29
30
31
29. Иисус хәрү өгв : “Үнәр таднд келҗәнәв: герән, ахнр-дүүнрән, эк-эцкән, гергән, үрдүдән, төрсн һазран кесг зовлң үзв чигн, мини болн Байрта Зәңгин төлә
30.үлдәсн күн зун холван өнчән авх, гертә-бүлтә, эк-эцктә, ахнр-дүүнртә, үрдүдтә, һазрта болх, ирх цагт мөңк җирһл авх.
31. Кесг түрүңк болснь сүүлңкнь болх. Сүүлңкнь – түрүңкнь болх.”
32
33
34
32. Тегәд цуһар Иерусалимур күрдг хаалһар йовҗ йовхла, Иисус теднә өмннь йовсмн. Терүнә ардас ик гидгәр әәсн болн сүрдсн улс дахҗ йовсмн.Арвн хойр сурһульчнран дуудад, Иисус дәкн эднд Бийләнь юн болх зөвтәһинь келв:
33. “Мадн өөдән Иерусалимур һарчнавидн.Тенд Күмни Көвүг Бурхна ах әрүн улст болн дегтр бичдг әмтнд бәрүлҗ өгәд, зарһ орулад, Терүг цааҗла харһулад, алх шиидвр һарһад, буру номта улсин һарт өгх.
34. Күмни Көвүһәр наад бәрх, нульмх, цокх, алх. Болв һурв хонад, Күмни Көвүн әмдрх.”
35
36
37
35. Тер цагла Заведеин көвүн Иаков болн Иоанн Терүнүр өөрдәд келв : Багш!Бидн Таниг мана сурсн номиг күцәтн гиҗ эрҗәнәвидн.”
36. Иисус эднәс сурв : “Нанас таднд юн кергтә?
37. Эдн Терүнд хәрү өгв : “Теңгрин Бурхна Туурмҗта Тана орн-нутгт Маднас негнь- Танас барун хаҗуд болн хойрдгчнь – Танас зүн хаҗуд суулһит гиҗ сурҗанавидн.”
38
39
40
38.Иисус хәрү өгв : “Тадн ю сурҗахан медҗәхшт. Мини уусн ааһас ууҗ чадхшит? Мини эдлсн зовлңгиг тадн тесҗ чадхшит?
39. Эдн келцхәв : “Чадхувидн”.Тиигхлә Иисус эднд келв :”Мини зовлңгта ааһас уутх болн Мини зовлң эдлхит.
40. Зуг кен Нанас барун болн зүн хаҗуд суухинь Нанд йилһх зөв уга.Нанас барун болн зүн хаҗуд суух улст эн орм урдаснь белдчксмн.”
41
42
41. Энүг соңссн наадк арвн сурһульчнрннь Иаков болн Иоанн уурлцхаҗ.
42. Иисус эдниг дуудад келв : эн делкән хаадуд олн әмтиг даҗрдгинь, ахлачнр әмтн деер эзн болдгинь тадн меднәлмт.
43
44
45
43. Зуг тадн дунд тиим юмн болх зөв уга .Кемр тадн дунд негнтн ик йоста болхар бәәхлә, зарц болг.
44. Кемр тадн дунд негнтн түрүңк болхар бәәхлә, таднд мухла болг.
45. Күмни Көвүн әмт зархар ирсн уга,Бийнь әмтнд заргдад,Эврәннь җирһлән кесгиннь төлә өгәд, әмтиг аврхар ирсмн .
46
47
48
46. Иисус Иерихонур ирҗ. Хөөннь сурһульчнртаһан болн арднь дахсн олн әмтнтә Иерихонас һарад йовҗ йовсн хаалһин өөр Тимеин көвүн Вартимей сууҗ. Вартимей һууль һууһад суудг сохр күн бәәҗ.
47. Хаҗуһарнь Иисус давҗ йовснь соңсад, Вартимей хәәкрв: “Давида Көвүн! Намаг хәәрлтн”
48. Кесг әмтн энүг хәрәд келцхәв : “Бичә хәәкрәд бә” Вартимей улм чаңһар хәәкрв: “Давида Көвүн!Намаг хәәрлтн”
49
50
49. Иисус зогсад келв : “Эн күүг Нанур дуудтн, сохр күүг дуудад, энүнд келҗ: “Бичә ә, бос. Иисус чамаг дуудҗана.”
50. Вартимей деерән бәәсн хувцан хаяд, босад, Иисусур өөрдәд ирв.
51
52
51. Иисус сурв : “Чамд Нанас юн кергтә болад, дуудад бәәнәч? Сохр күн хәрү өгв: “Багш! Би нүдәрн юм үзхәр седҗәнәв.”
52. Иисус энүнд келв : “Йов, чини иткл чамаг эдгәв.” Вартимей дарунь үздг болад, Иисусин ардас дахад йовв.