1 ¹ Huang buku ije jadi nuliskuh helu, Teofilus, ije uras jadi i nampara nggawi tuntang iajar Yesus, ² sampai andau Ie iangkat, limbah Ie manenga parentah, malalu Roh ije Barasih, akan rasul-rasul ije jadi Ie mintih. ³ Akan ewen, Ie kea mamparahan Arep ah kabuat je belum limbah Ie ingampehe, dengan are bukti, akan ewen epat puluh andau katahi Ie mamparahan arep selajur mamander tentang kerajaan Hatala. ⁴ kanjera Ie hayak dengan ewen, Ie mamarentah ewen mangat dia malihi Yerusalem, tuntang manunggu janji Hatalla, je Kua, "ikau mahining bara Aku, ⁵ awi Yohanes mambaptis dengan danum, tapi ketun akan kana baptis dengan Roh ije Barasih, dia tahi bara wayah tuh". Yesus Taangakt kan Surga ⁶ Metun ewen hayak dengan Hatalla, ewen misek Ie, "Hatalla, en jituh kah waktu akan Ikau ngambuah kerajaan Israel?" ⁷ Limbah te kuan Hatalla akan ewen, "Beken hak ayum akan mangatawan waktu tuntang wayah ije jadi natap Hatalla elai surga dengan kuasa Ayue. ⁸ Tapi, ikau akan manarima kuasa metun Roh ije Barasih dumah tuntang melai elai atei muh tuntang ikau akan manjadi saksi-saksi ayung Kuh elai Yerusalem, Yudea, tuntang Samaria, sampai kan puting dunia." ⁹ Limbah Ie mamander jite, pandehan ewen manampayah Ie taangkat akan langit, sampai ewen dia ulih manampayah Ie, awi tahalang awan. ¹⁰ Metun ewen lagih manampayah kan langit, pandehan Ie tulak kan surga, payah te, tege due hatue hapan baju puti mendeng hila silan ewen, ¹¹ tuntang bapander "uy uluh Galilea, buhen ikau mendeng tuntang manampayah langit? Yesus je hayak dengan ketun jadi taangkat akan surga, Ie akan dumah hindai dengan cara je sama kilau ikau manampayah Ie tulak kan surga." Mamintih ije Rasul Haru ¹² limbah ewen manampayah Yesus mandai akan surga melai bukit zaitun, je tukep melay Yerusalem, je kira-kira ije pal kakejau. Ewen haluli akan uka ewen je sulak ah melai Yerusalem. ¹³ Ewen bakumpul melai huang kamar je elai hunjun, uka ewen melay. Iyete ewen Petrus tuntang Yohanes, Yakobus tuntang Andreas, Filipus tuntang Tomas, Bartolomeus tuntang Matius, Yakobus bin Alfeus, tuntang Simon uluh Zelot tuntang Yudas bin Yakobus. ¹⁴ Ewen uras hinje kaatei tuntang badoa hayak dengan bapire-pire uluh bawi, tuntang Maria indu Yesus dengan pahari-pahari Yesus. ¹⁵ Andau te, Petrus mendeng bara hila bentuk pahari samandiai je bakumpul andau te, (kira-kira saratus due puluh biti) tuntang hamauh ¹⁶ "pahari samandiai, harus tajadi Surat Barasih je jadi inyampai Roh ije Barasih sahelu malalu Daud tentang Yudas, ije mamimpin uluh akan manekap Yesus. ¹⁷ Awi huran, Yudas te bagian bara itah kea tuntang umba bagawi hayak dengan itah. ¹⁸ Tapi tuh, Yudas jadi mamili petak kubur ayu bara duit je ie supa bara kapapa, limbas te, iye manjatu tuntang matei, kanai pusit tuntang gambuh ayue nampurak balua. ¹⁹ Paristiwa jituh, jadi katawan awi uras uluh ije belum elai Yerusalem, sahingga uluh hete manampa aran petak uka Yudas matei te Hakal-Dama je arti 'Petak Daha' ²⁰ Awi jadi, kana tulis melai huang kitab Mazmur: 'Nau uka melai ayue te jadi benyem, tuntang jatun uluh je melai uka te Mazmur 69:26 tuntang, uluh beken ije manduan taluh gawie. Mazmur 109:8 ²¹ te, ije biti je jadi umba dengan itah je salalu hayak dengan itah bara Yesus masih tege hayak dengan itah, ²² je mulai bara baptisan Yohanes sampai Ie mandai akan surga malihi itah, ije bara ewen harus jadi saksi tentang kabangkitan Yesus hayak dengan itah." ²³ Limbah te, ewen manyurung due biti ije ara Yusuf je inehau uluh Barsabas, je inyewut kea Yustus, tuntang Matias. ²⁴ Limbah te, ewen badoa. "Hatalla, Ikau ije mangatawan uras atei kalunen, parahan akan ikei bara due biti tuh eweh je intih Muh, ²⁵ akan mangganti posisi Yudas ije jadi malihi gawi sebagai rasul, tuntang tulak akan uka je saharus ah." ²⁶ Limbah te, ewen rasul manjakah undian akan due biti jite. Je supa undian jite ie te Matias. Kilau kute Matias kana patame akan kaseblas rasul jite.