Salam ¹ Re Paulus, Rasul Kristus Yesus penekak Allah, ngau urang-urang kudus de Efesus, urang-urang pecayak lam Kristus Yesus. ² Kasih karunia ngau damai sejahteraa re Allah, Apai kita ngau ari Tuhan Yesus Kristus nyerta kitak. ³ Tepuji Allah ngau Apai Tuhan kita Yesus Kristus te alam Kristus dah ngarunia ke ngau kita semua berkat rohani alam sorga. ⁴ Empadai alam Ya Allah dah milih kita sapan denia tuk depulah, isak ke kita kudus ngau ndai sih cacat cela dadap Ya. ⁵ Alam kasih Ya dah nentu ke kita re peruba ulih Yesus Kristus untuk jadi anak-anak Ya, sesuai penekak Ya, ⁶ isak ke kasih karunia Ya te mulia tepuji, te deberik Ya ngau kita alam Ya (Yesus) te dekasih Ya (Allah). ⁷ Empadai alam Ya ngau darah Ya kita bulih penebusan, yak mek pengampunan dusa, menurut kekaya kasih karunia Ya, ⁸ te delimpah ke Ya ngau kita alam segala hikmat ngau pengertian. ⁹ Empadai Ya dah madah ke resia penekak Ya ngau kita, sesuai ngau rencana Ya, rencana penekak Ya re subak te udah detetap ke Ya alam Kristus ¹⁰ sebagai pesiapan kegenap waktu untuk nyutik ke alam Kristus sebagai Kepalak semua utai, baaik te desurga ngau te de bumi. ¹¹ Kupadah "alam Kristus", empadai alam Ya lah kami bulih bagian te dejanyi ke - kami te subak detente ke nerimak bagian yak sesuai ngau maksud Allah, te alam semua utai bekerja menurut keputusan penekak Ya - ¹² isak kami, te subak dah naaruh arapan ngau Kristus, tsu jadi puji-pujian bagi kemuliaanYa. ¹³ Alam Ya ugak - empadai kitak dah ninga firman kebenaran, Injil keselamatan kitak - alam Ya ugak rama kitak pecayak, demeterai ke ngau Roh Kudus, te dejanyi ke Ya yak. ¹⁴ Roh Kudus yak mek jaminan bagian kita sampai kita bulih semua, penebusan te nyuruh kita empu Allah, untuk meuji kemuliaan Ya. ¹⁵ NYaka nyuruh, seudah akau ninga atentang iman kitak alam Tuhan Yesus ngau tentang kasih kitak teradap semua urang kudus, ¹⁶ aku ndai baduk-baduk ngucap sukur empadai kitak. Ngau aku ningat kitak seruntik alam doa, ¹⁷ mintak ngau Allah Tuhan kita Yesus Kristus, Apai te mulia yak, isak Ya merik ngau kitak Roh hikmat ngau wahyu untuk ngelala Ya ngau benar. ¹⁸ Isak Ya nyadi ke mata kitak terang, isak ke kitak nyaruk arapan nama te bisik alam pengumaiYa: kaya benar kemuliaan te detentu ke Ya bagi urang-urang kudus, ¹⁹ matang hebat bebenar kuasa-Ya bagi urang te pecayak, sesuai ngau kuasa Ya, ²⁰ te dekerja ke Ya alam Kristus ngau ngemangkit ke Ya dentara urang mati ngau nuduk ke Ya desepiak kanan Ya de surga, ²¹ jauh lebih tingik re semua pemerintah ngau penguasa ngau kekuasaan ngau kerajaan ngau tiap-tiap nama te tau detelah, bukai cuma de denia tuk, tapi denia te kak datai. ²² semua utai dah detaruh Ya de babah kaki Kristus, ngau Ya dah deberik ngau jemaat sebagai kepalak re semua te bisik. ²³ Jemaat, tubuh Ya, kepenuh Ya, te menuh semua utai.